Home » Business » Economy » દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય | દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય

દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય

Divyabhaskar.com | Updated - May 26, 2018, 07:32 PM

38 રૂપિયે લીટર પેટ્રોલ પર કેન્દ્ર અને રાજ્ય સરકારો લગભગ 40 રૂપિયા ટેક્સ વસૂલ કરે છે.

  • દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય | દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય
    +3બીજી સ્લાઈડ્સ જુઓ

    નવી દિલ્હીઃ દેશમાં પેટ્રોલ અને ડીઝલની કિંમતો અંગે હાહાકાર મચી ગયો છે. શનિવારે પેટ્રોલમાં વધુ 14 પૈસા વધતા મુંબઇમાં તેની કિંમત રૂ.85.78 પર પહોંચી છે, જે નવો રેકોર્ડ ભાવ છે. દિલ્હીમાં પેટ્રોલનો ભાવ વધીને રૂ.77.97 થયો છે. ડીઝલ જોઇએ તો શનિવારે 15 પૈસા મોંઘુ થયું છે. આમ લગાતાર સતત 13 દિવસની પેટ્રોલ અને ડીઝલના ભાવમાં સતત વધારો થઇ રહ્યો છે અને રોજે રોજ નવા રેકોર્ડ બની રહ્યા છે. દરેક રાજ્ય અને શહેરમાં પેટ્રોલ અને ડીઝલની કિંમતમાં થોડો ફેર હોય છે. પરંતુ દેશના કેટલાક રાજ્યો અને શહેરો એવા પણ છે કે ત્યાં હજુ પણ ઘણું સસ્તું પેટ્રોલ અને ડીઝલ મળે છે.

    કેટલાક રાજ્યોમાં પેટ્રોલ મુંબઇના ભાવથી 18.61 રૂપિયા સસ્તું


    એ જાણીને આશ્ચર્ય થશે કે ભલે મુંબઇ અને દિલ્હીમાં પેટ્રોલની કિંમત રૂ.85.78 અને રૂ.77.97 પર પહોંચી હોય પરંતુ દેશનું એક રાજ્ય એવું પણ છે કે જ્યાં પેટ્રોલની કિંમત મુંબઇ કરતા લગભગ 20 રૂપિયા સસ્તું મળે છે. આ છે કેન્દ્રશાસિત પ્રદેશ આંદામાન નિકોબાર. ઇન્ડિયન ઓઇલની વેબસાઇટ પર 26 મેના રોજ અપડેટ કિંમતો અનુસાર, દેશમાં સૌથી સસ્તું પેટ્રોલ આંદામાન અને નિકોબારની રાજધાની પોર્ટ બ્લેરમાં મળે છે. અહીં એક લીટર પેટ્રોલની કિંમત હજુ પણ રૂ.67.17 છે, જે મુંબઇના ભાવ કરતા રૂ.18.81 જેટલું સસ્તું છે.

    પોર્ટબ્લેર અન્ય 4 શહેરોમાં સસ્તું છે પેટ્રોલ

    શહેર રાજ્ય કિંમત (રૂપિયામાં)
    પોર્ટ બ્લેર આંદામાન નિકોબાર 67.17
    પણજી ગોવા 71.85
    અગરતલા સિક્કિમ 73.63
    ઇટાનગર અરુણાચલ પ્રદેશ 73.78
    આઇજોલ મેઘાલય 73.76

    કેમ છે આટલી સસ્તી કિંમત


    દેશભરમાં પેટ્રોલની કિંમતમાં તફાવતનું કારણ રાજ્ય સરકારો તરફથી વસૂલ કરવામાં આવતો વેટ છે. વાસ્તવમાં પેટ્રોલ પર કેન્દ્ર સરકાર એક્સાઇઝ ડ્યુટી વસૂલ કરે છે. તે ઉપરાંત રાજ્ય સરકારો તેના પર વેટ વસૂલ કરે છે. વેટના કારણે દરેક રાજ્યમાં પેટ્રોલની કિંમત અલગ અલગ હોય છે. જે રાજ્યોમાં પેટ્રોલ સસ્તું છે ત્યાંની સરકારો પેટ્રોલ પર ઓછો કે મિનિમમ વેટ વસૂલ કરે છે. તેના કારણે મુંબઇ, દિલ્હી કે અમદાવાદ કરતા ત્યાં પેટ્રોલ અને ડીઝલના ભાવ નીચા છે.

