Home » Daxin Gujarat » Latest News » Surat City » Surat News - latest surat news 041029

ઉધના ચોકીથી દોઢસો મીટર જ દૂર દારૂના અડ્ડા પર 3 દિ'માં ત્રીજો દરોડો, PI સસ્પેન્ડ

Divyabhaskar.com | Updated - Dec 07, 2018, 12:42 PM

2 વાર PCBના દરોડા પછી સ્ટેટ મોનિટરિંગ સેલે 2.40 લાખના દારૂ સાથે 6 ઝડપ્યા

  • Surat News - latest surat news 041029
    ઉધનામાં હેડગેવાર ઝુંપડપટ્ટીમાં પટેલનગર પોલીસ ચોકીથી દોઢસો મીટરના અંતરે ધમધમતા દારુનો હોલસેલ અડ્ડા પર સ્ટેટ મોનિટરિંગ સેલે મધરાત્રે છાપો માર્યો હતો. ત્રણ દિવસમાં પીસીબીની બે અને સ્ટેટ મોનિટરિંગ સેલની રેડના કારણે પોલીસ કમિશનરે ઉધના પોલીસ સ્ટેશનના ઇન્સ્પેક્ટર એ.પી.પરમારને સસ્પેન્ડ કરવાનો હુકમ કર્યો છે.

    સ્ટેટ મોનિટરીંગ સેલને બાતમી મળી હતી કે ઉધનામાં પટેલનગર પોલીસ ચોકી પાસે હેડગેવાર ઝુંપડપટ્ટીમાં બુટલેગર અશોક વિશ્વકર્મા મોટા પાયે દારૂ મંગાવીને નાના ખેપિયાઓને વેચે છે. જેના આધારે પીએસઆઈ કે. એમ. લાઠિયાએ સ્ટાફ સાથે રૂમ નં. 395, 401409, 410, 421, 422 અને 423માં છાપો માર્યો હતો. ત્યાંથી આરોપીઓ સોનાબેન રાજપુત, મનોજ પટેલ, રાજુ પાટીલ, સંજય તિવારી, નિસાંત ઉર્ફ છોટુ વાજપાઈ અને શશીકાંત તિવારી (ત્રણેય રહે. પાંડેસરા) ઝડપાયા હતા. તેમના રૂમોમાંથી કુલ દારૂની 2141 બોટલો મળી જેની કિંમત 2.24 લાખ થાય છે. ઉપરાંત રોકડ, મોબાઇલ, સોડાની બાટલીઓ મળીને કુલ 2.40 લાખનો મુદ્દામાલ પોલીસે કબ્જો કર્યો હતો. ઝડપાયેલા આરોપીઓ પાસેથી પોલીસને જાણવા મળ્યું કે આરોપી અશોક વિશ્વકર્માએ આરોપી નસમુદ્દીન હાફિઝ અને કાલુ(રહે. બુડિયા ગામ) પાસેથી દારૂ મંગાવ્યો હતો. તેમને વાન્ટેડ બતાવી તમામ આરોપીઓ વિરુદ્ધ ઉધના પોલીસ સ્ટેશનમાં ગુનો દાખલ કર્યો છે. ત્રણ દિવસમાં ત્રણ રેઇડના કારણે ઉધના પોલીસ મથકના ઇન્સ્પે. એ.પી. પરમારને સસ્પેન્ડને કર્યો છે. પીઆઈ પરમારને ડીજી, પો. કમિ. બંનેએ સસ્પેન્ડ કરવાનો હુકમ કર્યો હતો.

     ઈમ્પેક્ટ

    તા. 6 ડિસેમ્બરનો અહેવાલ


ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