કુંવરદાની બંધ કંપનીમાં ચોરીમા અંકલેશ્વરના બે સહિત 3 ઝડપાયાં

5 વર્ષ પહેલા
  • કૉપી લિંક
માંગરોળતાલુકાના કંવુરદા ખાતે કબીરવન વિસ્તારમાં બંધ પડેલી કલરની ફેક્ટરીમાં સ્ટોકમાં રાખેલ કલરના ડબ્બા ચોરી કરવાનાગુનામાં સંડોવાયેલ ચોર ટોળકીને સુરત જિલ્લા પોલીસના એલસીબી પોલીસની ટીમે બાતમી આધારે કીમ ચોકડી ખાતે આવેલ દાળ મિલની પાસે આવેલ શોપિંગ સેન્ટર પાસેથી પકડી પાડી પોલીસે 31 હજારનો કલર અને રૂા.9500નો ઈલેક્ટ્રીક સ્વીચ સહિત 41000નો મુદ્દામાલ કબજે કર્યો હતો.

સુરત જિલ્લા એલસીબી પોલીસ સ્ટાફના માણસો પેટ્રોલિંગમાં હતાં તે દરમિયાન ઈન્ચાર્જ પીઆઈ પી. એન. પઢીયારને બાતમી મળી હતી કે રામકુમાર ઉર્ફે મહંમદ તથા ઋષીકેશ અને અન્ય એક ઈસમ મળી બંધ ફેક્ટરીઓમાંથી ચોરી કરાયેલા કલરના ડબ્બા કીમ ચોકડી ખાતે આવેલ શોપિંગમાં ભાડે રાખેલ ગોડાઉનમાં રાખેલ છે. ચોરીનો મુદ્દામાલ ગોડાઉનમાંથી કાઢી સગેવગે કરવાની તૈયારીમાં છે. જે બાતમીને આધારે એલસીબી સ્ટાફે ત્રણ ઈસમને પકડી પાડી પૂછતાછ કરતાં તેમની પાસેથી નાના મોટા કલરના 124 ડબ્બા જેની કિંમત 31574 તથા મશીન નરીઓમાં વપારતી ઈલેક્ટ્રોનિકની નાની મોટી સ્વીચ નં 18 કિંમત 9500 તથા ત્રણ મોબાઈલ 1500 રૂપિયા મળી કુલે 41074 રૂપિયાનો મુદ્દામાલ સાથે પોલીસે રામકુમાર ઉર્ફે મહંમદ ગણપત સ્વામી (રહે. કીમ અજમેરી નગરી), ઋષીકેશ સિંગ (34) (રહે. અંકલેશ્વર રાજપીપળા ચોકડી), કમલેશ સિંગ બૈસ (હાલ રહે. અંકલેશ્વર રાજપીપળા ચોકડી, રત્ના નગર, ખોડા ભરવાડના મકાનમાં)નાઓને પકડી લીધા હતાં.

પકડાયેલાઓમાં બે રિઢા ગુનેગારો છે

પકડાયેલાઆરોપીઓ બંધ ફકેટરીમાંથી રેકી કરીને રાત્રિ દરમિયાન અલગ અલગ ચીજ વસ્તુની ચોરી કરવાની ટેવવાળા છે. રામ કુમાર ઉર્ફે મહંમદ સ્વામી અગાઉ યાર્ન ચોરીના ગુનામાં પકડાયેલા છે. ઋષીકેશસિંગ માંડવી કોસંબા બારડોલી વિસ્તારમાં ટ્રાન્સફોર્મર ચોરીના ગુનામાં પકડાયેલા છે. જ્યારે કમલેસિંગ બૈસે અંકલેશ્વર પોલીસ સ્ટેશનમાં હત્યાના ગુનામાં સંડોવાયેલા હોવાનું જાણવા મળ્યું છે.

પોલીસે કુલ રૂપિયા 41,000નો મુદ્દામાલ કબજે કર્યો

ચોરીના કલરના ડબ્બા સગેવગે કરવા જતી વેળા પકડાયાં

અન્ય સમાચારો પણ છે...