મુંબઈની સડક પર ધૂમ મચાવશે પ્રિયંકા, ખરીદી પિંક હાર્લે ડેવિડસન!

લાગે છે રિયાલીટી શો 'ખતરો કે ખિલાડી'ની ત્રીજી સિઝનમાં પોતાનો જલવો બતાવી ચુકેલી પ્રિયંકા ચોપડા 'ધૂમ' મચાવવાનો નિર્ણય કરી ચુકી છે. એટલે જ તો તેણે હાર્લે ડેવિડસન બાઈક ખરીદી લીધી છે. તમે બરાબર જ વિચારી રહ્યા છો અને સાચું જ વાંચી રહ્યા છો, હમણાં જ આવેલી ખબર અનુસાર પ્રિયંકાએ પોતાના માટે એક પિંક કલરની હાર્લે ડેવિડસન બાઈક ખરીદી લીધી છે.

ઉલ્લેખનીય છે કે થોડા દિવસ પહેલા તે એ સમયે સમાચારમાં આવી હતી જયારે શાહરૂખ ખાનના બંગલા 'મન્નત'ની બાજુમાં નવો બંગલો ખરીદ્યો હતો અને વધુ એક વાર તે ચર્ચાનો વિષય બની ગઈ છે. બહુ જલ્દી જ પ્રિયંકા ચોપડા મુંબઈની સડકો પર પોતાની આ બાઈક દોડાવતી જોવા મળી શકે છે.

પ્રિયંકાને આ પહેલા ઘણી વાર બાઈક સાથે જોવા મળી ચુકી છે. ક્યારેક તે 'ખતરો કે ખિલાડી'માં સ્ટંટ કરતી જોવા મળી તો ક્યારેક કોઈ બાઈકનું પ્રમોશન કરતી જોવા મળી. એટલું જ નહીં વર્ષ 2012માં એવોર્ડ ફંક્શન દરમ્યાન પણ તે બાઈકથી શાનદાર એન્ટ્રી કરતી જોવા મળી હતી.

આગળની તસવીર પર ક્લિક કરો અને જુઓ પ્રિયંકા ચોપડાની એક ઝલક.....

નોંધ : ઉપર આપેલી તસવીર 'ખતરો કે ખિલાડી'ની છે, જેમાં તે બાઈક સ્ટંટ કરતી જોવા મળી હતી..