Home » Business » Industry » Hyundai ક્રેટા બની કંપનીની સૌથી વધુ વેચાતી કાર, ગ્રાન્ડ i10 અને i20 રહી પાછળ | Hyundai Creta is ahead in sales with 11,004 units in May 2018 than i10 and i20

ક્રેટા બની Hyundaiની સૌથી વધુ વેચાતી કાર, ગ્રાન્ડ i10 અને i20 રહી પાછળ

Divyabhaskar.com | Updated - Jun 09, 2018, 03:57 PM

હ્યુન્ડાઇ મોટર ઇન્ડિયાની સ્પોર્ટસ યુટિલિટી વ્હીકલ (એસયુવી) ક્રેટા તેની સૌથી વધારે વેચાણ ધરાવતી કાર બની ગઇ છે.

  • Hyundai ક્રેટા બની કંપનીની સૌથી વધુ વેચાતી કાર, ગ્રાન્ડ i10 અને i20 રહી પાછળ | Hyundai Creta is ahead in sales with 11,004 units in May 2018 than i10 and i20
    નવી ક્રેટાનું 10 દિવસમાં 14,366 યુનિટનું બુકિંગ

    નવી દિલ્હીઃ દેશની બીજા નંબરની સૌથી મોટી કાર કંપની હ્યુન્ડાઇ મોટર ઇન્ડિયાની સ્પોર્ટસ યુટિલિટી વ્હીકલ (એસયુવી) ક્રેટા તેની સૌથી વધારે વેચાણ ધરાવતી કાર બની ગઇ છે. મે 2018માં હ્યુન્ડાઇ ક્રેટાએ પોતાની જ કંપનીની પોપ્યુલર હેચબેક કારો ગ્રાન્ડ i10 અને ગ્રાન્ડ i20ને સેલ્સના મોરચે પાછળ રાખી દીધી છે. હ્યુન્ડાઇએ આ મહિનામાં 11,004 યુનિટ્સ વેચ્યા છે.

    ક્રેટા અને વેર્નાએ વધાર્યું હ્યુન્ડાઇનું વેચાણ


    હ્યુન્ડાઇ મોટરે મે 2018માં ક્રેટાના 11,004 યુનિટ્સ વેચ્યા છે જે વાર્ષિક ધોરણે 31 ટકા વધુ છે. ગયા વર્ષમાં સમાન ગાળામાં હ્યુન્ડાઇએ ક્રેટાના 8,377 યુનિટ વેચ્યા હતા. ક્રેટા ઉપરાંત સેડાન સેગમેન્ટમાં વેર્નાનું વેચાણ 3,801 યુનિટ રહ્યું હતું. ગયા વર્ષે વેર્નાને બેઝ ઓછો હતો અને તેના વેચાણમાં વાર્ષિક ધોરણે 575 ટકાનો ગ્રોથ નોંધાયો છે. આ બંને કારોએ કંપનીના વેચાણને સંભાળ્યું છે.

    આઇ10નું વેચાણ ઘટ્યું, આઇ20નું વેચાણ ફ્લેટ


    મેમાં ગ્રાન્ડ i10 અને એલિટ i20ના વેચાણમાં ઘટાડો નોંધાયો હતો. આઇ10નું સેલ્સ 10,939 યુનિટ રહ્યું છે. તેના વેચાણમાં વાર્ષિક ધોરણે 15.8 ટકા ઘટાડો નોંધાયો છે. કંપનીએ ગયા વર્ષની સમાન અવધિમાં આઇ10ના 12,984 યુનિટ વેચ્યા હતા. જ્યારે એલિટ i20નું વેચાણ 10,664 યુનિટ રહ્યું છે, જે એક વર્ષ પહેલા 10,667 યુનિટ હતું.

    નવી ક્રેટાનું 10 દિવસમાં 14,366 યુનિટનું બુકિંગ


    હ્યુન્ડાઇ મોટર ઇન્ડિયાએ હમણાં જ નવી 2018 ક્રેટા લોન્ચ કરી હતી. લોન્ચના 10 દિવસની અંદર જ નવી ક્રેટા પોતાના જ માઇલસ્ટોનને તોડવાની તૈયારીમાં છે. ક્રેટાએ 10 જ દિવસમાં 14,366 બુકિંગ નોંધાવી દીધા છે. તે ઉપરાંત નવી 2018 ક્રેટા માટે 70 હજાર લોકોએ ઇન્ક્વાયરી કરી છે.

    હ્યુન્ડાઇ મોટર ઇન્ડિયાના એમડી અને સીઇઓ વાય કે ક્રુએ કહ્યું કે, અમે નવી 2018 ક્રેટાને મળેલા સારા રીસ્પોન્સ માટે ગ્રાહકોનો આભાર વ્યક્ત કરીએ છીએ. મોડર્ન પ્રીમિયમ બ્રાંડ હોવાના કારણે અમે નવી ક્રેટાના રૂપમાં શાનદાર અનુભવ આપવાની કોશિશ કરી છે.

    આગળ વાંચો....હ્યુન્ડાઇ મોટર્સનું વેચાણ 11.44 ટકા વધ્યું

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending