Divya Bhaskar

Home » Business » Industry » Jioના 199ના પ્લાનથી શરૂ થશે નવું ટેરિફ વૉર, બીજી કંપનીઓ પર વધ્યું દબાણ | new post-pain plan of Rs.199 from Jio will instigate tariff war says experts

Jioના 199ના પ્લાનથી શરૂ થશે નવું ટેરિફ વૉર, બીજી કંપનીઓ પણ ઘટાડી શકે રેટ

Divyabhaskar.com | Updated - May 12, 2018, 04:59 PM

જેપી મોર્ગને કહ્યું કે આ પગલાથી પોસ્ટ-પેઇડ કેટેગરીમાં નવું ટેરિફ વૉર શરૂ થશે. જિયોના પોસ્ટ-પેઇડ ટેરિફ અન્યો કરતા ખૂબ ઓછા

  • Jioના 199ના પ્લાનથી શરૂ થશે નવું ટેરિફ વૉર, બીજી કંપનીઓ પર વધ્યું દબાણ | new post-pain plan of Rs.199 from Jio will instigate tariff war says experts
    +1બીજી સ્લાઈડ્સ જુઓ
    જિયોના પોસ્ટ-પેઇડ ટેરિફ હાલના અન્ય ટેરિફ પ્લાન કરતા ખૂબ ઓછા છે.

    નવી દિલ્હીઃ રિલાયન્સ જિયોએ જાહેર કરેલા રૂ.199ના નવા પોસ્ટ-પેઇડ પ્લાનથી હરીફ કંપનીઓની રેવન્યુ પર ખાસ અસર નહિ થાય. જોકે, આ સેગમેન્ટમાં ટેરિફ વૉર શરૂ થઇ શકે છે. જેપી મોર્ગને પોતાના રીપોર્ટમાં કહ્યું કે આ પગલાથી પોસ્ટ-પેઇડ કેટેગરીમાં નવું ટેરિફ વૉર શરૂ થશે. જિયોના પોસ્ટ-પેઇડ ટેરિફ હાલના અન્ય ટેરિફ પ્લાન કરતા ખૂબ ઓછા છે. ઉલ્લેખનીય છે કે જિયોએ ગુરુવારે નવા પોસ્ટ-પેઇડ પ્લાનની જાહેરાત કરી હતી, જેની શરૂઆત રૂ.199ના મંથલી રેન્ટલ અને 50 પૈસા પ્રતિ મિનિટની પ્રારંભિક કિંમતે આઇએસડી કોલિંગ સર્વિસ છે.

    ગોલ્ડમેને શું કહ્યું...


    ગોલ્ડમેન સાક્સે કહ્યું કે જિયો તરફથી રજૂ કરવામાં આવેલા ઇન્ટરનેશનલ ટેરિફ ખૂબ સ્પર્ધાત્મક છે. તેનાથી અન્ય કંપનીઓ પર પોતાના ટેરિફ રેટ ઘટાડવાનું દબાણ વધશે. જોકે, આપણે જો એવું માની લઇએ કે ઇન્ટરનેશનલ કોલ્સથી પોસ્ટપેઇડ રેવન્યુ 10થી 15 ટકા આવતી હોય અને ઇન્ટરનેશનલ ટેરિફને ઘટાડીને 50 પૈસા કરી દેવાય તો પણ કંપનીઓની કુલ રેવન્યુ પર 2 ટકાથી ઓછી અસર પડશે.

    CLSAએ શું કહ્યું...


    CLSAની એનાલિસ્ટ દિપ્તી ચતુર્વેદી અને અક્ષત અગ્રવાલે પોતાના રીપોર્ટમાં જણાવ્યું કે ઇન્ડસ્ટ્રી સબસ્ક્રાઇબર્સમાં 5 ટકા પોસ્ટ પેઇડ સર્વિસ યુઝ કરે છે. CLSAએ રીપોર્ટમાં જણાવ્યું છે કે એમ તો પોસ્ટ પેઇડ સબસ્ક્રાઇબર્સ ભારતી એરટેલ અને આઇડિયા વોડાફોન માટે 5થી 6 ટકા સુધી સીમિત છે જે તેમની મોબાઇલ રેવન્યુના આશરે 20 ટકા છે. જિયોનો 199 રૂપિયા મંથલી પોસ્ટ પેઇડ ટેરિફ પ્લાન સેક્ટર નેગેટિવ છે અને તે સેક્ટર માટે ARPU રીકવરીને ટાળી શકે છે.

    એરટેલ પર નહિ થાય ખાસ અસર


    મોર્ગન સ્ટેન્લીના જણાવ્યા અનુસાર, જિયોનો નવો પ્લાન પોસ્ટ પેઇડ ગ્રાહકોને ટાર્ગેટ કરી રહ્યો છે. જો એરટેલ આ રીતે ટેરિફ આપે તો પણ તેની મોબાઇલ રેવન્યુ 1 ટકા જ અસર પામશે.

    આગળ વાંચો... કેવો છે જિયોનો રૂ.199નો પોસ્ટ પેઇડ પ્લાન...

  • Jioના 199ના પ્લાનથી શરૂ થશે નવું ટેરિફ વૉર, બીજી કંપનીઓ પર વધ્યું દબાણ | new post-pain plan of Rs.199 from Jio will instigate tariff war says experts
    જિયોએ ગુરુવારે રૂ.199ના નવા પોસ્ટ-પેઇડ પ્લાનની જાહેરાત કરી હતી.

    જિયોનો રૂ.199નો નવો પોસ્ટ પેઇડ પ્લાન

     

    રિલાયન્સ જિયો ઇન્ફોકોમે ગુરુવારે એક તદ્દન નવા જિયોપોસ્ટપેઇડ પ્લાનની જાહેરાત કરી છે, જે માસિક ફક્ત રૂ.199માં અનલિમિટેડ ફાયદા આપશે. આ નવા `ઝીરો-ટચ' પોસ્ટપેઇડ પ્લાનનું સબસ્ક્રિપ્શન 15 મે 2018થી થશે.
    - આ પોસ્ટપેઇડ સર્વિસ ઇન્ટરનેશનલ કોલિંગ 50 પૈસા પ્રતિ મિનિટથી શરૂ થશે.
    - તે ઇન્ટરનેશનલ રોમિંગ ઘર જેવા દરોએ એટલે કે વોઇસ માટે રૂ.2 પ્રતિ મિનિટ, ડેટા માટે રૂ.2 પ્રતિ એમબી ઓફર કરશે.
    - પ્રિ-એક્ટિવેટેડ ISD સાથે ઇન્ટરનેશનલ કોલ્સ કોઇ સિક્યોરિટી ડિપોઝિટ વગર કરી શકાશે.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

Trending