ઈતિહાસમાં આજે:જ્યારે અંતરિક્ષથી પૃથ્વીની સૌથી સુંદર તસવીર લેવામાં આવી હતી; ધરતી અને ચંદ્રના ફોટો સાથે લેવા માટે મોકલ્યું હતું સેટેલાઈટ

7 ડિસેમ્બર 1972ના રોજ નાસાએ ચંદ્ર પર પોતાનું અંતિમ મેન્ડ મિશન ‘અપોલો-17’ લોન્ચ કર્યુ. આ મિશનના ક્રૂમાં યુઝેન સેરનાન, રોનાલ્ડ ઈવાન્સ અને હેરિસન શ્મિટ હતા. આ ક્રૂએ સ્પેસક્રાફ્ટથી પૃથ્વીની સૌથી સુંદર તસવીર ખેંચી હતી. તેને ‘બ્લુ માર્બલ’ કહે છે. આ તસવીર એટલા માટે પણ ખાસ હતી કેમકે આવું પ્રથમવાર હતું જ્યારે પૃથ્વીનો સાઉથ પોલ પણ નજરે પડ્યો હતો. જો કે, તે આખો વાદળોથી ઘેરાયેલો દેખાતો હતો. જ્યારે, આફ્રિકા તેમાં સ્પષ્ટ દેખાતું હતું.

આ તસવીર અપોલો-17 મિશન લોન્ચ થયાના 5 કલાક 6 મિનિટ પછી ક્લિક કરવામાં આવી હતી. તસવીરને 70 મિમીના હેસલબ્લેડ કેમેરાથી લેવામાં આવી હતી. જેમાં 80 મીમીનો લેન્સ લાગેલો હતો. તસવીર લેવાથી બે દિવસ અગાઉ જ 5 ડિસેમ્બરે તમિલનાડુમાં એક સાયક્લોન પણ આવ્યું હતું અને એ તસવીરમાં એ પણ દેખાતું હતું. નાસાએ આ તસવીરની ક્રેડિટ અપોલો-17ના ક્રૂને આપી હતી.

નાસાએ આજે જ એટીએસ-1 પણ લોન્ચ કર્યુ
7 ડિસેમ્બર, 1966ના રોજ નાસાએ એટીએસ-1 સેટેલાઈટ લોન્ચ કર્યુ હતું. આ સેટેલાઈટ પર બ્લેક એન્ડ વ્હાઈટ કેમેરા ફિટ કરાયો હતો. જેનાથી પૃથ્વી અને ચંદ્રની સાથે તસવીર લેવાઈ હતી. આ પ્રથમ તસવીર છે, જેમાં પૃથ્વી અને ચંદ્ર સાથે દેખાય છે. એટીએસ-1એ જ્યારે આ તસવીર ક્લીક કરી હતી, ત્યારે તે પૃથ્વીથી 35888 કિમી અને ચંદ્રથી 4.34 લાખ કિમી દૂર હતો. પૃથ્વી અને ચંદ્રની સાથે આ તસવીર 22 ડિસેમ્બર 1966ના રોજ મળી હતી. 12 વર્ષ સુધી કામ કર્યા પછી 1 ડિસેમ્બર,1978ના રોડ એટીએસ-1 ડિએક્ટિવેટ થઈ ગયું. જો કે, તેનું કમ્યુનિકેશન હાર્ડવેર 1985 સુધી કામ કરતું હતું.

ભારત અને દુનિયામાં 7 ડિસેમ્બરની મહત્વપૂર્ણ ઘટનાઓ આ પ્રકારે છેઃ

2009ઃ ડેનમાર્કના કોપેનહેગનમાં જળવાયુ શિખર સંમેલન શરૂ થયું.