ગ્રીસની જનતાએ ઘડ્યું દેશનું ‘ભવિષ્ય’, હવે કેવી રીતે ટળશે ઋણ સંકટ

એથેન્સઃ ગ્રીસની જનતાએ પોતાના દેશના ભવિષ્ય માટે નિર્ણય કરી લીધો છે કે તેઓ બેલઆઉટ પેકેજ માટે કરજદાતાઓની સખત શરતોને માનશે નહી. જીડીપીના આશરે 175 ટકા કરજના બોજથી દબાયેલા ગ્રીસે જ્યારે લોકમત મારફતે પોતાની જનતાને પૂછ્યું કે વિદેશી કરજ માટે કરજદારોની શરતો પર ‘હા’ કહેવું જોઇએ કે ‘ના’, તો જનતાએ ના કહીને તેનો જવાબ આપ્યો. લોકમતના પરિણામો, સરકારી ખર્ચમાં કપાતનો વિરોધ કરતી પાર્ટી સિરીઝા અને તેના પીએમ એલેક્સીસ સાયપ્રસ માટે મોટી જીત છે. પરંતુ હવે સવાલ એ છે કે શું ગ્રીસ બેલઆઉટ પેકેજ હાંસલ કરી શકશે અને શું દેવાળીયુ થવાના આરે ઊભેલી ગ્રીસની અર્થવ્યવસ્થા બચી શકશે. જોકે લોકમતના પરિણામોથી હવે ગ્રીસનું બહાર નીકળવાનું લગભગ નિશ્ચિત મનાય છે. 61 ટકા વધુ મતદારોએ કરજદારોના પ્રસ્તાવ પ્રસ્તાવની વિરુદ્ધ અને આશરે 39 ટકા તેના પક્ષમાં મતદાન કર્યું છે.