• Gujarati News
  • National
  • Whether Or Not To Hear Puja's Plea In Shringar Gauri, Varanasi Court To Give Verdict Today; Section 144 Applicable In The City

જ્ઞાનવાપી કેસમાં હિન્દુઓના પક્ષમાં ચુકાદો:વારાણસી કોર્ટે મુસ્લિમ પક્ષની અરજી ફગાવી, શૃંગાર ગૌરી પૂજા મુદ્દે 22 સપ્ટેમ્બરે વધુ સુનાવણી

16 દિવસ પહેલા

વારાણસીના જ્ઞાનવાપી-શૃંગાર ગૌરી વિવાદ પર આગળ સુનાવણી ચાલુ રહેશે. વારાણસી જિલ્લા કોર્ટે કહ્યું, કેસ સાંભળવા લાયક છે. કોર્ટે કેસની સુનાવણી ન કરવા માટે મુસ્લિમ પક્ષ દ્વારા દાખલ કરવામાં આવેલા વાંધાઓને ફગાવી દીધા હતા. કોર્ટે માન્યું કે આ કેસ 1991ના વર્શિપ એક્ટ હેઠળ નથી આવતો. હવે વારાણસી જિલ્લા કોર્ટ 22 સપ્ટેમ્બરે આ મામલે સુનાવણી આગળ વધારશે. કોર્ટના આદેશની નકલ તમે જોઈ શકો છો...

કોર્ટેના નિર્ણય દરમિયાન હિંદુ પક્ષના વકીલ હરિશંકર જૈન અને વિષ્ણુશંકર જૈન કોર્ટમાં હાજર હતા. જોકે મુખ્ય અરજદાર રાખીસિંહ હાજર ન હતાં. જજે કુલ 62 લોકોને કોર્ટ રૂમમાં હાજર રહેવાની પરવાનગી આપી હતી. આ મામલે હિંદુ અને મુસ્લિમ પક્ષની દલીલ 24 ઓગસ્ટે પૂરી થઈ ગઈ હતી. આ પછી વારાણસી જિલ્લા ન્યાયાધીશ એકે વિશ્વેશે 12 સપ્ટેમ્બર એટલે કે આજ સુધી નિર્ણય સુરક્ષિત રાખ્યો હતો.

શહેરમાં હાઈએલર્ટ, કલમ 144 લાગુ
અત્યંત સંવેદનશીલ ગણાતા આ મામલામાં કોર્ટના આદેશને ધ્યાનમાં રાખીને આસપાસના વિસ્તારોમાં કલમ 144 લાગુ કરી દેવામાં આવી છે. શહેરમાં હિંદુ-મુસ્લિમ મિશ્રિત વસ્તી ધરાવતા વિસ્તારમાં પોલીસ દળ તૈનાત કરવામાં આવ્યું છે. આદેશ બાદ કાયદો અને વ્યવસ્થાની સ્થિતિ બગડે નહીં તે માટે પોલીસે ગત રાત્રિથી કેટલાક વિસ્તારોમાં પેટ્રોલિંગ વધારી દીધું છે.

જ્ઞાનવાપી-શૃંગાર ગૌરી સાથે સંબંધિત કેસ શું છે?
પાંચ હિંદુ મહિલાઓએ જ્ઞાનવાપી મસ્જિદ પરિસરમાં હાજર હિંદુ દેવી-દેવતાઓની પૂજા કરવાની પરવાનગી માગી છે. આ મહિલાઓ ખાસ કરીને દરરોજ શૃંગાર ગૌરીની પૂજા કરવાની પરવાનગી માગતી હતી. કોર્ટના આદેશ પર મસ્જિદમાં સર્વે પણ કરવામાં આવ્યો હતો. સર્વે બાદ હિંદુ પક્ષે દાવો કર્યો હતો કે શિવલિંગ મસ્જિદના ભોંયરામાં છે, જ્યારે મુસ્લિમ પક્ષે તેને ફુવારો હોવાનું જણાવ્યું હતું. કેસમાં અત્યાર સુધી શું થયું, 3 મુદ્દામાં સમજો...

