• Home
  • Daxin Gujarat
  • Latest News
  • Surat City
  • Surat - હરિઓમ માર્કેટના બે વેપારી સહિત 3એ 1 કરોડનું જોબવર્ક કરાવી 11ને નવડાવ્યા

હરિઓમ માર્કેટના બે વેપારી સહિત 3એ 1 કરોડનું જોબવર્ક કરાવી 11ને નવડાવ્યા

મંદીના સમયમાં રિંગ રોડની હરિઓમ માર્કેટના બે વેપારી સહિત ત્રણએ એક કરોડથી વધુનું જોબવર્ક કરાવી 10 કારખાનેદારોને...

DivyaBhaskar News Network | Updated - Sep 17, 2018, 03:16 AM
Surat - હરિઓમ માર્કેટના બે વેપારી સહિત 3એ 1 કરોડનું જોબવર્ક કરાવી 11ને નવડાવ્યા
મંદીના સમયમાં રિંગ રોડની હરિઓમ માર્કેટના બે વેપારી સહિત ત્રણએ એક કરોડથી વધુનું જોબવર્ક કરાવી 10 કારખાનેદારોને નવડાવીને ભાગી જતાં મામલો પોલીસમાં પહોંચ્યો છે.

પુણાગામ અર્જુનનગર સોસાયટીમાં રહેતા એમ્બોઇડરી કારખાનેદાર અશોકભાઈ કાળુભાઈ માંગરોળિયા સાડીઓ માર્કેટમાંથી લાવીને તેમાં મજૂરીથી એમ્બોઇડરીનું જોબવર્ક કરે છે. જાન્યુઆરીમાં તેઓ હરિઓમ માર્કેટના વેપારી દિલીપ સિંગ અને જીતેન્દ્રકુમાર પાસેથી દલાલ રાકેશ નાયક હસ્તકે જોબવર્કનું કામ રૂ.14.59 લાખનું કર્યું હતું. જેની મજૂરીના નાણાં બે મહિનામાં આપવાનો વાયદો કર્યો હતો. ઉપરાંત અન્ય 10 કારખાનેદારોએ પણ બન્ને વેપારીઓ પાસેથી સાડીઓમાં જોબવર્કનું કામ કરીને તેમની પણ મજૂરી નાણાં રૂ.88.15 લાખ લેવાના બાકી છે. 11 કારખાનેદારો પાસેથી બન્ને વેપારીઓ 1 કરોડનું સાડીઓમાં જોબવર્ક કરાવીને નાણાં ન ચૂકવી રાતોરાત દુકાન બંધ કરીને ભાગી ગયા હતા. આખરે કારખાનેદારે સલાબતપુરા પોલીસમાં ફરિયાદ કરી હતી. જેના આધારે પોલીસે હરિઓમ માર્કેટના વેપારી દિલીપ યશપાલ સિંગ (રહે. એકતા એપાર્ટમેન્ટ, ઉધના), ભાગીદાર જિતેન્દ્ન શ્રીકમલ સિંગ અને કાપડદલાલ રાકેશ નાયક ઉર્ફે મજનુ સામે ગુનો નોંધી તપાસ શરૂ કરી છે.

ગ્રે કાપડ ખરીદી રૂપિયા 15 લાખ હડપ કર્યા

સરથાણા સીમાડા રોડની પ્રમુખપાર્ક સોસાયટીમાં રહેતા ગોપાલ ચંદુભાઈ અમીપરાએ 14મી જુલાઈએ ડિંડોલીના નીશા સુબોધસિંગ અને સુબોધ સિંગને 14.78 લાખનો ગ્રે-કાપડનો માલ ક્રેડિટ પર વેચ્યો હતો. બે મહિના બાદ પણ નાણાં ન આપતાં આખરે કાપડવેપારીએ સલાબતપુરા પોલીસમાં ફરિયાદ આપતા બંને સામે ગુનો નોંધાયો છે.

X
Surat - હરિઓમ માર્કેટના બે વેપારી સહિત 3એ 1 કરોડનું જોબવર્ક કરાવી 11ને નવડાવ્યા
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App