Divya Bhaskar

Home » Daxin Gujarat » Latest News » Valsad » ગ્વાલિયર પાસે કાર પલટી, વાપીનાં 4નાં મોત | Ajmer Sharif returning to the family of Vapi, 4 died due to an accident

અજમેર શરીફથી પરત ફરી રહેલા વાપીના પરિવારને નડ્યો અકસ્માત, 4ના મોત

Divyabhaskar.com | Updated - May 18, 2018, 02:29 AM

ત્રણ મહિલા તથા 5 વર્ષના બાળકે સ્થળ પર જ દમ તોડયો

  • ગ્વાલિયર પાસે કાર પલટી, વાપીનાં 4નાં મોત | Ajmer Sharif returning to the family of Vapi, 4 died due to an accident

    ગ્વાલિયર, વાપી: વાપી ખાતેથી અજમેર શરીફની દરગાહ ખાતે દર્શને ગયેલા એક પરિવારના સભ્યોને ગુરુવારે સાંજે વાપી પરત થતી વેળા ગ્વાલિયર નજીક ધોરીમાર્ગ પર અકસ્માત નડતાં ત્રણ મહિલા અને એક પાંચ માસની બાળકી સહિત ચાર સભ્યોના કમકમાટીભર્યા મોત નિપજયા છે. તેમની મહિન્દ્રા TUV કાર પૂરઝડપે દોડી રહી હતી ત્યારે એકાએક ઢોરનું ધણ ધસી આવતા ચાલકે વાહન પરથી કાબુ ગુમાવી દીધો હતો અને કાર રોડની સાઇડમાં ઉતરી જય ત્રણ-ચાર પલટી મારી ગઇ હતી.

    કારની અચાનક બ્રેક મારતા તેમણે વાહન પરથી કાબુ ગુમાવી દીધો


    આ ઘટના અંગે સ્થળ પરથી મળતી પ્રાથમિક માહિતી અનુસાર, વાપી ખાતે રહેતા રમઝાન ખાન ગત 12મીના રોજ મહિન્દ્રા TUV જીજે 15 સીએચ 1268 નંબરની કારમાં પોતાના પરિવાર સાથે રાજસ્થાન જવા નીકળ્યા હતા. આ દરમિયાન અજમેર દરગાહ ખાતે થઈ જયપુર-આગ્રા વગેરે સ્થળો બાદ ગુરુવારે સાંજે તેઓ વાપી આવવા રવાના થઈ ગયા હતા. મહિન્દ્રા કારનું ડ્રાઇવિંગ રમઝાનભાઈ પોતે જ કરી રહ્યા હતા. આ દરમિયાન વાપી પરત થતી વખતે ગ્વાલિયર નજીકથી પસાર થતાં ધોરીમાર્ગ પર પનિહાર ગામ નજીક રાત્રે 8 કલાકની આસપાસ રોડ પર એકાએક ઢોરનું ધણ ધસી આવ્યું હતું.

    ઢોરથી બચવા માટે રમઝાનભાઈએ પૂરપાટ ઝડપે દોડતી કારની અચાનક બ્રેક મારતા તેમણે વાહન પરથી કાબુ ગુમાવી દીધો હતો અને કાર રોડની સાઇડમાં ઉતરી જય ત્રણ-ચાર પલટી મારી ગઇ હતી. અકસ્માત એટલો તીવ્ર હતો કે કારના દરવાજા પણ સરખા ખૂલી શક્યા ન હતા. જેને કારણે અંદર બેઠેલા મુસાફરોને જીવલેણ ઇજા પહોંચી હતી.
    આ દુર્ઘટનામાં રમઝાનખાનની માતા જેહરુનિશા બેન, ભાભી સફીના (પત્ની કલીમ ખા), ભત્રીજો અજમાન (પુત્ર કલીમ ખા), બહેન શબીના (પત્ની જાવેદખાન)ના ઘટનાસ્થળ પર મોત થયા હતા. કારમાં સવાર અન્ય મુસાફરોને ઈજા પહોંચી હતી. દુર્ઘટના બાદ મૃતકો તેમજ ઘાયલોને હોસ્પિટલ લઈ જવાયા હતા જ્યાં મૃતકોના પોસ્ટમોર્ટમ માટે ઇનકાર કરાતા રમજાન ભાઈ તમામને લઈને વાપી આવવા રવાના થઈ ગયા હતા.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

Trending