તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Local
  • Gujarat
  • Bharuch
  • Jhagadia
  • લિમોદરા ગામના યુવાનની હત્યાના કારસામાં બે શખ્સોની ધરપડક કરાઇ

લિમોદરા ગામના યુવાનની હત્યાના કારસામાં બે શખ્સોની ધરપડક કરાઇ

5 વર્ષ પહેલા
  • કૉપી લિંક
ઝઘડિયાનાલિમોદરા ગામનો રહિશ ગામના બે શખ્સો સાથે મચ્છીમારી કરવા ગયાં બાદથી ગુમ થઇ ગયો હતો. બાદમાં તેનો મૃતદેહ ગામમાં રહેતાં એક શખ્સના કુવામાંથી મળતી આવ્યો હતો. પ્રાથમિક તબક્કે પોલીસે અકસ્માત મોતનો ગુનો નોંધ્યો હતો. જોકે પેનલ તબીબ દ્વારા કરાયેલાં પોસ્ટમોર્ટમનો રિપોર્ટ તેમજ પરિવારજનો દ્વારા ગામના બે શખ્સો સામે આશંકા વ્યકત કરવામાં આવી હોવાને કારણે પોલીસે તેમની સામે હત્યાનો ગુનો નોંધી ધરપકડ કરતાં તેમણે હત્યાના કારસાને અંજામ આપ્યો હોવાની કબુલાત કરી હતી. પોલીસે હત્યાના કારસામાં અન્ય કોઇની સંડોવણી છે કે કેમ તેની વિગતો મેળવવા તેમના રિમાન્ડની કવાયત હાથ ધરી છે.

પોલીસ સુત્રોમાંથી મળતી માહિતી અનુસાર, લિમોદરા ગામે રહેતો રતિલાલ માધુ વસાવા ગત બુધવારની રાત્રીએ ગામના રણજીત ઉર્ફે ટીનો જયંતિ વસાવા, રતિલાલ બાલુ વસાવા તેમજ ઝઘડિયાનો વતની અને સુકવણા

...અનુસંધાન પાના નં.2

ગામનો જમાઇ જાવલો નામના શખ્સ સાથે રાત્રીના સમયે નદીમાં મચ્છીમારી કરવા માટે ગયો હતો. જોકે સવારના સમયે તે પરત નહીં આવતાં પરિવારજનોએ તેને શોધવાની કવાયત હાથ ધરી હતી. તેમણે રણજીત ઉર્ફે ટીનો તેમજ રતિલાલ બાલુ વસાવાને ત્યાં પુછપરછ કરતાં તેમણે જણાવ્યુ હતું કે તે તેમની સાથે આવ્યા હતા. દરમિયાન ગામની સીમમાં એક કુવામાંથી તેમનો મૃતદેહ મળી આવતાં ઝઘડિયા પોલીસે મૃતદેહનું તબીબોની પેનલ થકી પોસ્ટમોર્ટમ કરાવ્યું હતું. જેમાં તેનું મોત છાતીની પાંસળીઓ તુટી જવાને કારણે થયું હોવાનું બહાર આવ્યું હતું.

મજૂરીના રૂપિયા રતિલાલ માધુ વસાવા જાતે વાપરી જતો હોઇ તેમજ રતિલાલની પત્ની શાંતાને રણજીત ઉર્ફે ટીનો તેમજ રતિલાલ બાલુ વસાવા સાથે તેનો પતિ મચ્છીમારી કરવા જાય તે પસંદ હોઇ તેણે તેમને પોતાના પતિને સાથે લઇ જવાની ના પાડી હતી. શાંતાના કહેવાથી તેના પુત્ર અલ્પેશે પણ રણજીતના ત્યાં જઇને તેના પતિને તેઅો સાથે લઇ જાય તે માટે જણાવતાં તેમની વચ્ચે ઝઘડો થયો હતો. જેની રીસ રાખી તેમણે રતિલાલને માર મારી હત્યા કરી હોવાની કેફિયત રજૂ કરી રણજીત ઉર્ફે ટીનો તેમજ રતિલાલે તેની હત્યા કરી હોવાની આશંકાએ પરિવારજનોએ ઝઘડિયા પોલીસ મથકે તેમની સામે ફરિયાદ નોંધાવતાં પોલીસે ગુનો નોંધી આગળની કાર્યવાહી હાથ ધરી છે.

ઝઘડાની રીસમાં હત્યા કરી હતી

^માછીમારી કરવા નહીં જવાના મામલે થયેલાં ઝઘડાનીની રીસ રાખીને રણજીત તેમજ રતિલાલ બાલુ વસાવાએ તેને ગામની સીમમાં લઇ જઇ તેની સાથે ઝઘડો કર્યો હતો. જ્યાં તેમણે તેની છાતીમાં ઇંટ મારતાં પાંસળીઓ તુટી જવાને કારણે તેનું મોત નીપજ્યું હતું. બન્નેએ પુરાવાનો નાશ કરવાના ઇરાદે તેમજ મૃતદેહને સગેવગે કરવા બીજલ વસાવાના કુવામાં ફેંકી દીધો હતો. > સી.આર. રાણા, ઇન્સ્પેક્ટર,ઝઘડિયા

પોસ્ટમોર્ટમ રિપોર્ટ તેમજ પરિવારની શંકાના આધારે તપાસમાં ભેદ ખુલ્યો

મચ્છીમારી કરવા સાથે નહીં લઇ જવાના મુદ્દે થયેલી તકરારમાં કારસો રચ્યો

અન્ય સમાચારો પણ છે...