Home » Business » Corporate » 2.25 લાખ શેલ કંપનીઓ પર કાર્યવાહીની તૈયારીઃ રદ થઇ શકે છે રજિસ્ટ્રેશન | government plans to deregister more than 2.25 lakh suspected shell companies

2.25 લાખ શેલ કંપનીઓ પર કાર્યવાહીની તૈયારીઃ રદ થઇ શકે છે રજિસ્ટ્રેશન

Divyabhaskar.com | Updated - Jun 08, 2018, 03:49 PM

આ કંપનીઓએ નાણાકીય વર્ષ 2015-16 અને 2016-17માં તેમના વાર્ષિક રીટર્ન ભર્યા નથી.

  • 2.25 લાખ શેલ કંપનીઓ પર કાર્યવાહીની તૈયારીઃ રદ થઇ શકે છે રજિસ્ટ્રેશન | government plans to deregister more than 2.25 lakh suspected shell companies
    2.25 લાખ જેટલી શેલ કંપનીઓને શોધી કાઢવામાં આવી છે જેમનું રજિસ્ટ્રેશન રદ થઇ શકે છે.

    નવી દિલ્હીઃ કેન્દ્ર સરકાર નાણાકીય વર્ષ 2018-19માં શેલ કંપનીઓ સામે પોતાના અભિયાનનો બીજો તબક્કો શરૂ કરશે. તેમાં 2.25 લાખ જેટલી શેલ કંપનીઓને શોધી કાઢવામાં આવી છે જેમનું રજિસ્ટ્રેશન રદ થઇ શકે છે. આ કંપનીઓએ નાણાકીય વર્ષ 2015-16 અને 2016-17માં તેમના વાર્ષિક રીટર્ન ભર્યા નથી. એવું મનાય છે કે આ પગલાથી શેલ કંપનીઓ મારફત કાળા નાણાંને સફેદ કરવાની પ્રવૃત્તિ પર અંકુશ લગાવી શકાશે.

    2 લાખથી વધારે કંપનીઓનું રજિસ્ટ્રેશન થયું છે કેન્સલ


    આ અગાઉ નાણાકીય વર્ષ 2017-18માં રજિસ્ટ્રાર્સ ઓફ કંપનીઝ (આરઓસી)એ શેલ કંપનીઓને શોધી કાઢીને 2,26,166 કંપનીઓનું રજિસ્ટ્રેશન કેન્સલ કરવામાં આવ્યું છે. શેલ કંપનીઓ સામે આ પગલું કંપનીઝ એક્ટ, 2013 હેઠળ લેવામાં આવ્યું છે. આ કંપનીઓએ સતત બે કે તેનાથી વધારે નાણાકીય વર્ષનું નાણાકીય સ્ટેટમેન્ટ કે એન્યુઅલ રીટર્ન ફાઇલ નથી કર્યુ.

    કંપની અફેર્સ મિનિસ્ટ્રી લોંચ કરશે જાગૃતિ અભિયાન


    કંપની અફેર્સ મિનિસ્ટ્રી ટૂંક સમયમાં જાગૃતિ અભિયાન શરૂ કરશે. તેમાં લોકોને જણાવવામાં આવશે કે કઇ રીતે પોતાની નિષ્ક્રિય કંપનીનું રજિસ્ટ્રેશન પોતે જ રદ કરી શકે છે. તે ઉપરાંત બધી એજન્સીઓ વચ્ચે ડોક્યુમેન્ટ અને ઇન્ફોર્મેશન પરી પાડવા માટે તંત્ર બનાવવામાં આવ્યું છે. ડોક્યુમેન્ટ ઉપલબ્ધ બનાવવા માટે ઓપરેટિંગ પ્રોસિજરને અંતિમ રૂપ આપવામાં આવ્યું છે. તે માટે એપલેટ ઓથોરિટી ટાસ્ક ફોર્સ છે.

    નોટબંધી પછી શરૂ થયું હતું શેલ કંપનીઓ સામે અભિયાન


    કેન્દ્ર સરકારે નવેમ્બર 2016માં નોટબંધી પછી શેલ કંપનીઓને ઓળખી કાઢીને તેમની સામે એક્શન લેવાનું અભિયાન શરૂ કર્યું છે. સરકાર માને છે કે શેલ કંપનીઓ મારફત કાળા નાણાંને સફેદ કરવાનું કામ કરવામાં આવે છે. વડાપ્રધાન નરેન્દ્ર મોદીએ કાળા નાણાં સામે અભિયાન હેઠળ શેલ કંપનીઓનું નેટવર્ક નાબૂદ કરવાની વાત કરી હતી.

ગુજરાત સમાચાર(Gujarati News) સૌથી પહેલાં વાંચવા માટે વિઝિટ કરો દિવ્ય ભાસ્કર

More From Business

તમારો ઓપિનિયન પોસ્ટ કરો

લેટેસ્ટ કમેન્ટ્સ

તમારો પ્રશ્ન પોસ્ટ કરો

અનામિક ઉમેરોપ્રશ્ન ઉમેરો

લેખકને તમારો પ્રશ્ન મોકલો

અનામિક ઉમેરોપ્રશ્ન ઉમેરો

Trending