  • 18 ઓગસ્ટ, 2021ના ​​રોજ, 5 મહિલાઓ જ્ઞાનવાપી મસ્જિદ સંકુલ બાબતે કોર્ટમાં પહોંચી હતી, જેમાં પરિસરમાં હાજરમાં શૃંગાર ગૌરી, ગણેશજી, હનુમાનજી અને અન્ય દેવતાઓ સહિત દેવીઓની દૈનિક પૂજા માટે પરવાનગી માગી હતી. અત્યારે અહીં વર્ષમાં માત્ર એક જ વાર પૂજા થાય છે.
  • આ પાંચ અરજીકર્તાઓની આગેવાની દિલ્હીની રાખીસિંહ કરી રહી છે, બાકીની ચાર મહિલાઓ બનારસની સીતા સાહુ, મંજુ વ્યાસ, લક્ષ્મીદેવી અને રેખા પાઠક છે.
  • 26 એપ્રિલ 2022ના રોજ, વારાણસી સિવિલ કોર્ટે જ્ઞાનવાપી મસ્જિદ સંકુલમાં શૃંગાર ગૌરી અને અન્ય દેવતાઓની ચકાસણી માટે વીડિયોગ્રાફી અને સર્વે કરવાનો આદેશ આપ્યો હતો.
વારાણસીમાં જ્ઞાનવાપી મસ્જિદ કાશી વિશ્વનાથ મંદિર પરિસરમાં સ્થિત છે, મસ્જિદની એક દીવાલ મંદિરના અવશેષ જેવી લાગે છે.
વારાણસીમાં જ્ઞાનવાપી મસ્જિદ કાશી વિશ્વનાથ મંદિર પરિસરમાં સ્થિત છે, મસ્જિદની એક દીવાલ મંદિરના અવશેષ જેવી લાગે છે.

હિંદુઓનો તર્ક: ઓરંગઝેબે મંદિર તોડી જ્ઞાનવ્યાપી મસ્જિદ બનાઈ હતી

  • વારાણસીમાં મોઘલ બાદશાહ ઓરંગઝેબના આદેશથી ઐતિહાસિક મંદિરને તોડી જ્ઞાનવાપી મસ્જિદ બનાવવામાં આવી હતી. હિંદુ સમુદાય તેને પોતાનું ઐતિહાસિક સ્થળ માને છે. જ્યારે મુસલમાનો તેને પોતાનું પવિત્ર સ્થાન માને છે. વર્ષ 1991માં કેન્દ્ર સરકાર તમામ ધાર્મિક સ્થળોને લગતા વિવાદોમાં યથાસ્થિતિ જાળવી રાખવા માટે એક કાયદો લઈને આવી હતી. જોકે અયોધ્યામાં બાબરી મસ્જિદ વિવાદને આ કાયદાથી બહાર રાખવામાં આવ્યો હતો.
  • આ કાયદા હેઠળ વર્ષ 1947 અગાઉ જે ધર્મસ્થળ જે સ્થિતિમાં હતા તે એ જ સ્થિતિમાં રહેશે. અંજુમન ઈંતેજામિયા મસ્જિદ વારાણસીનું કહેવું છે કે જ્ઞાનવાપી મસ્જિદને પણ આ કાયદા હેઠળ સુરક્ષા મળવી જોઈએ. આ મસ્જિદ સાથે કોઈ પણ પ્રકારની છેડછાડ કેન્દ્ર સરકારના કાયદાનું ઉલ્લંઘન હશે.

