Divya Bhaskar

Home » Daxin Gujarat » Latest News » Surat City » ganeshotsav special, daliya sheri 80 diamond and 15 KG gold with made ganeshji in surat

સુરતઃ દાળિયા શેરીમાં 80 હજાર ડાયમંડ અને 15 કિલો સોનાના ગણેશ, બન્યા આકર્ષણનું કેન્દ્ર

Divyabhaskar.com | Updated - Sep 16, 2018, 12:58 PM

ગણપતિની પ્રતિમાનું તો જબરદસ્ત આકર્ષણ છે જ પણ દાળિયા શેરીમાં જે મંડપ બનાવવામાં આવ્યો છે તે પણ એટલો જ ભવ્ય છે

  • ganeshotsav special, daliya sheri 80 diamond and 15 KG gold with made ganeshji in surat
    +2બીજી સ્લાઈડ્સ જુઓ
    ગણેશની પ્રતિમા માટે ડાયમંડ અને સોનું ઓસ્ટ્રેલિયાના એક ભક્તએ દાન કર્યું

    સુરતઃ મહિધરપરા વિસ્તારમાં આવેલી દાળિયા શેરીમાં 80 હજાર ડાયમંડ જડિત અને 15 કિલો સોના અને ચાંદીના ગણેશજીની પ્રતિમાએ ભારે આકર્ષણ જમાવ્યું છે. શ્રીજીની નાની પ્રતિમા પણ ડાયમંડ જડિત છે અને ગણપતિ બાપ્પાના વાહન મૂસકને પણ ચાંદીથી જડિત કરાયો છે.ગણેશની પ્રતિમા માટે ડાયમંડ અને સોનું ઓસ્ટ્રેલિયાના એક ભક્તએ દાન કર્યું હોવાનું જાણવા આયોજકોએ જણાવ્યું હતું. ગોલ્ડન ટેમ્પલ અને ફિલ્મ બાહુબલીની થીમ પર આખો મંડપ બનાવવામાં આવ્યો છે.



    ગણપતિ બાપ્પાના કાન, પગ અને હાથમાં ડાયમંડ, સોનું અને ચાંદી જડવામાં આવ્યા

    દાળિયા શેરીનું યુવક મંડળ દર વર્ષે નોખા અનોખા ગણપતિની સ્થાપના કરવા અને અતિભવ્ય મંડપ બનાવવા માટે જણીતો છે. આ વખતે શ્રીજીને 80000 જેટલા ઓસ્ટ્રેલિયન અને અમેરિકન ડાયમંડ જડવામાં આવ્યા છે. ગણપતિ બાપ્પાના કાન , પગ અને હાથમાં ડાયમંડ, સોનું અને ચાંદી જડવામાં આવ્યા છે. શ્રીજીની નાની પ્રતિમાને પણ ડાયમંડ અને સિલ્વરથી સુશોભિત કરવામાં આવે છે. દાળિયા શેરીમાં દર વર્ષે 10 દિવસમાં 4 લાખથી વધુ લોકો શ્રીજીના દર્શન કરવા આવે છે.

    શણગાર ઘરેણાંથી કરાય છે

    આયોજકોએ જણાવ્યું હતું કે, આખી પ્રતિમાને ઘરેણાથી શણગારવામાં આવી છે આગમન યાત્રામાં હજારોની સંખ્યામાં લોકો જોડાયા હતા, જ્યારે યાત્રા નિકળે છે ત્યારે એવું લાગે છે કે કોઈ જુલૂસ નિકળ્યો છે. લોકો ઢોલ, તાસા, નૃત્ય અને ભગવાનના જયકારા સાથે ગણેશ ભગવાનનું સ્વાગત કરે છે. વિસર્જન યાત્રામાં પણ એ રીતનો જ માહોલ જામે છે. લોકો મહિધરપુરાથી ડુમસ સુધી ઉઘાડા પગે ચાલીને જાય છે. અહીં આવનારા લોકોની સેફ્ટી વિશે પણ વિશેષ ધ્યાન આપવામાં આવે છે. પોલીસ પ્રોટેક્શન સિવાય સીસીટીવી કેમેરા અને ફાયર સેફ્ટીનું પણ ધ્યાન રાખવામાં આવે છે. આ વર્ષે અમે ફ્રી ઓટો પિક એન્ડ ડ્રોપ ફેસિલિટી આપીશુ, જે માટે ઓટો એજન્સી સાથે વાત ચાલી રહી છે. આ સેવા અંતર્ગત 5 કિલોમીટર સુધીના ભક્તોને મફતમાં પિક અને ડ્રોપ કરવામાં આવે છે.

    ડ્રેસકોડ નથી, ભગવાન બધાંના છે

    સમિતિના સભ્ય વિજય જરીવાલાએ જણાવ્યું હતું કે, સમિતિ દ્વારા 1972 થી ગણેશ સ્થાપના કરવામાં આવી રહી છે. લાખો લોકો દર્શન કરવા આવે છે. આ વર્ષે અમે સિંહાસન સાથે 11 ફુટની મૂર્તિ સ્થાપિત કરીશું. અમે કોઇ દિવસ ડ્રેસ કોડ નથી રાખતા કેમ કે ભગવાન તો બધાના છે અલગ દેખાવવાની જરૂર નથી.

    વધુ તસવીરો જોવા આગળ ક્લિક કરો
  • ganeshotsav special, daliya sheri 80 diamond and 15 KG gold with made ganeshji in surat
    +1બીજી સ્લાઈડ્સ જુઓ
    શ્રીજીની નાની પ્રતિમા પણ ડાયમંડ જડિત છે
  • ganeshotsav special, daliya sheri 80 diamond and 15 KG gold with made ganeshji in surat
    ગોલ્ડન ટેમ્પલ અને ફિલ્મ બાહુબલીની થીમ પર આખો મંડપ બનાવવામાં આવ્યો છે
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending