Divya Bhaskar

Home » Daxin Gujarat » Latest News » Valsad » Modified Bikes For Handicaps In Valsad, Know Features

હવે દિવ્યાંગોના જીવનમાં આવશે નવી ઉજાશ બની અનોખી મોડિફાઇડ બાઇક

Divyabhaskar.com | Updated - May 21, 2018, 12:34 AM

પગની ખામીવાળા માટે આશિર્વાદરૂપ વાહન તૈયાર કરાયું, દિવ્યાંગ સાથે 3 વ્યક્તિ બેસી શકે

  • Modified Bikes For Handicaps In Valsad, Know Features
    +1બીજી સ્લાઈડ્સ જુઓ
    નયન મિસ્ત્રીના જણાવ્યા મુજબ, ઘણાં દિવ્યાંગોને ડ્રાઇવિંગ પણ શીખવું છું

    વલસાડ: વલસાડના અેક મિકેનિકે પગથી લાચાર દિવ્યાંગો માટે અનોખી મોડિફાઇડ મોટરસાઇકલ બનાવી છે. જે વાહન વસાવવાનાં શમણાં સેવતા હજારો દિવ્યાંગોનાં જીવનમાં આશાનું કિરણ બની રહેશે. અત્યાર સુધી આ મિકેનિકે દિવ્યાંગો માટે 6 જેટલી મોટરબાઇક બનાવી છે. વલસાડના તિથલ રોડ પર રહેતા અને મદનવાડ પાણીની ટાંકી પાસે ઓટોમોબાઇલ એન્જિનીયરિંગનું કામ કરતા નયન મિસ્ત્રી વર્ષોથી મિકેનિકનું કામ કરે છે.તેમની પાસે અનેકવાર પોલિયોગ્રસ્ત દિવ્યાંગો,અકસ્માતમાં પગ ગુમાવી દીધો હોય કે ગેંગરિંગની બિમારીથી પગ કાપવાની નોબત આવી હોય તેવા દિવ્યાંગો માટે ખાસ મોડિફાઇડ કરેલી મોટરસાઇકલ બનાવી આપવાની ઓફર આવતી હતી.

    દિવ્યાંગ સાથે 3 વ્યક્તિ બેસી શકે

    મોડિફાઇડ મોપેડ તો મળી જાય છે પરંતુ તેની એવરેજ મોંઘી પડતી હોય છે.તેવા સંજોગોમાં જો માઇલેજ આપતી મોટરબાઇક દિવ્યાંગો માટે પણ હોય તો આર્થિક રીતે ફાયદો મળે તેમ માની નયન મિસ્ત્રીએ દિવ્યાંગો માટે મોડિફાઇડ મોટરબાઇક બનાવવાનું બીડું ઝડપ્યું હતું. દિવ્યાંગોને મોડિફાઇડ વાહન લેવા માટે મુંબઇ,અમદાવાદ,વડોદરા સુધી જવું પડે અને સર્વિસ,રિપેરિંગના પ્રશ્નો માટે વારંવાર હાલાકી ભોગવવી ન પડે તે માટે વલસાડમાં આ મિકેનિકે હેન્ડિકેપ માટે વાહન બનાવ્યુ છે,જેની સર્વિસ,રિપેરિંગ વલસાડમાં ઉપલબ્ધ હોવાથી પરેશાની થતી નથી.


    ઘસડાઇને ચાલવું પડે તેવી સ્થિતિ હતી,હવે રાહત મળી


    બારડોલી સરભોણના દિવ્યાંગ ખેડૂત ઉમેશ પટેલે જણાવ્યું કે, વલસાડમાં દિવ્યાંગો માટે 3 સીટના વધારા સાથે મોડિફાઇડ બાઇકની જાણ થઇ હતી. નયનભાઇ પાસે આ વાહન બનાવડાવ્યુું છે.જીવનમાં નવા આત્મવિશ્વાસનો સંચાર થયો છે.બંન્ને પગમાં ખોડ છે,ઘસડાઇને ચાલવુ પડે છે. ખેતી અને શાકભાજીના વેચાણ માટે મારકેટ સુધી જવા રાહત થઇ. આ બાઇક મારા અને પરિવાર માટે ખુબ ઉપયોગી નિવડી છે.

    આગળ વાંચો: ખાસિયત

  • Modified Bikes For Handicaps In Valsad, Know Features
    આરટીઓના નિયમ મુજબની ટ્રેઇનિંગ ફ્રીમાં આપી તેને મદદરૂપ થવા પ્રયત્ન કરું છું

     ખાસિયત: ચાલક સિવાય 3 વ્યક્તિ બેસી શકે છે. પરિવાર,મિત્રો કે કોઇપણ સાથે રહી શકે છે. હેન્ડ ગીઅર છે. બ્રેક સ્ટિયરિંગ પર આપી છે. બાઇક છુટી એટલે કે ફોલ્ડિંગ થઇ શકે છે. કોઇક કારણસર વેચવી હોય તો તેને છુટી પાડી સામાન્ય મોટરબાઇક બની જાય જેનું કોઇને પણ વેચાણ કરી શકાય છે. 50થી 100 કિલો વજન લઇ જઇ શકાય.ગામડાના દિવ્યાંગોની જમીન ખેતી હોય તો મજૂરોને પણ બેસાડી વાડી સુધી લઇ જઇ શકાય.

     

    આ બાઇક બનાવતા 2 મહિના લાગે છે


    નવી બાઇકને મોડિફાઇડ કરતા 2 માસનો સમય લાગે છે.દરેક પાર્ટસ છુટા કરી એલાઇન્મેન્ટ મુજબ બેસાડવા,3 વ્યક્તિઓ માટે સીટિંગ વ્યવસ્થા,ગીઅર,બ્રેકની નવી ટેક્નિક,કલર વિગેરેનું કામ ચોકસાઇથી કરવું પડે છે.

     

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

Trending