મુસ્લિમ પક્ષની દલીલઃ આ વકફ મિલકત છે, તેનું નામ શાહી મસ્જિદ આલમગીર છે

  • 22 ઓગસ્ટથી મસ્જિદ કમિટીની વળતી દલીલો ચાલુ છે. મુસ્લિમ પક્ષે કહ્યું કે વકફ બોર્ડની રચના વર્ષ 1936માં કરવામાં આવી હતી. 1944ના ગેઝેટમાં જાણવા મળ્યું કે જ્ઞાનવાપી મસ્જિદનું નામ શાહી મસ્જિદ આલમગીર છે.
  • આ મિલકત બાદશાહ આલમગીર એટલે કે ઔરંગઝેબની હતી. બાદશાહ આલમગીરનું નામ પણ વકફ કલાકાર તરીકે નોંધાયેલું હતું. આ રીતે, મસ્જિદ વર્ષ 1669માં 1400 વર્ષ જૂના શરાઈ કાયદા હેઠળ બાદશાહ ઔરંગઝેબ દ્વારા દાનમાં આપવામાં આવેલી સંપત્તિ પર બનાવવામાં આવી હતી અને ત્યારથી આજદિન સુધી ત્યાં નમાજ અદા કરવામાં આવે છે.
  • આ ઉપરાંત 1883-84માં બ્રિટિશ શાસન દરમિયાન જ્યારે વસાહત અમલમાં આવી ત્યારે સર્વે કરીને અરજી નંબર બનાવવામાં આવ્યો હતો. તે સમયે અરજી નંબર 9130માં પણ દર્શાવવામાં આવ્યું હતું કે અહીં મસ્જિદ, કબર, કબ્રસ્તાન, કૂવો છે. જૂના કેસોમાં પણ જ્ઞાનવાપી મસ્જિદ વકફની મિલકત હોવાનું નક્કી કરવામાં આવ્યું છે.
  • સરકાર પણ તેને વકફ પ્રોપર્ટી માને છે, તેથી જ કાશી વિશ્વનાથ એક્ટમાં મસ્જિદને ધ્યાનમાં લેવામાં આવી નથી. વર્ષ 2021માં, મસ્જિદ અને મંદિર મેનેજમેન્ટ વચ્ચે જમીનની આપ-લે કરવામાં આવી હતી, તે પણ વકફ મિલકત હોવાનું માનીને. તેથી મા શૃંગાર ગૌરીનો કેસ સિવિલ કોર્ટમાં સુનાવણી યોગ્ય નથી.
હિંદુ પક્ષનું માનવું છે કે ઔરંગઝેબે 1699માં કાશી વિશ્વનાથ મંદિરને તોડીને જ્ઞાનવાપી મસ્જિદ બનાવી હતી. આ મામલો 1991થી કોર્ટમાં ચાલી રહ્યો છે.
હિંદુ પક્ષનું માનવું છે કે ઔરંગઝેબે 1699માં કાશી વિશ્વનાથ મંદિરને તોડીને જ્ઞાનવાપી મસ્જિદ બનાવી હતી. આ મામલો 1991થી કોર્ટમાં ચાલી રહ્યો છે.
આ જ્ઞાનવાપીની પાછળની બાજુનું ચિત્ર છે, જે હિંદુ પક્ષનો દાવો છે કે તે મંદિરનો અવશેષ છે, આથી તેની પર તેમનો અધિકાર છે.
આ જ્ઞાનવાપીની પાછળની બાજુનું ચિત્ર છે, જે હિંદુ પક્ષનો દાવો છે કે તે મંદિરનો અવશેષ છે, આથી તેની પર તેમનો અધિકાર છે.

પૂર્વ મેજિસ્ટ્રેટની નજરે જ્ઞાનવાપી મસ્જિદ
વારાણસીના પૂર્વ સિટી મેજિસ્ટ્રેટ (1988થી 1992) અનિલસિંહ જ્ઞાનવાપી મસ્જિદ વિશે વાત કરતા જણાવે છે કે ’હું વારાણસી શહેરમાં સિટી મેજિસ્ટ્રેટ હતો ત્યારે મેં જ્ઞાનવાપી મસ્જિદના આખા પરિસરને જોયું હતું. ઉપરના ગુંબજને છોડી દઈએ તો આ કોઈપણ રીતે મસ્જિદ નથી લાગતી. પરિસરનો આત્મા મંદિર જેવો જ છે. 1991-92માં અંજુમન મસાજિદ ઈન્તજામિયા કમિટી તરફથી નિયુક્ત ઈમામ મૌલાના અબ્દુલ વાસિતે મિનારના સમારકામ માટે અરજી કરી હતી. મેં મૌલાનાને કહ્યું કે પહેલા જઈને જુઓ કે ક્યાં સમારકામ કરવાનું છે? તેમણે જોયા વિના મંજૂરી આપવા તજવીજ હાથ ધરી, પરંતુ હું ના માન્યો.’

તેઓ આગળ જણાવે છે, ‘હું મસ્જિદમાં ગયો. અંદર ગયો તો આશ્ચર્યચક્તિ થઈ ગયો. પશ્ચિમી હિસ્સામાં મંદિર દેખાતું હતું. મેં છત પર જઈને ચારેતરફ નજર કરી. એક ગુંબજમાં ઝરૂખો હતો. મેં અંદર જોયું, તો મંદિરના અવશેષ હતા.’

અન્ય સમાચારો પણ છે...