Divya Bhaskar

Home » Business » Gujarat » વેલ્સ્પન કોર્પને ગુજરાત સરકારે મોકલી રૂ.179 કરોડની ટેક્સ નોટિસ | Gujarat government sends tax notice of Rs.179 crore to Welspun Corp

વેલ્સ્પન કોર્પને ગુજરાત સરકારે મોકલી રૂ.179 કરોડની ટેક્સ નોટિસ

Divyabhaskar.com | Updated - May 05, 2018, 08:54 PM

વેલ્સ્પન કંપની ટેક્સ ડિપાર્ટમેન્ટની ડિમાન્ડ સામે જ્યુડિશ્યલ ફોરમમાં અપીલ કરશે.

  • વેલ્સ્પન કોર્પને ગુજરાત સરકારે મોકલી રૂ.179 કરોડની ટેક્સ નોટિસ | Gujarat government sends tax notice of Rs.179 crore to Welspun Corp
    +1બીજી સ્લાઈડ્સ જુઓ

    અમદાવાદઃ ગુજરાત સરકારે પાઇપ ઉત્પાદક કંપની વેલ્સ્પન કોર્પ લિમિટેડ પર ટેક્સ નહિ ચૂકવવા બદલ કાર્યવાહી કરી છે. રાજ્ય સરકારના ટેક્સ વિભાગે કંપનીને પેનલ્ટી સહિત રૂ.178.79 કરોડની ટેક્સ ડિમાન્ડ નોટિસ મોકલી છે. શનિવારે કંપની તરફથી રેગ્યુલેટરી ફાઇલિંગમાં આ માહિતી આપવામાં આવી છે. વેલ્સ્પન કોર્પ તરફથી જણાવવામાં આવ્યું છે કે ટેક્સ ડિપાર્ટમેન્ટનો આ દંડ નાણાકીય વર્ષ 2009-10 અને 2010-11ને લગતો છે. હવે વેલ્સ્પન ગ્રુપની આ કંપની ટેક્સ ડિપાર્ટમેન્ટની ડિમાન્ડ સામે જ્યુડિશ્યલ ફોરમમાં અપીલ કરશે.

    46.78 કરોડ રૂપિયા ટેક્સની રકમ


    વેલ્સ્પન કોર્પે કહ્યું છે કે કંપનીને જોઇન્ટ કમિશનર (અપીલ)- GVAT, રાજકોટ તરફથી 2009-10 અને 2010-11 માટે રૂ.178.79 કરોડની ટેક્સ ડિમાન્ડ મોકલી છે. આ એમાઉન્ટમાં રૂ.46.78 કરોડનો ટેક્સ અને ઇન્ટરેસ્ટ સામેલ છે. જ્યારે રૂ.132.01 કરોડનો દંડ કરવામાં આવ્યો છે. કંપની તરફથી કહેવામાં આવ્યું છે કે અમારી હિસ્ટ્રી સાચી રહી છે. તેથી અમે ટેક્સ ડિપાર્ટમેન્ટની આ ડિમાન્ડ સામે જ્યુડિશ્યલ ફોરમમાં જઇશું.

    ટેક્સટાઇલ્સથી ઇન્ફ્રાસ્ટ્રચરમાં સક્રિય વેલ્સ્પન ગ્રુપ


    વેલ્સ્પન ગ્રુપ ટેક્સ્ટાઇલ્સ, પાઇપ, સ્ટીલ, એનર્જી અને ઇન્ફ્રાસ્ટ્રક્ચર જેવા વિવિધ સેક્ટર્સમાં કાર્યરત છે. વેલ્સ્પન ગ્રુપનું વાર્ષિક ટર્નઓવર લગભગ 3.5 અબજ ડોલર છે. વિશ્વના 50 દેશોમાં તેનું નેટવર્ક ફેલાયેલું છે.

  • વેલ્સ્પન કોર્પને ગુજરાત સરકારે મોકલી રૂ.179 કરોડની ટેક્સ નોટિસ | Gujarat government sends tax notice of Rs.179 crore to Welspun Corp
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

Trending