Home » Business » Market » Jioના નવા પ્લાનનો ધમાકોઃ ભારતી, Ideaની રૂ.15,700 કરોડની મૂડી ધોવાઇ | stocks of Bharti Airtel and Idea crashed 12% and last combined mcap Rs.12,700 crore

Jioના નવા પ્લાનનો ધમાકોઃ ભારતી, Ideaના રૂ.15,700 કરોડ ધોવાયા

Divyabhaskar.com | Updated - May 11, 2018, 05:39 PM

ભારતી એરટેલ અને આઇડિયાના શેરો ગબડ્યા છે. આઇડિયાનો શેર 12 ટકા તૂટ્યો છે જ્યારે ભારતી એરટેલ 7 ટકા ગબડ્યો છે.

  • Jioના નવા પ્લાનનો ધમાકોઃ ભારતી, Ideaની રૂ.15,700 કરોડની મૂડી ધોવાઇ | stocks of Bharti Airtel and Idea crashed 12% and last combined mcap Rs.12,700 crore
    +1બીજી સ્લાઈડ્સ જુઓ
    જિયોના રૂ.199ના નવા પોસ્ટ પેઇડ પ્લાનથી ભારતી અને આઇડિયાને નુકસાન થવાના ભયે વેચવાલીથી શેરો 12 ટકા સુધી ગબડ્યા

    નવી દિલ્હીઃ ટેલિકોમ કંપની રિલાયન્સ જિયોએ ગુરુવારે ફરી એકવાર નવી ઓફર લોન્ચ કરી છે. જિયોએ રૂ.199માં નવો પોસ્ટપેઇડ પ્લાન રજૂ કરતા દેશની મોટી ટેલિકોમ કંપની ભારતી એરટેલ અને આઇડિયાના શેરો ગબડ્યા છે. આઇડિયાનો શેર 12 ટકા તૂટ્યો છે જ્યારે ભારતી એરટેલ 7 ટકા ગબડ્યો છે. આ બંને શેરો ગબડવાથી કુલ મળીને રૂ15,700 કરોડનું નુકસાન થયું છે.

    Jioએ લોન્ચ કર્યો રૂ.199નો નવો પોસ્ટ પેઇડ પ્લાન


    જિયોએ પોતાની પોસ્ટપેઇડ સર્વિસ માટે તમામ બેનિફિટ સાથેનો ખૂબ આકર્ષક અને ગ્રાહકો માટે ઇન્ટરનેશનલ કોલિંગ અને રોમિંગનો ટેરિફ પ્લાન જાહેર કર્યો છે. આ ઓફરમાં ગ્રાહકને માત્ર રૂ.199માં અનલિમિટેડ બેનિફિટ્સ છે. 199 રૂપિયામાં અનલિમિટેડ ઇન્ડિયા પ્લાન, ઇન્ટરનેશનલ કોલિંગ 50 પૈસા પ્રતિ મિનિટ અને ઇન્ટરનેશનલ રોમિંગ 2 રૂપિયાથી શરૂ થશે. ઇન્ટરનેશનલ રોમિંગમાં કોઇ સિક્યોરિટી ડિપોઝિટ નથી. તેમાં માસિક 25 જીબી ડેટા મળશે.

    12 ટકા સુધી તૂટ્યા ટેલિકોમ સ્ટોક્સ, રૂ.15,700 કરોડ મૂડીનું ધોવાણ

    જિયોના પોસ્ટ પેઇડ પ્લાનના પગલે શુક્રવારે ભારતી એરટેલસનો શેર આગલા દિવસના બંધ ભાવ રૂ.412.25થી 7.5 ટકા તૂટીને રૂ.381.20 સુધી નીચે ગયો હતો. તેના કારણે ભારતી એરટેલનું માર્કેટ કેપ રૂ.12,431 કરોડ ધોવાયું હતું. એ જ રીતે આઇડિયા સેલ્યુલરનો શેર આગલા દિવસના બંધ ભાવ રૂ.58.35થી 12 ટકા તૂટીને નીચે રૂ.50.85ને અડ્યો હતો. તેના કારણે આઇડિયાનું માર્કેટ કેપ પણ રૂ.3,270 કરોડ ધોવાઇ ગયું હતું. આમ ભારતી અને આઇડિયાના શેરોમાં કુલ મળીને રૂ.15,701 કરોડની માર્કેટ મૂડી ધોવાઇ ગઇ હતી.

    Jioએ લોન્ચ કર્યો નવો રૂ.199નો નવો પોસ્ટ-પેઇડ પ્લાન, ISD કોલ 50 પૈસાથી શરૂ

    આ ટેલિકોમ સ્ટોક્સ પણ ગબડ્યા


    ટેલિકોમ સેક્ટરની અગ્રણી કંપનીઓના શેરો ગબડતા તેના પગલે અન્ય કંપનીઓના પણ શેરોમાં ઘટાડો આવ્યો હતો. તેમાં જીટીએલ 6.9 ટકા, જીટીએલ ઇન્ફ્રા 4.8 ટકા, ટાટીએમએલ 2.41 ટકા , એમટીએનએલ 2.2 ટકા, આરકોમ 1.8 ટકા ઓનમોબાઇલ 2.14 ટકા ગબડ્યા હતા. તેના પગલે બીએસઇ ટેલિકોમ ઇન્ડેક્સ 4 ટકા તૂટ્યો હતો.

  • Jioના નવા પ્લાનનો ધમાકોઃ ભારતી, Ideaની રૂ.15,700 કરોડની મૂડી ધોવાઇ | stocks of Bharti Airtel and Idea crashed 12% and last combined mcap Rs.12,700 crore
    Jioનો નવો 199 રૂપિયાનો પોસ્ટ પેઇડ પ્લાન તમામ બેનિફિટ ઓફર કરે છે.
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

Trending