Home » Daxin Gujarat » Latest News » Surat City » This well has not begun for 100 years- Know Reason- History

જળસંકટઃ આ કૂવો 100 વર્ષે પ્રથમવાર ન છલકાયો, જાણો કારણ- ઈતિહાસ

Divyabhaskar.com | Updated - May 21, 2018, 01:14 AM

વર્ષો પહેલા બનાવેલા કુવામાં દર મંગળવારે આપોઆપ પાણી ઉભરાતું હતું, પણ આ ઉનાળામાં પાણીના સ્તર નીચા જતાં સિલસિલો અટક્યો

  • This well has not begun for 100 years- Know Reason- History
    +1બીજી સ્લાઈડ્સ જુઓ
    પરિઆ ગામના મંગળીયા કુવામાં પાણી ઓછુ થયુ

    ઓલપાડ: ઓલપાડ તાલુકાના પરીઆ ગામે આવેલા કુવામાં વિજ્ઞાનને પડકારતી ઘટના બનતી આવી છે. દર મંગળવારે આપોઆપ કૂવાના પાણીમાં ભરાવો થઈને પાણી કૂવાની બહાર છલકાવાની ચમત્કારિક ઘટના બનતી આવી છે. વર્ષોથી બનતી આવેલી ચમત્કારી ઘટના બાદ આ ઉનાળામાં મંગળિયા કુવામાં પાણીમાં વધારો થવાની ચમત્કારિક ઘટના બંધ થઇ.ઉનાળાની ઋતુ અને ગરમીને કારણે પરિયાની આજુબાજુના વિસ્તારમાં ભૂગર્ભ જળના સ્ત્રોતમાં અચાનક ઘટાડો થતા મંગળીયા કુવામાં મંગળવારે આપોઆપ પાણીમાં વધારો થવાની ચમત્કારિક ઘટના બંધ થવા સાથે હાલ 100 વર્ષ બાદ મંગળીયા કૂવાના પાણી સુકાતા ગામમાં પીવાના પાણીની તકલીફ સર્જાઈ છે.

    ઉનાળામાં પાણીના સ્તર નીચા જતાં સિલસિલો અટક્યો

    મંગળ વણજારાએ વર્ષો પહેલા પાણી ની તકલીફ દૂર કરવા માટે ખોદાવેલ મંગળ કૂવાનું પાણી આજદિન સુધી પરિયા ગામની જનતા ઉપયોગમાં લેતી આવી છે. કૂવાનું પાણી પીવામાં લેવાતું આવ્યું હોઈ મંગળીયા કુવામાં પાણી સુકાવાથી ગામમાં પાણીની તકલીફ સર્જાઈ છે. ત્યારે મંગળિયા કૂવાના પાણી તળિયે જવાની ઘટના આજુબાજુના ગામો માટે આવનારા સમયમાં પાણીની મોટી તકલીફ ઉભી થવાના સંકેત આપી રહી છે તેમ કહી શકાય.

    આગળ વાંચો: કૂંવા પાછળનો ઈતિહાસ

  • This well has not begun for 100 years- Know Reason- History
    ગામમાં પીવાના પાણીની તકલીફ ઊભી થઈ છે

    મંગળ નામના વણઝારાએ કૂવો ખોદાવ્યો હતો

     

    ગામના  વડીલોના કહેવા મુજબ વર્ષો પહેલા પરિઆ ગામના પાદર પરથી સુરત તરફ જતો રસ્તો હોવાને કારણે  ગામે ગામે ફળતા વણજારાઓ ઊંટ ઉપર માલસામાનની હેરાફેરી કરતા પરિયા ગામે પડાવ નાંખી રોકાતા હતા ત્યારે તેમણે પાણીની જરૂરિયાત સંતોષવા 100 વર્ષ પહેલા મંગળ નામના એક વણજારાએ કૂવો ખોડાવી બંધાવેલો તેથી આ કુવાનુ નામ મંગળ પડ્યું હતું. મંગળે ખોદાવેલા કુવામાં દર મંગળવારે પાણી આપોઆપ ઉભરાઈને કૂવાની બહાર છલકાતું રહ્યું છે. આ પાણી નજીક આવેલા સાબરમતી તળાવમાં એકઠું થતાં ગામલોકો પશુધન માટે ઉપયોગમાં લેતા હતા.

     

    ગામમાં પીવાના પાણીની તકલીફ ઊભી થઈ છે 

     

    100 વર્ષથી જુના કૂવામાં મંગળવારે આપોઆપ પાણીથી છલકાવાની ચમત્કારી ઘટના બંધ થતાં મંગળીયો કૂવો સુકાતા પાણીની તકલીફ ઉભી થઈ છે, જેથી ગામમાં ઉભી થયેલી પાણીની તકલીફ દૂર કરવા વરિયાવ જૂથ યોજના મારફતે પરિઆ ગામને પાણી આપવા માટે લેખિત રજુઆત પણ કરી છે. હર્ષાબેન કે.પટેલ, સરપંચ, પરિયા ગામ

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

Trending