ઈસરો દ્વારા આગામી દિવસોમાં 5 ઉપગ્રહોનું લોન્ચિંગ કરવામાં આવશે

બેગ્લોરઃ ઈસરોએ તેના સૌથી મોટા વ્યવસાયિક મિશનની તૈયારીઓ શરૂ કરી છે. આ અંતર્ગત ઈસરો 10 જુલાઈના રોજ પીએસએલવીસી-28 દ્વારા બ્રિટનના 5 ઉપગ્રહોને આકાશમાં મોકલશે. આ ઉપગ્રહનું કુલ વજન 1,440 કિલોગ્રામ છે. આ ઉપગ્રહને શ્રીહરિકોટા ખાતે આવેલા સતીશ ધવન અંતરક્ષિ કેન્દ્રમાંથી રવાના કરવામાં આવશે. આ ઉપગ્રહોની સાથે બે માઈક્રો સેટેલાઈટને પણ આકાશમાં રવાના કરવામાં આવશે.

આગામી 10 જુલાઈના રોજ બ્રિટનની કંપની સરે સેટેલાઈટ ટેકનોલોજી લિમેટેડ દ્વારા તૈયાર કરવામાં આવેલા ઉપગ્રહની ચકાસણી ઈસરો દ્વારા કરવામાં આવશે. પીએસએલવી-28ની મદદથી આ ઉપગ્રહનું પરિક્ષણ શ્રીહરિકોટા સ્થિત સતીશ ધવન અંતરિક્ષ કેન્દ્ર ખાતેથી કરવામાં આવશે. ડીએમસી3-1, ડીએમસી3-2 તથા ડીએમસી3-3 નામના આ ઉપગ્રહોને પૃથ્વીથી 647 કિલોમીટર ઉપર સિંક્રોનસ કક્ષામાં રાખવામાં આવેશે. આ ઉપગ્રહોના લોન્ચિંગ માટે પીએસએલવી- એકસલનો પણ જરૂર પડે ઉપયોગ કરવામાં આવશે. ઉલ્લેખનીય છે કે, મોટા ભાગે ઉપગ્રહનું લોન્ચિંગ શ્રીહરિકોટા ખાતેથી કરવામાં આવે છે.