ખાંડ ઉદ્યોગ સંઘની ગાંધીનગરમાં બોર્ડ મિટિંગ મળી, ચૂંટણી માટે મતદાર યાદી તૈયાર કરવાનું નક્કી કરાયું

ખાંડ ઉદ્યોગ સંઘની ગુરુવારના રોજ ગાંધીનગર ખાતે મળેલી બોર્ડ ઓફ મિટિંગમાં આગામી 31મી માર્ચે શેરડીના ભાવે બાબતે બપોરે મિટિંગ કરવાનું નક્કી થયુ હતું, જ્યારે આગામી ચૂંટણી માટેની મતદાર યાદી તૈયાર કરવાનું નક્કી થયું હતું.

ગુજરાત ખાંડ ઉદ્યોગ સંઘના પ્રમુખ ઈશ્વરસિંહ પટેલની અધ્યક્ષતામાં મળેલી બોર્ડ ઓફર મિટિંગમાં સુગર ફેક્ટરીના ચેરમેનો હાજર રહ્યા હતાં. તેમની ઉપસ્થિતિમાં બોર્ડમાં ચર્ચા શરૂ કરવામાં આવી હતી. જેમાં દર વર્ષની જેમ 31મી માર્ચે તમામ સુગર ફેક્ટરીઓ ભાવ બાબતે બપોરે એક વાગ્યે મિટિંગ કરી જેતે સુગરે પોતાના ભાવ જાહેર કરવાનું નક્કી થયું હતું. જ્યારે કેન્દ્ર સરકાર દ્વારા સુગર મિલોને આપવામાં આવેલ લોન અંગે 7 ટકા વ્યાજ ચાર માસ ભરવા અંગે બજેટમાં જોગવાઈ કરાઈ હોવાનું જાણવા મળેલ છે. જેયારે આવનાર દિવસોમાં સુગર મિલોની ચૂંટણી આવનાર છે. ત્યારે મતદાન યાદી તૈયાર કરવાનું બોર્ડ દ્વારા નક્કી કરવામાં આવ્યું હતું. સર્વાનુમત્તે બોર્ડની મિટિંગ સંપન્ન થઈ હતી. જોકે, ચર્ચા મુજબ 31મી માર્ચે સુગર ફેક્ટરીના ભાવો બાબતે સ્ટોક વેલ્યુ માટે નજીકના દિવસોમાં ચલથાણ સુગર ખાતે બેઠક મરનાર હોવાનું જાણવા મળેલ છે.

31મી માર્ચે બપોરે 1 વાગ્યે શેરડીના ભાવો જાહેર કરાશે