સુરતના વરાછામાં પાટીદારો દ્વારા હાર્દિકના સમર્થનમાં પ્રતિક ઉપવાસ, હવન બાદ શરૂ થઈ રામધૂન

હાર્દિકના ઉપવાસના આઠમાં દિવસે પાટીદારો દ્વારા સરકારના કાન ખૂલે તે માટે રામધૂન યોજાઈ
હાર્દિકના ઉપવાસના આઠમાં દિવસે પાટીદારો દ્વારા સરકારના કાન ખૂલે તે માટે રામધૂન યોજાઈ

DivyaBhaskar.com

Sep 01, 2018, 11:22 AM IST

સુરતઃ પાટીદાર અનામત આંદોલનના પાસના કન્વીનર હાર્દિક પટેલ અમદાવાદમાં તેના ઘરે થઈ રહેલા ઉપવાસનો આઠમો દિવસ છે. ત્યારે સુરતના વરાછા વિસ્તારમાં વિવિધ સોસાયટીઓમાં હાર્દિકના સમર્થનમાં પ્રતિક ઉપવાસ, હવન બાદ રામધૂનના આયોજન કરવામાં આવ્યાં છે.

રામધૂનથી સરકારના કાન ખોલવા પ્રયાસ

પાટીદારોને અનામત, ખેડૂતોના દેવા માફ અને અલ્પેશ કથિરીયાને જેલમુક્ત કરવાની માંગ સાથે સુરતમાં પાટીદારો દ્વારા છેલ્લા છ દિવસથી વિવિધ કાર્યક્રમોનું આયોજન કરવામાં આવી રહ્યું છે. પાટીદારો દ્વારા પોતાની સોસાયટીઓમાં જ વિવિધ કાર્યક્રમો આપવામાં આવી રહ્યાં છે. રોજે રોજ અલગ અલગ સોસાયટીઓમાં વિવિધ પ્રકારના કાર્યક્રમો આપીને સરકારના કાન ખોલવા માટેના પ્રયાસો થઈ રહ્યાનું જણાવવામાં આવી રહ્યું છે.

સરકારને સદબુધ્ધિ મળે તે માટે પ્રયાસઃ ધાર્મિક

સુરત પાસના કન્વીનર ધાર્મિક માલવીયાએ જણાવ્યું હતું કે, સરકારની બુધ્ધિ બહેર મારી ગઈ છે. ઘોર નિંદ્રામાં સૂતેલી સરકાર કોઈનું સાંભળતી નથી. જેના માટે પ્રતિક ઉપવાસ બાદ હવન અને ત્યારબાદ રામધૂનના કાર્યક્રમો આપવામાં આવ્યાં છે. જેથી ખેડૂતો, પાટીદારો અને યુવાનોની પીડા સમજાય તે માટે પ્રયાસો કરવામાં આવી રહ્યાં છે.

રામધૂન આ ત્રણ જગ્યાએ


- શાંતિ નિકેતન સોસાયટી પુણા ગામ

- અજમલધામ સોસાયટી સિમાડા

- યોગી નગર સોસાયટી યોગીચોક

X
હાર્દિકના ઉપવાસના આઠમાં દિવસે પાટીદારો દ્વારા સરકારના કાન ખૂલે તે માટે રામધૂન યોજાઈહાર્દિકના ઉપવાસના આઠમાં દિવસે પાટીદારો દ્વારા સરકારના કાન ખૂલે તે માટે રામધૂન યોજાઈ
COMMENT

Next Stories

    ની  સંપૂર્ણ વાંચનસામગ્રી