Home » Daxin Gujarat » Latest News » Bharuch » BJP Leaders lioqur party in bharuch

ભરૂચ તાલુકા ભાજપ પ્રમુખના જન્મદિવસની ઉજવણીમાં આગેવાનો છાકટા બની ગયાં, PM નરેન્દ્ર મોદીની મિમિક્રી કરી મનોરંજન પુરૂ પાડ્યું

Divyabhaskar.com | Updated - Dec 06, 2018, 10:00 AM

ભરૂચ તાલુકા ભાજપ પ્રમુખના જન્મદિવસની ઉજવણીમાં આગેવાનો છાકટા બની ગયાં, PM નરેન્દ્ર મોદીની મિમિક્રી કરી મનોરંજન પુરૂ પાડ્ય

  • BJP Leaders lioqur party in bharuch

    ભરૂચઃ ભરૂચ તાલુકા ભાજપના પ્રમુખની જન્મદિવસની પાર્ટીમાં છાકટા બનેલા આગેવાને વડાપ્રધાન નરેન્દ્ર મોદીની સ્ટાઇલમાં મીમીક્રી કરવા ઉપરાંત ભાજપના આગેવાનોની જાહેરમાં શરાબની મહેફીલ ચર્ચાનો વિષય બની છે. રાજયના મુખ્યમંત્રી દારૂબંધીના કાયદાને કડક બનાવી રહયાં છે તો બીજી તરફ તેમની જ પાર્ટીના આગેવાનો તેને ઘોળીને પી રહયાં છે. મુખ્યમંત્રી પહેલા તેમની જ પાર્ટીના કાર્યકરો સામે અનુકરણીય પગલાં ભરે તેવી લોકો હવે માંગ કરી રહયાં છે.

    ભરૂચમાં બુધવારે વાઇરલ થયેલા વીડીયોએ રાજકારણમાં ભુકંપ લાવી દીધો છે. આ વીડીયોમાં ભાજપના ભરૂચ તાલુકા પ્રમુખ અલ્પેશસિંહ રાજ, મહામંત્રી દિવ્યજીતસિંહ ચુડાસમા, આગેવાન રોહિત નિઝામા સહિતના આગેવાનો નજરે પડી રહયાં છે. નેશનલ હાઇવે નજીક આવેલાં એક શોપિંગની બહાર આ આગેવાનોએ ટેબલ પર શરાબ અને કબાબની મહેફીલ જમાવી છે. સત્તાની સાથે દારૂના નશામાં ચૂર બનેલા ભાજપી આગેવાનો તેમની મર્યાદા ગુમાવી દીધી છે. નશામાં ધુત બનેલા આ લોકોએ ભાજપની આબરૂના લીરેલીરા ઉડાવી નાંખ્યાં હતાં.

    નશામાં ચકચુર રોહિત નિઝામાએ તો વડાપ્રધાન નરેન્દ્ર મોદીની સ્ટાઇલમાં મીમીક્રી કરી હતી. સોશિયલ થયેલા વીડીયોમાં તેઓ વડાપ્રધાનની સ્ટાઇલમાં મિત્રો, આ બર્થ ડે અમુક માટે જ છે, બીજા માટે નથી તેમ કહી અસભ્ય શબ્દોનો પ્રયોગ કરતાં જણાઇ રહયાં છે. જયાં એક તરફ રાજયમાં દારુબંધીનો કડક અમલ થઇ રહયો છે ત્યાં ખુદ ભાજપના આગેવાનો જ તેના લીરા ઉડાવી રહયાં છે. આ બાબતે ભરુચ તાલુકા ભાજપ પ્રમુખનો સંપર્ક થઇ શકયો ન હોવાથી તેમની પ્રતિક્રિયા જાણી શકાઇ નથી.

    ભાજપને પેપરલીક કાંડ બાદ વધુ એક ધબ્બો લાગ્યો
    તાજેતરમાં લોકરક્ષકની ભરતી માટેની પરીક્ષાનું પેપર લીક થયું હતું અને 9 લાખ બેરોજગાર યુવક અને યુવતીઓનું ભાવિ જોખમાયું હતું. પેપર લીક કરવામાં ભાજપના જ આગેવાનો અને કાર્યકરોની સંડોવણી બહાર આવી હતી. પેપર લીકના મુદે ભાજપની ખરડાયેલી છબીને ભરૂચ તાલુકા ભાજપના હોદેદારો અને કાર્યકરોએ વધુ દાગદાર બનાવી દીધી હોવાની ચર્ચા ચાલી રહી છે.

    મને ખબર નથી, પણ જવાબદારો સામે કાર્યવાહી થશે
    ભરુચ તાલુકા ભાજપના હોદેદારોના વાઇરલ વીડીયો અંગે મને હજી સુધી કોઇએ જાણ કરી નથી. ભાજપ શિસ્તમાં માનનારી પાર્ટી છે. કોઇ પણ જવાબદાર હશે તેમની સામે પાર્ટી પગલાં ભરશે. - યોગેશ પટેલ, પ્રમુખ, ભરૂચ જિલ્લા ભાજપ

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Daxin Gujarat

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending

વીડિયો વધુ જુઓ