વાપી નાળા રોડ પર પેટ્રોલ પંપ ધોતા પાણીથી લોકોને હાલાકી

વાપી રેલ્વે નાળા રો પર આવેલા જોરેસ્ટ્રીયન પેટ્રોલ પંપના સંચાલકો દ્વારા રોજ હજારો લિટર પાણી બગાડી પંપનો આખો વિસ્તાર ધોવામાં આવે છે અને તે પાણી સીધુ જાહેર માર્ગ ઉપર છોડવામાં આવે છે જેના કારણે રસ્તો તૂટીને ખખડધજ થવાથી વાહનચાલકોને ભારે હેરાનગતી થઇ રહી છે.

વાપી જૂનાં ગરનાળાની પૂર્વમાં સ્ટેશન તરફ જતાં રોડ પર પેટ્રોલપંપ નજીક રોડ પર પાણીનો ભરાવો થાય છે. પાણીની લાઇનમાં લીકેજ ન હોવા છતાં પણ પાણી ભરાતા લોકોએ હાલાકીનો સામનો કરવો પડે છે. વાર-વાર સવારના સમયે માર્ગ પર પાણી આવે છે. અહીથી પસાર થતાં લોકોએ ગંદા પાણીમાંથી પસાર થવું પડે છે. અહીના સ્થાનિકોના જણાવ્યાં મુજબ પેટ્રોલપંપ ધોવાના કારણે આ પાણી રોડ પર આવે છે. પરિણામે લોકોને હાલાકી પડી રહી છે. સાથે ડામર રોડને પણ અસર થઇ રહી છે. પાલિકા માર્ગ પર પાણી ન આવે તેવી કામગીરી તે જરૂરી છે. પાલિકા જવાબદારો સામે કાર્યવાહી કરે તેવી સ્થાનિકોમાં માગ ઉઠી રહી છે.