ટાયર કંપનીઓના શેરોએ લગાવી 40 ટકાની છલંગ, શોર્ટ ટર્મમાં પૈસા બનાવવાનો મોકો

બિઝનેસ ડેસ્કઃ વિતેલા એક સપ્તાહમાં ટાયર કંપનીઓના શેરોમાં તીવ્ર ગતિ જોવા મળી છે. એક બાજુ સેન્સેક્સ અને નિફ્ટીમાં 3 ટકાનું ગાબડુ પડ્યું હતું તો બીજી બાજુ જેકે ટાયર, એમઆરએફ અને એપોલો ટાયર્સના શેરમાં એક સપ્તાહમાં પાંચ ટકાથી વધુ તેજી જોવા મળી છે. ઓટો શેરોની તેજી પર બજારના જાણકારો કહે છે કે એપ્રિલ-જૂન ક્વાર્ટરના પરિણામોથી શેરોમાં ખરીદી વધી છે. નેચરલ રબરની કિંમતોમાં આવેલી ઘટાડાથી અને વધતી ડિમાન્ડ આગામી સમયમાં કંપનીનો વૃદ્ધિ સારી થશે તેમ માની રહ્યા છે. બ્રોકરેજ હાઉસ આનંદ રાઠીએ પોતાના રિપોર્ટમાં ટાયર સેકટરમાં અનેક મોટી કંપનીઓમાં રોકાણ કરવાની સલાહ આપી છે.

દરેક આંકડા બીએસઇના વેબસાઇટ આધારિત છે....

એપોલો ટાયર્સ અને સિયેટના શાનદાર ક્વાર્ટર પરિણામો બાદ સેકટરનું રિ રેટિંગ થવાની આશા વધી ગઇ છે. આ સાથે જ કોમર્શિયલ વાહન સેગમેન્ટમાં વધતી માગ અને વધુ સારા વેચાણનો ફાયદો પણ કંપનીઓને મળી રહ્યો છે. બ્રોકરેજ હાઉસ આનંદ રાઠીએ 27 જુલાઇ જારી કરેલા એક રિર્પોર્ટમાં જણાવ્યું હતું કે ઓઇએમ (ઓરિજનલ ઇક્વીપમેન્ટ મેન્યુફેક્ચરર) અને રિપ્લેસમેન્ટ માગ વધવાનો ફાયદો વૃદ્ધિને આગળ ધપાવશે. સાથે જ ટાયર કંપનીઓના કુલ ખર્ચમાં 70 ટકા નેચરલ રબરનો છે. નેચરલ રબરની કિંમતોમાં આવેલા ઘટાડાથી કંપનીઓના માર્જિન સુધરી રહ્યા છે.