    આગળ વાંચો... 38 રૂપિયાના પેટ્રોલ પર 40 રૂપિયા વસૂલે છે સરકાર

  • દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય | દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય
    +2બીજી સ્લાઈડ્સ જુઓ

    38 રૂપિયે લીટર પેટ્રોલ પર 40 રૂપિયા ટેક્સ


    દિલ્હીની વાત કરીએ તો 38 રૂપિયાના લીટર પેટ્રોલ પર કેન્દ્ર અને રાજ્ય સરકારો લગભગ 40 રૂપિયા ટેક્સ વસૂલ કરે છે. તેમાં મુખ્ય રીતે રૂ.19.48 એક્સાઇઝ ડ્યુટી સામેલ છે. તેને કેન્દ્ર સરકાર વસૂલ કરે છે. તે ઉપરાંત ડીલર કમિશન 3.63 રૂપિયા અને રાજ્ય સરકારનો વેટ રૂ.16.55 છે. આ બધાના કારણે તેની કિંમત રૂ.78 થાય છે.

     

    41 રૂપિયાના ડીઝલ પર 28 રૂપિયા ટેક્સ


    દિલ્હીમાં રૂ.40.78 રૂપિયાના એક લીટર ડીઝલ પર કેન્દ્ર અને રાજ્ય સરકારો રૂ.28 જેટલો ટેક્સ વસૂલ કરે છે. તેમાં એક્સાઇઝ ડ્યુટી રૂ.15.33, ડીલર કમિશન રૂ.2.53 અને રાજ્ય સરકારનો વેટ રૂ.10.11 છે. આ રીતે ડીઝલની કિંમત રૂ.70 પર પહોંચે છે.

     

    ઇ-ફાઇલિંગ માટેના બધા 7 ITR ફોર્મ થયા લોન્ચ, ટેક્સ ભરવાનું બનશે સરળ

     

    આગળ વાંચો...જીએસટી લાગુ પડે તો કેટલું સસ્તું મળે પેટ્રોલ

  • દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય | દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય
    +1બીજી સ્લાઈડ્સ જુઓ

    જીએસટી લાગુ પડે તો 25 રૂપિયા સસ્તી થાય કિંમત


    જો પેટ્રોલ અને ડીઝલને જીએસટીના કાર્યક્ષેત્ર હેઠળ લાવવામાં આવે તો કિંમતોમાં મોટો ઘટાડો આવી શકે એમ છે. જોકે, તેનાથી કેન્દ્ર અને રાજ્ય સરકારને રેવન્યુમાં મોટુ નુકસાન થાય એમ છે. જો એક્સાઇઝ ડ્યુટી અને વેટ હટાવી લેવામાં આવે તો 78 રૂપિયાનું પેટ્રોલ 42 રૂપિયા પ્રતિ લીટર થઇ જાય. હવે જો તેના પર મહત્તમ 28 ટકા જીએસટી લાગે તો પણ તેની કિંમત રૂ.53.50 રૂપિયા પ્રતિ લીટર થાય. આમ, પેટ્રોલ હાલના રેટથી લગભગ 24 રૂપિયા સસ્તું થઇ જાય.

     

    આગળ વાંચો... મોદી સરકાર માટે મુસીબત બન્યા પેટ્રોલ-ડીઝલ

  • દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય | દેશમાં અહીં પેટ્રોલ મળે છે 67 રૂપિયે લીટર, જાણો GST લાગુ પડે તો કેટલું સસ્તું થાય

    મોદી સરકાર માટે મુસીબત બન્યું પેટ્રોલ


    - હાલના સમયમાં પેટ્રોલ અને ડીઝલની વધતી કિંમતો સરકાર માટે મુસીબત બની છે. મીડિયા રીપોર્ટસ અનુસાર, સરકાર એક બાજુ કિંમતમાં ડેઇલી રીવિઝનની વ્યવસ્થા બંધ કરવા વિચારે છે.
    - વળી, ઓએનજીસી જેવી ઓઇલ ઉત્પાદક કંપનીઓ પર વિન્ડફોલ ટેક્સ લાદુ કરવાની યોજના પર પણ વિચારણા ચાલે છે. તેમાં જો ક્રુડ ઓઇલની કિંમત 70 ડોલરથી ઉપર જાય તો ઓઇલ ઉત્પાદક કંપનીઓ પર વિન્ડફોલ ટેક્સ લાગુ પડી શકે છે.
    -  તે ઉપરાંત જો રાજ્ય સરકારો વેટના દરમાં થોડોક ઘટાડો કરે તો પણ પેટ્રોલના ભાવમાં થોડીક રાહત મળી શકે છે. વાસ્તવમાં રાજ્ય સરકારો સરેરાશ પેટ્રોલની કિંમતની તુલનામાં 27 ટકા ટેક્સ વસૂલ કરે છે. આ જ કારણ છે કે મહારાષ્ટ્ર જેવા રાજ્યમાં પેટ્રોલની કિંમત રૂ.85થી વધારે છે. 

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

Trending