Home » Business » Finance » ચંદા કોચર સામે નવો આરોપ, રૂ.453 કરોડના રાઉન્ડટ્રિપિંગમાં એસ્સાર ગ્રુપને મદદ કરી | Fresh allegation against Chanda Kochhar for favoring Essar Group

453 Crના રાઉન્ડટ્રિપિંગમાં એસ્સારને મદદ કરવાનો ચંદા કોચર સામે આરોપ

Divyabhaskar.com | Updated - Jun 02, 2018, 02:50 PM

અરવિંદ ગુપ્તાએ કહ્યું કે ચંદા કોચર, એસ્સાર ગ્રુપના મોરેશ્યસ સ્થિત એન્ટિટીઝ મારફત રૂ.453 કરોડનું રાઉન્ડટ્રિપિંગ કર્યું.

  • ચંદા કોચર સામે નવો આરોપ, રૂ.453 કરોડના રાઉન્ડટ્રિપિંગમાં એસ્સાર ગ્રુપને મદદ કરી | Fresh allegation against Chanda Kochhar for favoring Essar Group
    શેરહોલ્ડર એક્ટિવિસ્ટ અરવિંદ ગુપ્તાએ કહ્યું કે ચંદા કોચર, તેમના પતિ દીપક કોચર અને એસ્સાર ગ્રુપના મોરેશ્યસ સ્થિત એન્ટિટીઝ મારફત 453 કરોડ રૂપિયાનું રાઉન્ડ ટ્રિપિંગ કર્યું છે. ફાઇલ ફોટો

    મુંબઇઃ આઇસીઆઇસીઆઇ બેન્કના સીઇઓ અને એમડી ચંદા કોચર પર વધુ એક ગંભીર આરોપ થયો છે. શેરહોલ્ડર એક્ટિવિસ્ટ અરવિંદ ગુપ્તાએ કહ્યું કે ચંદા કોચર, તેમના પતિ દીપક કોચર અને એસ્સાર ગ્રુપના મોરેશ્યસ સ્થિત એન્ટિટીઝ મારફત 453 કરોડ રૂપિયાનું રાઉન્ડ ટ્રિપિંગ થયું છે.

    કોને કહેવાય રાઉન્ડ ટ્રિપિંગ


    અનેક ભારતીય કંપનીઓ ટેક્સ ચોરી કરવા માટે રાઉન્ડ ટ્રિપિંગનો રસ્તો અપનાવે છે. તે અનુસાર, કંપનીઓ એફડીઆઇની રકમ જે બતાવે છે કે પૂરી એમાઉન્ડ એફડીઆઇ નથી હોતી. તેના બદલે કંપનીઓ મોરેશ્યસના કાયદાનો લાભ લઇને ત્યાંથી નાણાં ફરીવાર એફડીઆઇના નામે મોકલે છે. તેના કારણે તે ભારત ઉપરાંત મોરેશ્યસમાં પણ ટેક્સ ભરવામાંથી બચી જાય છે.

    વ્હીશલબ્લોઅરે વડાપ્રધાન અને રેગ્યુલેટર્સને કરી ફરિયાદ


    ઇન્ડિયન એક્સપ્રેસના એક અહેવાલ અનુસાર, વડાપ્રધાન, રેગ્યુલેટર્સ અને મિનિસ્ટ્રીઝને મોકલેલા એક પત્રમાં અરવિંદ ગુપ્તાએ દીપક કોચર પર મિલીભગતથી પોતાની કંપની ન્યુપાવર ગ્રુપમાં કેશ અને દેવાની વ્યવસ્થા કરવાનો આરોપ લગાવ્યો છે. તેમણે લેટરમાં લખ્યું છે કે, `તેથી ચંદા કોચર અને તેમના સહયોગીઓ દ્વારા પોતાની પોઝિશન અને બેન્કિંગ ઓથોરિટીના દૂરુપયોગની યોગ્ય તપાસ થવી જોઇએ. તે બધા પ્રિવેન્શન ઓફ કરપ્શન એક્ટ હેઠળ પબ્લિક સર્વન્ટસ ગણાય છે.' આઇસીઆઇસીઆઇ - વીડિયોકોન કેસ પછી આ નવો વિવાદ બહાર આવ્યો છે. પહેલા કેસની તપાસ અત્યારે સીબીઆઇ કરી રહી છે. પત્રમાં જણાવ્યા અનુસાર, ન્યુપાવરને એસ્સારના રવિ રુઇયાના જમાઇ નિશાંત કનોડિયાની માલિકીના મોરેશ્યસ સ્થિત મેટિક્સ ગ્રુપ અને ફર્સ્ટલેન્ડ હોલ્ડિંગ્સ મારફત એસ્સાર પાસેથી રાઉન્ડ ટ્રિપ્ડ ઇન્વેસ્ટમેન્ટ મળ્યું છે.

    2012માં દીપક કોચરની કંપનીને મળ્યા હતા રૂ.453 કરોડ


    પત્રમાં જણાવ્યું છે કે ન્યુપાવર રીન્યુએબલ્સને ડિસેમ્બર 2012 અને માર્ચ 2012 વચ્ચે ફર્સ્ટલેન્ડ હોલ્ડિંગ્સ દ્વારા કમ્પલસરી કન્વર્ટિબલ પ્રેફરન્સ (સીસીપીએસ) શેર સબસ્ક્રાઇબ કરીને ચાર ટ્રાન્ઝેક્શનમાં ફન્ડિંગ મળ્યું હતું. આ ક્રમમાં મેટિક્સ ફાયદામાં પોતાનું રોકાણ કાઢીને અલગ થઇ ગઇ, જે ક્રમમાં તેણે મોરેશ્યસ બેઝ્ડ વિદેશી ઇન્વેસ્ટર ડીએચ રીન્યુએબલ પાવર હોલ્ડિંગ્સને હિસ્સો વેચ્યો હતો, જેણે 325 કરોડ રૂપિયામાં ફર્સ્ટલેન્ડ હોલ્ડિંગની હિસ્સેદારી ખરીદવા ઉપરાંત 128 કરોડ રૂપિયાના સીસીપીએસ માટે પણ સબસ્ક્રાઇબ કર્યું હતું. આ રીતે તેણે 453 કરોડ રૂપિયાનું રોકાણ કર્યું.


    ગુપ્તાએ લખ્યું, `મેટ્રિક્સ ગ્રુપે લેણદેણ મારફત ન્યુપાવર રીન્યુએબલ્સમાં રોકાણ કરવા માટે એસ્સાર ગ્રુપના પ્રોક્સી ઇન્વેસ્ટર કરીકે કામ કર્યું છે.'


    આઇસીઆઇસીઆઇ બેન્કે અને એસ્સાર ગ્રુપે આ આરોપોને નકારી કાઢ્યા છે. એસ્સાર ગ્રુપના પ્રવક્તાએ કહ્યું કે, એસ્સારનો ફર્સ્ટલેન્ડ હોલ્ડિંગ્સમાં કઇ બિઝનેસ ઇન્ટરેસ્ટ નથી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending