કસ્ટોડીયલ ડેથ:50 મિનિટ સુધી યુવક તરફડ્યો પણ પોલીસે સારવાર ન આપી

સીસીટીવીની તપાસમાં રહસ્ય ખુલશે

સુરત : પાંડેસરા પોલીસના લોકઅપમાં યુવકને શ્વાસની તકલીફ વહેલી સવારથી થઈ છતાં ફરજ પરના પોલીસે તેને બહાર કાઢવા તસ્દી ન લીધી હતી. સવારે 7.30 વાગ્યે તેને લોકઅપની બહાર કાઢી સારવાર માટે લઈ જવાને બદલે બહાર 50 મિનિટ સુધી બેસાડી રાખવામાં આવ્યો હતો. જયારે વિમલને શ્વાસની તકલીફ વધી જતા તેણે પોલીસ સ્ટેશનમાં પ્રાણપખેરૂ ઉડી ગયું આશંકા લાગી રહી છે. ત્યાર પછી જ પોલીસ હરકતમાં આવી તાબડતોબ 108 એમ્બ્યુલન્સને જાણ કરી હતી. 108ને સવારે 8.11 કોલ મળ્યો ત્યાર પછી 8.20ના સમયે એમ્બ્યુલન્સે આવીને તેને સ્ટ્રેચર પર સુવડાવીને હોસ્પિટલમાં લઈ ગઈ હતી. હોસ્પિટલમાં તેને ડેથ જાહેર કરાયો હતો. પોલીસે આ કેસમાં કેટલીક હકીકતો છુપાવી રહી હોય એવુ લાગે છે. ખરેખર આ કેસમાં લોકઅપના સીસીટીવી કેમેરાના આધારે તપાસ થાય તો ઘણી ચોંકાવનારી હકીકતો બહાર આવી શકે તેમ છે.