Home » Business » Gujarat » વડોદરાની ડાયમંડ પાવર ઇન્ફ્રા.ની રૂ.1122 કરોડની સંપત્તિ ઇડીએ કરી જપ્ત | ED attaches assets worth Rs.1122 crore of Diamond power of Vadodara

વડોદરાની ડાયમંડ પાવર ઇન્ફ્રા.ની રૂ.1122 કરોડની સંપત્તિ ઇડીએ કરી જપ્ત

Divyabhaskar.com | Updated - Apr 24, 2018, 06:38 PM

ઇડીએ પ્રિવેન્શન ઓફ મની લોન્ડ્રિંગ એક્ટ હેઠળ DPILના પ્રમોટર-ડાયરેક્ટર- સુરેશ ભટનાગર, તેમના બે પુત્રોની પ્રોપર્ટી જપ્ત કરી

  • વડોદરાની ડાયમંડ પાવર ઇન્ફ્રા.ની રૂ.1122 કરોડની સંપત્તિ ઇડીએ કરી જપ્ત | ED attaches assets worth Rs.1122 crore of Diamond power of Vadodara
    +1બીજી સ્લાઈડ્સ જુઓ

    નવી દિલ્હીઃ એન્ફોર્સમેન્ટ ડાયરેક્ટોરેટ (ઇડી)એ રૂ.2,654.40 કરોડના બેન્કિંગ ફ્રોડના કેસમાં મંગળવારે વડોદરા સ્થિત ડાયમંડ પાવર ઇન્ફ્રાસ્ટ્રક્ચર પ્રાઇવેટ લિમિટેડ (DPIL)ની રૂ.1,122 કરોડના મૂલ્યની સંપત્તિ જપ્ત કરી છે. તે ઉપરાંત ઇડીએ પ્રિવેન્શન ઓફ મની લોન્ડ્રિંગ એક્ટ (PMLA) હેઠળ DPILના પ્રમોટર-ડાયરેક્ટર- સુરેશ નારાયણ ભટનાગર, તેમના બે પુત્રો અમિત સુરેશ ભટનાગર અને સુમિત સુરેશ ભટનાગરની કેટલીક પ્રોપર્ટીને પણ જપ્ત કરી છે.

    કંપની પર રૂ.2,654 કરોડનું દેવું


    DPIL કેબલ અને અન્ય ઇલેક્ટ્રિકલ ઇક્વિપમેન્ટના વ્યવસાયમાં પ્રવૃત્ત છે. DPIL પર વર્ષ 2008થી છેતરપીંડીથી ક્રેડિટની સુવિધા લેવાનો આરોપ છે. કંપની પર 29 જૂન, 2016 સુધી રૂ.2,654.40 કરોડનું દેવું ચુકવવાનું બાકી છે જેને બેન્કોના એક સંગઠન અને પ્રાઇવેટ ઓર્ગનાઇઝેશન દ્વારા મંજૂર કરવામાં આવ્યું હતું.

    સીબીઆઇએ દાખલ કર્યો હતો કેસ


    સીબીઆઇએ તેની સામે એફઆઇઆર દાખલ કર્યા પછી 23 દિવસો પછી 18 એપ્રિલે રાજસ્થાનના ઉદયપુરથી ત્રણેયની ધરપકડ કરી હતી. સીબીઆઇ આ કેસમાં ભ્રષ્ટાચારના આરોપોની તપાસ કરી રહી છે. સીબીઆઇએ કરેલા કેસના આધાર પર ઇડી નાણાકીય ગરબડની તપાસ કરી રહી છે. આ સંદર્ભમાં ઇડીએ 9 એપ્રિલે DPILના ડાયરેક્ટર્સના રહેઠાણો, ફેક્ટરી કેમ્પસ અને કોર્પોરેટ ઓફિસ પર દરોડા પાડ્યા હતા.

    આ બેન્કોએ આપ્યું હતું ધિરાણ


    કંપનીને લોન આપનારી બેન્કો અને નાણાકીય સંસ્થાઓની યાદીમાં બેન્ક ઓફ ઇન્ડિયા રૂ.670.51 કરોડના ધિરાણ સાથે સૌથી ઉપર છે. તે ઉપરાંત બેન્ક ઓફ બરોડા, આઇસીઆઇસીઆઇ બેન્ક, એક્સિસ બેન્ક, અલ્હાબાદ બેન્ક, દેના બેન્ક, કોર્પોરેશન બેન્ક, એક્ઝિમ બેન્ક ઓફ ઇન્ડિયા, આઇઓબી અને આઇએફસીઆઇનો સમાવેશ થાય છે.

  • વડોદરાની ડાયમંડ પાવર ઇન્ફ્રા.ની રૂ.1122 કરોડની સંપત્તિ ઇડીએ કરી જપ્ત | ED attaches assets worth Rs.1122 crore of Diamond power of Vadodara
ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

Trending