• Home
  • Daxin Gujarat
  • Latest News
  • Bharuch
  • Bharuch શુકલતીર્થ કડોદ રોડ પર એક કાર ચાલકે બે બાઇકને અડફેટે લીધી

શુકલતીર્થ કડોદ રોડ પર એક કાર ચાલકે બે બાઇકને અડફેટે લીધી

Bharuch - શુકલતીર્થ કડોદ રોડ પર એક કાર ચાલકે બે બાઇકને અડફેટે લીધી

DivyaBhaskar News Network

Sep 11, 2018, 02:11 AM IST
ભરૂચ તાલુકામાં આવેલાં શુકલતીર્થ ગામ પાસે કડોદ જવાના માર્ગ ઉપરથી પસાર થઇ રહેલી બે મોટર સાઇકલને એક કાર ચાલકે ધડાકાભેર અકસ્માત કરતાં બાઇક પર સવાર બન્ને યુવાનોને ગંભીર ઇજાઓ થઇ હતી. ઇજાગ્રસ્તોન તાત્કાલિક ભરૂચની હોસ્પિટલમાં સારવાર માટે ખસેડવામાં આવ્યાં હતાં. બનાવ સંદર્ભે નબીપુર પોલીસે ગુનો નોંધી આગળની કાર્યવાહી હાથ ધરી છે.

પોલીસ સુત્રોમાંથી મળતી માહિતી અનુસાર, ભરૂચ તાલુકામાં આવેલાં નિકોરા ગામનો મનીશ અભેસંગ પઢિયાર તેમજ ભરૂચ શહેરના રેહાનપાર્ક ખાતે રહેતો સરફરાજ હારૂન મિસ્ટર બન્ને પોતપોતાની મોટર સાઇકલ લઇને શુક્લતીર્થ કડોદ રોડ પરથી પસાર થઇ રહ્યાં હતાં. તે વેળાં એક કારના ચાલકે તેની કાર પુરઝડપે અને ગફલતભરી રીતે હંકારી લાવી બન્ને યુવાનોની મોટર સાઇકલ સાથે ધડાકાભેર અકસ્માત સર્જ્યો હતો.

અકસ્માતમાં બન્ને યુવાનો હવામાં ફંગોળાઇ જઇ જમીન પર પટકાતાં બન્નેને ગંભીર ઇજાઓ થઇ હતી. ઇજાગ્રસ્તને તાત્કાલિક સારવાર માટે ભરૂચની સિવિલ હોસ્પિટલમાં ખસેડવામાં આવ્યાં હતાં. જ્યાં બન્નેની હાલત પ્રાથમિક સારવાર બાદ પણ ગંભીર હોવાનું જાણવા મળ્યું છે. બનાવ સંદર્ભે નબીપુર પોલીસ મથકે ફરિયાદ નોંધાતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.

X
Bharuch - શુકલતીર્થ કડોદ રોડ પર એક કાર ચાલકે બે બાઇકને અડફેટે લીધી
COMMENT

Next Stories

    ની  સંપૂર્ણ વાંચનસામગ્રી