કાર્બાઇડથી પકવેલી ૧૧૦૦ કિલો કેરીનો નાશ

9 વર્ષ પહેલા
  • કૉપી લિંક
અંકલેશ્વરમાં ફૂડ એન્ડ ડ્રગ્ઝ વિભાગ દ્વારા ૨પથી વધુ વેપારીઓને સકંજામાં લેતા વ્યાપેલો ફફડાટ
જથ્થાબંધ કેરીનો વેપાર કરતા ૨પ વેપારીઓ અને કેરી રસના નામે મિલ્ક શેક વેચતા ૧૦ વેપારીઓ સકંજામાં
અંકલેશ્વરના ૨પથી વધુ વેપારીઓને ફુડ એન્ડ ડ્રગ્ઝ વિભાગના અધિકારીઓએ સકંજામાં લઇ કેલ્શિયમ કાર્બાઇડથી પકવેલી ૧૧૦૦ કિલોથી વધુ કેરીના જથ્થાનો અંકલેશ્વર પાલિકા દ્વારા નાશ કરાવ્યો હતો. આ ઉપરાંત મિલ્કશેક વેચતા ૧૦ વેપારીઓને ત્યાં પણ ચેકિંગ કરી ૧૨પ લિટર મિલ્કશેક અને ૪૦ લિટર ચાસણીનો નાશ કરાવ્યો હતો.
ફ્રુડ એન્ડ ડ્રગ્ઝ વિભાગના ડેઝિગ્નેટેડ ઓફિસર એસ.બી.અગ્રવાલના માર્ગદર્શન હેઠળ ફ્રુડ ઇન્સ્પેકટરો દિલીપ ગામિત, એમ.જી. શેખ, અજિત વ્હાલુ અને નિલ્પા મિસ્ત્રી, એમ.વી. મહેતાએ અંકલેશ્વરના માર્કેટ યાર્ડ, ભરૂચીનાકા, ત્રણ રસ્તા સર્કલ, શાકમાર્કેટ, પ્રતિન ચોકડી વિસ્તાર, જ્યોતિ સિનેમા વિસ્તારમાં કેરીના રસ વેચનાર વેપારીઓ તેમજ અંકલેશ્વરના મુખ્ય બજારમાં કેરીનો વેપાર કરતા ૨પથી વધુ વેપારીઓને ત્યાં સઘન ચેકિંગ હાથ ધર્યુ હતું. કેરીનો જથ્થાબંધ વેપાર કરનાર ૨પ વેપારીઓને ત્યાં કરાયેલા આકસ્મિક ચેકિંગમાં કેલ્શિયમ કાર્બાઇડના પાવડરથી પકવવામાં આવેલી કેરીનો મોટો જથ્થો મળી આવ્યો હતો.
ફ્રુડ એન્ડ ડ્રગ્ઝ વિભાગના અધિકારીઓએ ૨પ વેપારીઓને ત્યાંથી કુલ ૧૧૦૦ કિલો કેરી કબજે લઇ અંકલેશ્વર પાલિકાના સેનેટરી ઇન્સ્પેકટર રઘુવીરસિંહ મહિ‌ડા દ્વારા કેરીનો જથ્થો નાશ કરાવ્યો હતો. અધિકારીઓએ કેરીના રસના નામે મિલ્ક શેક વેચતા ૧૦ વેપારીઓને પણ સકંજામાં લઇ ૧૨પ લિટર મિલ્ક શેક અને ૪૦ લિટર રંગ મિશ્રિત ચાસણી પણ કબજે લઇ તેનો નાશ કર્યો હતો. અધિકારીઓએ કેરીના વેપારીઓ પાસેથી ૧૪૦૦નો ચાર્જ વસુલ્યો હતો.
કેલ્શિયમ કાર્બાઇડ પાઉડરથી કેરીઓ પકવવાનો નુસખો
ભરૂચ ખેતીવાડી બજાર સમિતિ માર્કેટમાં કેરીના વેપારીઓને ત્યાં આકસ્મિક ચેકિંગ દરમિયાન કેરી પકવવા માટે મુકેલી કેલ્શિયમ કાર્બાઇડની ૨૦ પડિકીઓ પણ મળી આવી હતી. પરંતુ અંકલેશ્વરના મુખ્ય બજારના વેપારીઓ વધારે સતર્ક અને હોશિયાર જણાયા હતાં. આ વેપારીઓએ કેલ્શિયમ કાર્બાઇડની પડીકીને બદલે કેરીના જથ્થા ઉપર સીધો કેલ્શિયમ કાર્બાઇડનો પાઉડર જ છાંટીને કેરી પકવવાનો નુસખો અજમાવ્યો હોવાનું તપાસમાં જણાયુ હતું.
એસ.બી. અગ્રવાલ, ડેઝીગ્નેટેડ ઓફિસર, ફ્રુડ એન્ડ ડ્રગ્ઝ વિભાગ
કઇ કેરીનો નાશ કરાયો ?
કેરી બજાર કિંમત ( / કિલો)
બદામ ૪૦ થીપ૦
લંગડો પ૦થી ૬૦
હાફૂસ ૮૦થી ૧૦૦
કેસર પ૦થી ૭૦