ઇલેક્ટ્રિક અવતારમાં લોન્ચ થશે તમારી 4 ફેવરિટ કાર, મળશે નવા ફીચર્સ

કંપનીઓ પોતાની પોપ્યુલર મોડલના ઇલેક્ટ્રિક અવતારનું ટેસ્ટિંગ કરી રહી છે

divyabhaskar.com | Updated - Aug 30, 2018, 04:27 PM
these 4 cars will launch in electric version in india

ઓટો ડેસ્કઃ ભારત સરકારે પહેલા જ સ્પષ્ટ કરી દીધુ છે કે 2030 સુધીમાં દેશભરમાં ઇલેક્ટ્રિક કાર્સ દોડતી હશે. આ માટે સરકાર તરફથી પોલિસી પણ બનાવવામાં આવી રહી છે. તેમજ ભારતીય કંપનીઓએ પણ તેની શરૂઆત કરી દીધી છે. કેટલીક કંપનીઓ જાહેર પણ કરી દીધું છે કે ટૂંક સમયમાં ઇલેક્ટ્રિક કાર્સને માર્કેટમાં રજૂ કરવામાં આવશે. જેમાં મહિન્દ્રા અને ટાટાનું નામ સૌથી આગળ છે. આ ઉપરાંત રેનો અને મારુતિએ પણ કહ્યું છે કે તેઓ ઇલેક્ટ્રિક કારને લોન્ચ કરશે. કંપનીઓ પોતાના લોકપ્રિય મોડલના ઇલેક્ટ્રિક અવતારનું ટેસ્ટિંગ કરી રહી છે. આજે અમે અહીં તમને એવી કાર્સ અંગે જણાવી રહ્યાં છીએ કે ભારતમાં કઇ-કઇ કાર્સના ઇલેક્ટ્રિક વર્ઝન રજૂ થઇ શકે છે.

ટાટા ટિઆગો
મીડિયા રિપોર્ટ અનુસાર ટાટા મોટર્સ તરફથી ટિઆગોના ઇલેક્ટ્રિક વર્ઝનને આગામી બે મહિનામાં રજૂ કરવામાં આવી શકે છે. તેનાથી એ સંકેત મળી રહ્યાં છે કે કંપનીએ પાવર ટ્રેનને પહેલાથી જ કારમાં લગાવી દીધું છે અને પ્રોડક્શન શરૂ કરવામાં આવશે. આ ઇલેક્ટ્રિક વર્ઝનમાં લિક્વિડ કૂલ્ડ 85kW ઇલેક્ટ્રિક મોટર લગાવવામાં આવ્યું છે. જે 200 એનએમ ટોર્ક ડેવલપ કરી શકે છે અને તેની ટોપ સ્પીડ 135 કિ.મી. પ્રતિ કલાક છે. બીજી ઇલેક્ટ્રિક કાર્સની જેમ જ સિંગલ સ્પીડ ગિયરબોક્સ સાથે છે. આ કાર માત્ર 11 સેકન્ડમાં 100 કિ.મી. પ્રતિ કલાકની સ્પીડ પકડી શકે છે.

these 4 cars will launch in electric version in india

મહિન્દ્રા KUV 100
મહિન્દ્રાની માઇક્રો એસયુવી KUV 100ને 2018 ઓટો એક્સપોમાં રજૂ કરવામાં આવી હતી. માનવામાં આવી રહ્યું છે કે આ કારને આ વર્ષના અંત સુધીમાં લોન્ચ કરી દેવામાં આવશે. આ કંપનીની હાલની ઇલેક્ટ્રિક કાર eVerito કરતા વધારે પાવરફુલ ઇલેક્ટ્રિક મોટર અને બેટરી પેક સાથે આવી શકે છે. મહિન્દ્રાનો દાવો છે કે આ કાર 9 સેકન્ડમાં 100 કિ.મી. પ્રતિ કલાકન સ્પીડ પકડી શકશે અને તેની ટોપ સ્પીડ 186 કિ.મી. પ્રતિ કલાક હશે. 

these 4 cars will launch in electric version in india

મહિન્દ્રા XUV 500 
મહિન્દ્રા પોતાની આ ફ્લેગશીપ એસયુવી XUV 500ના ઇલેક્ટ્રિક વર્ઝનને 2019 સુધીમાં લોન્ચ કરી શકે છે. પોતાની દરેક કાર્સના પેટ્રોલ વેરિએન્ટ્સને લોન્ચ કર્યા બાદ કંપની પોતાના પોર્ટફોલિયોમાં ઇલેક્ટ્રિક વર્ઝનને લોન્ચ કરવાની તૈયારીમાં છે.

these 4 cars will launch in electric version in india

રેનો ક્વિડ
રેનોએ કન્ફર્મ કર્યું છે કે તે ચીનના માર્કેટ માટે ઇલેક્ટ્રિક બેસ્ડ ક્વિડ પર કામ કરી રહી છે. જો ચીનમાં ક્વિડનું ઇલેક્ટ્રિક વર્ઝન સફળ થાય છે તો આ કારને ભારત સહિત અન્ય દેશોમાં એક્સપોર્ટ કરવામાં આવી શકે છે. કારનું પ્રોડક્શન શરૂ થઇ ગયું છે અને ટૂંક સમયમાં ભારત પહોંચી સકે છે. નોંધનીય છે કે રેનોની ક્વિડને ભારતમાં સારી સફળતા મળી રહી છે.

X
these 4 cars will launch in electric version in india
these 4 cars will launch in electric version in india
these 4 cars will launch in electric version in india
these 4 cars will launch in electric version in india
COMMENT

Recommended

પોપ્યુલર વીડિઓ વધુ જુઓ

ની  સંપૂર્ણ વાંચનસામગ્રી
Read In App