ચલથાણ હત્યા કેસઃ છ વર્ષની બાળાનું મોત માથું પછડાવાથી થયું હતું

9 વર્ષ પહેલા
  • કૉપી લિંક

- ક્લોઝઅપ ડેથમાં માથાના ભાગે ઈજાથી મોત થયું હતું

પલસાણા તાલુકાના કડોદરા ખાતે આવેલ અમૃત નગરમાં રહેતા ૧૭ વર્ષી‍ય સગીરને તેની છ વર્ષની સાવકી બહેનને ઘરથી દૂર ચલથાણ નહેર નજીક લઈ જઈ ઘાતકી હત્યા કરવાના પ્રકરણમાં પોલીસે મૃતક બાળકીનું પેનલ ડોક્ટરથી પીએમ કરાવ્યું હતું. જેમાં ક્લોઝઅપ ડેથમાં બાળકીને માથાના ભાગે ગંભીર ઈજા થવાથી તેનું મોત નીપજ્યું હોવાનું બહાર આવ્યું હતું.

પલસાણા તાલુકાના કડોદરાખાતે આવેલ અમૃત નગરમાં રહેતી શાહનુમા બેગમના પ્રથમ પતિના ૧૭ વર્ષીય પુત્રે રવિવારના રોજ તેના બીજા પતિ થકી જન્મેલી પુત્રી આલીશા (ઉ.વ.૬)ને ચલથાણ ખાતે લઈ જઈ નહેરની બાજુમાં તેની ઘાતકી હત્યા કરી નાંખી હતી. આ પ્રકરણમાં સ્થાનિક મેડિકલ ઓફિસરે મૃત બાળકીનું પીએમ એફએસએલની હાજરીમાં પેનલ ડોક્ટરથી કરવાનો અભિપ્રાય આપતાં પોલીસ બાળકીનું પીએમ કરવા સુરત નવીસિવિલ હોસ્પિટલ ખાતે લઈ ગઈ હતી.

જ્યાં પેનલ ડોક્ટરથી પીએમ કર્યા બાદ આવેલા ક્લોઝઅપ ડેથ સર્ટી‍ફિકેટમાં બાળકીનું મોત માથાનાભાગે થયેલ ગંભીર ઈજાને કારણે થયું હોવાનું બહાર આવ્યું છે. જેથી હત્યા કરતાં સમયે આરોપીએ આલીશાને રોડ સાથે પછાડી હોવાની હકીકત બહાર આવી છે, જેને કારણે બાળકીનું મોત થયું હતું. હવે પોલીસે એ દિશામાં તપાસ હાથ ધરી છે.

- આરોપી સગીરે જ બાળાની હત્યા કરી હતી

પોલીસે આરોપીના મિત્ર આમીરને પણ પૂછપરછ માટે સુરતથી લઈ આવી હતી. આલીશાના ગૂમ થયા બાદ તેની શોધોખોળ માટે આસીફે સુરતથી તેના મિત્રને કોડદરા ખાતે બોલાવ્યો હતો અને તેણે બાળકીની શોધખોળમાં મદદ કરી હતી. જોકે, આ દરિમયાન આમીરની હત્યામાં સંડોવણી છે કે કેમ તે અંગે પૂછપરછ માટે પોલીસ આમીરને સુરતથી લઈ આવી હતી. જોકે, તેના પુછપરછ દરમિયાન માત્ર આરોપીએ જ તેની સાવકી બહેનની હત્યા કરી હોવાનું બહાર આવ્યુ છે.