Home » Business » Market » સેન્સેક્સ 200 અંક મજબૂત, નિફ્ટી 10,850 નજીક, બેન્કો, ફાર્મા, FMCG મજબૂત | market trades on strong move led by PSU banks, pharma and FMCG

સેન્સેક્સ ઇન્ટ્રા-ડે ઊછાળો ગુમાવીને 19 અંક વધીને બંધ, નિફ્ટી 10,800 નીચે, સ્મોલકેપમાં તેજી

Divyabhaskar.com | Updated - Jun 11, 2018, 04:25 PM

પીએસયુ બેન્કો, ફાર્મા, મીડિયા, એફએમસીજી વધ્યા હતા. જ્યારે મેટલ, રીયલ્ટી અને એનર્જી ઘટ્યા.

  • સેન્સેક્સ 200 અંક મજબૂત, નિફ્ટી 10,850 નજીક, બેન્કો, ફાર્મા, FMCG મજબૂત | market trades on strong move led by PSU banks, pharma and FMCG

    બિઝનેસ ડેસ્કઃ સપ્તાહના પ્રથમ ટ્રેડિંગ સેશનમાં બજારો ઇન્ટ્રા-ડે ઊછાળાના અંતે સાધારણ વધીને બંધ રહ્યા છે. સેન્સેક્સ સવારે વધીને ખુલ્યા પછી ઇન્ટ્રા-ડે 261 પોઇન્ટ ઊછળીને 35,704.84 સુધી ઉપર ગયું હતું. પરંતુ બપોર બાદ પ્રોફિટ બુકિંગ આવતા ઊછાળો ધોવાયો હતો. અંતે બીએસઇ બેન્ચમાર્ક ઇન્ડેક્સ 39.80 પોઇન્ટ વધીને 35,483.47 પર બંધ રહ્યો છે. નિફ્ટી ઇન્ટ્રા-ડે ઉપર 10,850.55 સુધી વધ્યા પછી અંતે 19 અંક વધીને 10,786.95 પર ક્લોઝ રહ્યો છે.

    યુએસ-નોર્થ કોરીયા વચ્ચેની મીટિંગ પહેલા એશિયન માર્કેટમાં રીકવરીની અસરથી ઘરેલુ માર્કેટ વધ્યું હતું. માર્કેટમાં પીએસયુ બેન્કો, ફાર્મા, મીડિયા, એફએમસીજી વધ્યા હતા. જ્યારે મેટલ, રીયલ્ટી અને એનર્જી ઘટ્યા છે.

    ભારતી, આઇટીસી, મારુતિ વધ્યા જ્યારે ટાટા સ્ટીલ, ICICI બેન્કમાં ઘટાડો

    સેન્સેક્સમાં 18 શેરો વધીને બંધ રહ્યા છે તેમાં ભારતી એરટેલ 3.2 ટકા ઊછળીને ટોપ પરફોર્મર રહ્યો છે. તે ઉપરાંત આઇટીસી, મારુતિ, ઇન્ડસઇન્ડ બેન્ક, સન ફાર્મા, એક્સિસ બેન્ક જેવા શેરો 1.29 ટકાથી 0.68 ટકા વચ્ચે વધ્યા છે. જ્યારે એચડીએફસી બેન્ક, આઇસીઆઇસીઆઇ બેન્ક, ટાટા સ્ટીલ, કોલ ઇન્ડિયા 1.8 ટકાથી 0.24 ટકા વચ્ચે ઘટ્યા છે.

    સ્મોલકેપ ઇન્ડેક્સ 0.5 ટકા વધ્યો


    વિસ્તૃત માર્કેટમાં મિડકેપ શેરોમાં સાધારણ ટ્રેડિંગ રહ્યું હતું જેના પગલે બીએસઇ મિડકેપ ઇન્ડેક્સ 0.09 ટકા ઘટીને ફ્લેટ બંધ રહ્યો છે. જોકે, બીએસઇ સ્મોલકેપ ઇન્ડેક્સ 0.51 ટકા વધ્યો છે અને તેમાં 63મૂન્સ, એપીએલ લિ. જેયકોર્પ લગભગ 20 ટકા ઊછળ્યા છે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending