Home » Daxin Gujarat » Latest News » Bharuch » Last photos of daughter marriage five person death in Africa

આફ્રિકામાં 5 ગુજરાતીના મોતઃ ઘટના પહેલાં દિકરીના લગ્નની અંતિમ તસવીરો

Divyabhaskar.com | Updated - Apr 13, 2018, 05:59 PM

અંકલેશ્વરના દિવા ગામમાં રહેતા પરિવારજનોને જાણ થતાં શોકમાં ગરકાવ

  • લાલ ટી-શર્ટમાં મૃતક અબ્દુલ અઝીઝ આદમ માંજરા દીકરીના લગ્નમાં ખુશખુશાલ હતા

    વડોદરાઃ અંકલેશ્વર તાલુકાના જુના દિવા ગામના વતની અને આફ્રિકાના મોરીટઝબર્ગ શહેરમાં સ્થાયી થયેલા માંજરા પરિવારના પાંચ સભ્યોના શંકાસ્પદ મોતની ઘટનામાં હત્યાની આશંકા સેવાઇ રહી છે. ગુરૂવારે માંજરા દંપતિ તેમની પુત્ર અને પુત્રી તથા અન્ય એક મહિલા સહિત પાંચ લોકોના મૃતદેહ સળગી ગયેલા મકાનમાંથી મળી આવ્યાં છે. આ ઘટના પહેલા પરિવારમાં મોટી દિકરીના આઠ દિવસ પહેલા જ લગ્ન થયા હતા. આ લગ્નની તસવીરો સામે આવી છે. જેમાં મોતને ભેટેલા પિતા ખુશખુશાલ મુદ્દામાં દેખાય છે.

    દિવા ગામમાં રહેતા પરિવારજનો શોકમાં ગરકાવ

    અબ્દુલભાઇની પુત્રી મહેઝબીનના લગ્ન 8 દિવસ પહેલાં જ થયાં હતાં. પરિવાર લગ્ન પ્રસંગને લઇને ખુશી ભર્યા માહોલમાં જીવી રહ્યાં હતાં. લગ્ન પ્રસંગને લઇને તેમના ત્યાં સગાસંબંધીઓની અવરજવર રહેતી હતી. ત્યારે ઘટનાને પગલે સુખી પરિવાર ભુંજાઇને મોતને ભેટ્યું હતું. મહેઝબીન જહોનીસબર્ગમાં હોવાથી તેનો આબાદ બચાવ થયો છે. ઘટનાની જાણ થતાં દીવા ગામમાં રહેતા માંજરા પરિવારમાં શોકનું મોજુ ફરી વળ્યું હતું. પરિવારના આક્રંદે વાતાવરણને ગમગીન બનાવી દીધું હતું.

    મૃતકના નામ

    અબ્દુલ અઝીઝ આદમ માંજરા(ઉ.વ.50)

    ગોરીબહેન અબ્દુલ અઝીઝ માંજરા-(ઉ.વ.40)

    મહંમદ રિઝવાન અબ્દુલ અઝીઝ માંજરા(ઉ.વ.10)

    મહેરુનિશા-(ઉ.વ.13)
    અન્ય એક સંબંધી મહિલા

    વધુ વિગતો વાંચવા માટે ફોટો બદલો...

  • Last photos of daughter marriage five person death in Africa
    +4બીજી સ્લાઈડ્સ જુઓ
    આફ્રિકામાં 5 ગુજરાતીના મોતઃ ઘટના પહેલાં દિકરીના લગ્નની અંતિમ તસવીરો

    દિવા ગામના માંજરા ફળિયામાં રહેતા અબ્દુલ અઝીઝ માંજરા 20 વર્ષ પહેલા આફ્રિકામાં રોજગારી માટે સ્થાયી થયાં હતાં. તેઓ સ્થાનિક મોલમાં ફરજ બજાવતાં હતાં. તેમના પરિવારમાં પત્ની ગોરીબહેન, પુત્રીઓ મહેરુનીશા અને મહેઝબીન અને પુત્ર મહંમદ રીઝવાનનો સમાવેશ થાય છે. તેઓ છેલ્લા પાંચ મહિનાથી મોરીટઝબર્ગ શહેરના લાર્ચ રોડ એરીયા ખાતેના મકાનમાં રહેવા માટે ગયાં હતાં. ગુરૂવારે તેમના મકાનમાં આગ લાગી હોવાની જાણ પાડોશીએ કરતાં પોલીસ તથા ઇમરજન્સીની ટીમ પહોંચી હતી.

     

    સળગી ગયેલા મકાનમાંથી માંજરા દંપતિ, તેમની પુત્રી અને પુત્ર તથા અન્ય એક વૃદ્ધ મહિલાના મૃતદેહ મળ્યાં હતાં. મકાનને બહારથી બંધ કરી આગ લગાડવામાં આવી હોવાના પુરાવા પ્રાથમિક તબકકે મળ્યાં હતાં. સ્થાનિક રહીશોએ પોલીસને જણાવ્યું હતું કે, મકાનમાં આગ લાગતા પહેલા મોટો ઝગડો થયો હતો. પોલીસને આગ ગેરમાર્ગે દોરવા માટે લગાડવામાં આવી હોવાના પુરાવા મળતાં હવે પરિવારની હત્યાની દિશામાં તપાસ શરૂ કરી છે. મકાનમાંથી મળેલી અન્ય મહિલા મૃતકની દીકરીના સાસરીપક્ષની હોવાની વિગતો બહાર આવી છે.

