ગોવંશની હેરાફેરી કરતા ટેમ્પો સાથે 2 ઇસમોને ઝડપી પડાયા

પલસાણા પોલીસને બાતમી મળી હતી કે એક ટેમ્પામાં બે ગાય તેમજ એક વાછરડાને કુરતા પૂર્વક ગેરકાયદેસર રીતે ભરીને જઈ રહ્યા છે. જેને લઈ પલસાણા પોલીસે હાઇવે પર વોચ ગોઠવી ટેમ્પામાંથી 2 ગાય તેમજ 1 વાછરડાને છોડાવી બે ઈસમોને ઝડપી પાડી આગળની તજવીજ હાથધરી છે.

આ અંગે મળતી માહિતી અનુસાર પલસાણા પોલીસે બાતમી મળી હતી કે નવસારી તરફથી એક છોટા હાથી ટેમ્પો નંબર (GJ- 21 W- 5633)માં 2 ગાય તેમજ 1 વાછરડાને કુરતા પૂર્વક બાંધી પલસાણા તરફ લઈ જઈ રહ્યા છે. ત્યારે પલસાણા પોલીસે હાઇવે પર વોચ ગોઠવી બાતમી વાળા ટેમ્પાને ઉભો રખાવી તેમાંથી 2 ગાય તેમજ એક વાછરડુને બહાર કાઢી ટેમ્પા ચાલક સુનિલભાઈ ધીરુભાઈ હળપતિ (32) (ઉગત ગામ વદફળિયુ જી.નવસારી) તેમજ બાજુની સિટ પર બેઠેલ નટુભાઈ કીકભાઈ પટેલ ઉ.વ (40) (રહે નિહાલી નવિન વસાહત તા.મહુવા જી.સુરત) નાઓને ઝડપી પાડી ટેમ્પો કિંમત 70 હજાર તેમજ બે ગાયની કિંમત 4500 મળી કુલ 74,500નો મુદ્દામાલ કબ્જે કરી ગેરકાયદેસર રીતે મૂંગા જાનવરોની કરવાના કાયદા હેઠળ ગુનો નોંધી આગળની વધુ તપાસ હાથ ધરી છે.