મન પર બુદ્ધિનું નિયંત્રણ જરૂરી

પોતાનાથી વધુ બુદ્ધિશાળી લોકોની મનમાં જ પ્રશંસા કરો

તમે બુદ્ધિશાળી લોકો વચ્ચે બેસો તો હંમેશાં એ વાતનો અભ્યાસ કરતા રહો કે એવી કઈ બાબત છે, જે તમારા કરતાં આ લોકોને બુદ્ધિશાળી બનાવી રાખે છે. તેમની સરખામણી કરો, પોતાનાથી વધુ બુદ્ધિશાળી લોકોની મનમાં જ પ્રશંસા કરો. કહેવાય છે કે પ્રશંસા કરવાથી સામેવાળાના ગુણ પોતાની અંદર આવવા લાગે છે. બુદ્ધિનો યોગ્ય સમયે યોગ્ય ઉપયોગ કરનાર બુદ્ધિશાળી હોય છે. તમે જો મન બુદ્ધિનો ઉપયોગ કરો તો મોટાભાગે તમે તેનો દુરુપયોગ કરશો, કારણ કે મન ખોટાં કામ કરવાનું પસંદ કરે છે.

બુદ્ધિને મનથી સ્વતંત્ર રાખો. અથવા એટલી મજબૂત કરી દો કે તે મન પર નિયંત્રણ રાખે. ઉપરાંત મન બુદ્ધિ સાથે રમત ન રમી શકે તે માટે તેને જ નબળું બનાવી દેવું જોઈએ. મનને નબળું બનાવવું હોય તો સૌથી પહેલાં તેની રસની બાબતો તેની પાસેથી છીનવી લો. વાસનાઓમાં મનને રસ હોય છે. તેને બહાર ફેંકી દો. અહીંથી જ બુદ્ધિના સદુપયોગનો સમય મળી જશે. આપણે પણ બુદ્ધિશાળી છીએ તે ભાવ તેનું જ પરિણામ હશે.

પં. વિજયશંકર મહેતા