     

    વધુ વિગતો વાંચવા માટે ફોટો બદલો....

     

  • Last photos of daughter marriage five person death in Africa
    +3બીજી સ્લાઈડ્સ જુઓ
    લાલ ટી-શર્ટમાં મૃતક અબ્દુલ અઝીઝ આદમ માંજરા દીકરીના લગ્નમાં ખુશખુશાલ હતા

    બે વ્યક્તિઓ શંકાના દાયરામાં હોવાની જાણ થઇ

     

    મૃતક અબ્દુલ અઝીઝ માંજરાના સંબંધી ઇબ્રાહિમભાઇએ જણાવ્યું હતું કે, સવારે 3.30 વાગે બનેલી અકલ્પનિય ઘટનાથી પરિવારજનો આઘાતમાં સરી પડ્યાં છે. ત્યાંના પરીચિતોના સતત સંપર્કમાં રહી વિગતો મેળવી રહ્યાં છીએ. ઘટનામાં બે વ્યક્તિઓ પોલીસની શંકાના દાયરામાં આવ્યાં હોવાનું જાણવા મળી રહ્યું છે.

     

    મકાનમાં પેટ્રોલ બોંબ ઝીંકાયો હોવાની શકયતા

     

    માંજરા પરિવાર તથા 65 વર્ષીય વૃધ્ધાના મૃતદેહ બે મજલીના મકાનના નીચેના માળના વરંડામાંથી મળી આવ્યાં છે. બિન સત્તાવાર માહિતી મુજબ મકાનમાં પેટ્રોલબોંબ નાંખવામાં આવ્યો હોવાની શકયતાઓ છે. બનાવની ગંભીરતા પારખીને મેરીટઝબર્ગના મેટર થેમ્બા એન્જીલોએ પણ ઘટનાસ્થળની મુલાકાત લીધી હતી.

     

    વધુ વિગતો વાંચવા માટે ફોટો બદલો...

  • Last photos of daughter marriage five person death in Africa
    +2બીજી સ્લાઈડ્સ જુઓ
    અંકલેશ્વરના દિવા ગામમાં રહેતા પરિવારજનોને જાણ થતાં શોકમાં ગરકાવ

    રોજગારી માટે માદરેવતન છોડીને સાઉથ આફ્રિકામાં સ્થાયી થયેલાં અબ્દુલ અઝીઝ માંજરાએ ત્યાં જ લગ્ન કર્યાં હતાં. તેઓ વાર તહેવારમાં તેમજ પ્રસંગોપાત તેમના માદરેવતન આવતાં હતાં. 6 મહિના પહેલાં જ તેઓ જૂના દિવા ગામે તેમના વતને આવ્યાં હતાં. દીવા ગામમાં તેમની માતા, બહેનો અને ભાઇ રહે છે.

     

    અંકલેશ્વરના જુના દિવા ગામના માંજરા પરિવારના સભ્યોને ઘટનાની જાણ થતાં તેઓ શોકમાં ગરકાવ થઇ ગયાં હતાં. મૃતકના માતા, ભાઇ અને ત્રણ બહેનો દીવા ગામમાં વસવાટ કરે છે.

     

    વધુ વિગતો વાંચવા માટે ફોટો બદલો...

  • Last photos of daughter marriage five person death in Africa
    +1બીજી સ્લાઈડ્સ જુઓ
    મૃતક અબ્દુલ અઝીઝ આદમ માંજરાની માતા

    લૂંટ વીથ મર્ડરની થીયરીને પોલીસે રદિયો આપ્યો

     

    અબ્દુલ અઝીઝ માંજરાના ઘરમાં ત્રાટકેલા લૂંટારૂઓએ લૂંટ ચલાવીને મકાનને બહારથી બંધ કરી આગ ચાંપી દીધી હોવાની વાત વહેતી થઇ હતી. પોલીસની તપાસમાં મકાનમાં આગ ગેરમાર્ગે દોરવા માટે લગાડવામાં આવી હોવાનું બહાર આવ્યું હતું. મકાનના વરંડામાંથી પાંચેય મૃતદેહ મળી આવ્યાં હતાં. હત્યા તથા આગના ગુનાહિત કૃત્યની દિશામાં પોલીસે તપાસનો દોર આગળ ધપાવ્યો છે.

  • Last photos of daughter marriage five person death in Africa
    અંકલેશ્વરના દિવા ગામમાં રહેતા પરિવારજનોને જાણ થતાં શોકમાં ગરકાવ
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

Trending

વીડિયો વધુ જુઓ