ઓટો ડેસ્કઃ ભારતમાં એસયુવી વધારે પસંદ કરવામાં આવે છે, તેની પાછળનું કારણ તેની સ્પેસ અને એટિટ્યૂડ છે. જોકે હવે ઓટોમેટિક ટ્રાન્સમિશન ધરાવતી એસયુવી પણ ઘણી જ લોકપ્રિય થઇ રહી છે. ભારતમાં એવી ઘણી એસયુવી છે, જેમાં કંપની તરફથી એટી અથવા તો સીવીટી ઓપ્શન આપવામાં આવે છે. જેમાં ફોર્ડ ઇકોસ્પોર્ટથી માંડીને ટાટા હેસ્કા સુધીની કાર્સ છે. આજે અમે અહીં એવી જ કેટલીક એસયુવી અંગે જણાવી રહ્યાં છીએ જે કિંમતમાં 15 લાખ રૂપિયાની અંદર છે. જેને ભારતની એફોર્ડેબલ એસયુવી માનવામાં આવે છે અને જેમાં ઓટોમેટિક ટ્રાન્સમિશન અને અન્ય સારા સેફ્ટી ફીચર્સ પણ આપવામાં આવ્યા છે.

ફોર્ડ ઇકોસ્પોર્ટ

ફોર્ડ ઇકોસ્પોર્ટ Trend + AT વેરિએન્ટની કિંમત 9.66 લાખ રૂપિયા એક્સ શોરૂમ છે. આ કારમાં 1497 સીસી, Ti-VCT ફોર વાલ્વ DOHC એન્જિન આપવામાં આવ્યું છે. જે 6500 આરપીએમમાં 121 એચપી પાવર અને 4500 આરપીએમમાં 150 એનએમ ટોર્ક જનરેટ કરી શકે છે. આ કારમાં સિક્સ સ્પીડ ઓટોમેટિક ટ્રાન્સમિશન આપવામાં આવે છે. ફોર્ડ ઇકોસ્પોર્ટના પેટ્રોલ એટી વેરિએન્ટમાં ડ્યુઅલ ફ્રન્ટ એરબેગ્સ આપવામાં આવે છે.

અન્ય એસયુવી અંગે જાણવા માટે આગળની સ્લાઇડ્સ પર ક્લિક કરો....

મહિન્દ્રા ટીયુવી300

મહિન્દ્રા ટીયુવી300 ટી8 એએમટી એમહ્વાક100 વેરિએન્ટની કિંમત 10.16 લાખ રૂપિયા એક્સ શોરૂમ છે. આ કારમાં 1493 સીસી, એમહ્વાક 3 વાલ્વ DOHC એન્જિન આપવામાં આવ્યું છે. જે 3750 આરપીએમમાં 100 એચપી પાવર અને 1600 આરપીએમમાં 240 એનએમ ટોર્ક જનરેટ કરી શકે છે. આ કારમાં 5 સ્પીડ ઓટોમેટિક ગીયરબોક્સ આપવામાં આવ્યું છે. આ સાથે જ કારમાં એબીએસ, ઇબીડી અને હિલ હોલ્ડ આપવામાં આવ્યા છે. 

રેનો ડસ્ટર

ભારતમાં મોસ્ટ પોપ્યુલર રહેલી રેનો ડસ્ટરના ડસ્ટર 110 PS RXZ 4X2 AMT વેરિએન્ટની કિંમત 12.47 લાખ રૂપિયા એક્સ શોરૂમ છે. આ કારમાં 1461 સીસી, dCI K9K THP ડીઝલ એન્જિન આપવામાં આવ્યું છે. જે 3900 આરપીએમમાં 108 એચપી પાવર અને 2250 આરપીએમમાં 248 એનએમ ટોર્ક જનરેટ કરી શકે છે. આ કારમાં સિક્સ સ્પીડ ઓટોમેટિક ટ્રાન્સમિશન આપવામાં આવ્યું છે. તેમજ બે એરબેગ્સ ફ્રન્ટમાં આપવામા આવ્યા છે. 

હોન્ડા બીઆરવી

હોન્ડા બીઆરવી V V CVT પેટ્રોલ વેરિએન્ટની કિંમત 12.53 લાખ રૂપિયા એક્સ શોરૂમ છે. આ કારમાં 1497 સીસી  i-VTEC  પેટ્રોલ એન્જિન છે. જે 6600 આરપીએમમાં 117 એચપી પાવર અને 4600 આરપીએમમાં 145 એનએમ ટોર્ક જનરેટ કરી શકે છે. આ કારમાં સીવીટી ગિયરબોક્સ અને પેડલ શિફ્ટ આપવામાં આવ્યું છે. કારમાં એબીએસ અને એબીડી પણ આપવામા આવ્યું છે. 

હ્યુન્ડાઇ ક્રેટા

હ્યુન્ડાઇ ક્રેટાના પેટ્રોલ અને ડીઝલ વેરિએન્ટમાં ઓટોમેટિક ટ્રાન્સમિશન આપવામાં આવે છે. કારના પેટ્રોલ વેરિએન્ટ SX Plus 1.6 ATની કિંમત 13.07 લાખ રૂપિયા એક્સ શોરૂમ છે. આ કારમાં 1591 સીસી, ડ્યુઅલ VTVT એન્જિન આપવામાં આવ્યું છે. જે 6400 આરપીએમમાં 122 એચપી પાવર અને 4850 આરપીએમમાં 154 એનએમ ટોર્ક જનરેટ કરવાની ક્ષમતા ધરાવે છે. આ કારમાં સિક્સ સ્પીડ ઓટોમેટિક ટ્રાન્સમિશન આપવામાં આવ્યું છે. આ કારમાં ડ્યુઅલ એરબેગ્સ આપવામાં આવ્યા છે.

ટાટા હેક્સા

ટાટા હેક્સા XMA 4x2 7 STRની કિંમત 14.87 લાખ રૂપિયા એક્સ શોરૂમ છે. આ કારમાં 2179 સીસી, VARICOR 400 4 સિલિન્ડર એન્જિન આપવામાં આવ્યું છે. જે 4000 આરપીએમમાં 154 એચપી પાવર અને 1700 આરપીએમમાં 400 એનએમ ટોર્ક જનરેટ કરવાની ક્ષમતા ધરાવે છે. આ કારમાં સિક્સ સ્પીડ ઓટોમેટિક ગીયરબોક્સ આપવામાં આવ્યું છે. કારમાં એબીએસ, ઇબીડી અને હિલ હોલ્ડ આપવામાં આવ્યું છે.