• Gujarati News
  • National
  • When 9 Beer Rose From The Village, There Was An Uproar; Stoves Were Not Lit In The Houses, The Market Remained Closed

એકસાથે આઠ લોકોના અંતિમસંસ્કાર થયા:રાજસ્થાન ચૌમુમાં બે સગા ભાઈના પરિવારની નનામી ઊઠી, કુળદેવીનાં દર્શન કરી પરત ફરતી વખતે અકસ્માત નડ્યો

એક મહિનો પહેલા

નવા વર્ષે ગમખ્વાર અકસ્માતમાં ચૌમુના સામોદ શહેરના રહેવાસી 2 ભાઈનો આખો પરિવાર હોમાઈ ગયો છે. પરિવારના 8 લોકો સહિત 9 લોકોનાં મોત થયાં છે. સોમવારની સવારે જ્યારે તમામ મૃતદેહ ગામમાં પહોંચ્યા ત્યારે પરિવારજનો, સંબંધીઓ અને પડોશીમાં ચિચિયારીઓ ગુંજી ઊઠી. ધાર્મિક વિધિ પૂરી કર્યા પછી જ્યારે એકસાથે 9 લોકોની અર્થી ઊઠી ત્યારે દરેકની આંખમાં આંસુ હતાં. આ દરમિયાન શહેરનાં બજાર બંધ રહ્યાં હતાં. એક જ ચિતા પર પરિવારના 8 લોકોના અંતિમસંસ્કાર કરવામાં આવ્યા હતા, જ્યારે એકને અલગ ચિતા પર અગ્નિદાહ આપવામાં આવ્યો હતો. ચૌમુના ધારાસભ્ય રામલાલ શર્મા અને પૂર્વ કેન્દ્રીય મંત્રી સુભાષ મહરિયાએ પણ અંતિમસંસ્કારમાં હાજરી આપી હતી.

નવા વર્ષે કુળદેવીનાં દર્શને ગયો હતો બે ભાઈઓનો પરિવાર
સામોદના બે ભાઈ કૈલાસચંદ્ર અને સુવાલાલના પરિવારના લગભગ 12 સભ્ય પિકઅપ લઈને નવા વર્ષના પહેલા દિવસે સવારે લગભગ 8 વાગ્યે પોતાની કુળદેવી જીન માતાને માથું ટેકવા ગયા હતા. દર્શન કરી બધા લોકો ઘરે પરત ફરી રહ્યા હતા. આ દરમિયાન મહિલાઓ મંગલ ગીત ગાઈ રહી હતી. સાંજે લગભગ 4.30 વાગ્યે ખંડેલા રોડ પર ગૌરિયન મોર પાસે તેનું પિકઅપ પહેલા બાઇક સાથે અથડાયું અને પછી ટ્રક સાથે અથડાયું. આ અકસ્માતમાં 12 લોકોનાં મોત થયાં હતાં, જેમાં કૈલાસ ચંદના બે પુત્રો વિજય અને અજય, પુત્રી રેખા, વિજયની પત્ની રાધા, સુવાલાલની બે પુત્રવધૂ પૂનમ અને અનુરાધા, તેનો પૌત્ર આરવ અને પૌત્રી નિક્કુનું મોત થયું હતું. તેમની સાથે ગયેલા અન્ય વિસ્તારના યુવક અરવિંદનું પણ મૃત્યુ થયું હતું.

એક જ ચિતા પર પરિવારના 8 સભ્યોના અગ્નિસંસ્કાર કરવામાં આવ્યા હતા, જ્યારે 1 યુવકના અગ્નિસંસ્કાર અલગ ચિતા પર કરવામાં આવ્યા હતા.
એક જ ચિતા પર પરિવારના 8 સભ્યોના અગ્નિસંસ્કાર કરવામાં આવ્યા હતા, જ્યારે 1 યુવકના અગ્નિસંસ્કાર અલગ ચિતા પર કરવામાં આવ્યા હતા.

સામોદ ગામમાં મૌન પ્રસરી ગયું
અકસ્માતની માહિતી રવિવારે સાંજે લગભગ 6 વાગ્યે ગામમાં પહોંચી હતી. જેમણે સાંભળ્યું તેઓ સ્તબ્ધ થઈ ગયા. રાત્રિ સુધી પરિવારના અમુક સભ્યોને જ અકસ્માત અંગે જણાવાયું હતું. આ અંગે મહિલાઓને કંઈ કહેવામાં આવ્યું ન હતું. મોડી રાત સુધી મૃતદેહોને ચૌમુ સીએચસીના શબઘરમાં રાખવામાં આવ્યા હતા. ઘણાં ઘરોમાં તો રાત્રે ચૂલો પણ સળગ્યો નહોતો. સોમવારે સવારે જ્યારે તમામ મૃતદેહો ગામમાં પહોંચ્યા ત્યારે પરિવારજનો સહિત સમગ્ર ગામમાં હોબાળો મચી ગયો હતો. પુત્રો ગુમાવનાર માતા સંવેદનહીન બની ગઈ. સોમવારે નગરના વેપારીઓએ પોતાની દુકાનો બંધ રાખી હતી. આજુબાજુના ગામોના લોકો સહિત સેંકડો લોકો અંતિમસંસ્કારમાં જોડાયા હતા, તેમની આંખોમાં આંસુ હતાં.

સામોદ ગામમાં જ્યારે એકસાથે 9 અર્થી ઊઠી ત્યારે દરેકની આંખમાં આંસુ હતાં.
સામોદ ગામમાં જ્યારે એકસાથે 9 અર્થી ઊઠી ત્યારે દરેકની આંખમાં આંસુ હતાં.

ત્રણ બહેનના એકમાત્ર ભાઈનું અવસાન
અકસ્માતનો ભોગ બનનાર અરવિંદ પિંગોલિયા (22) પુત્ર પ્રદીપ કુમારના મે મહિનામાં લગ્ન થવાના હતા. પરિવારમાં ત્રણ બહેનમાં તે એકમાત્ર ભાઈ હતો. પરિવારમાં તેના લગ્નની તૈયારીઓ શરૂ થઈ ગઈ હતી. તેના કાકા મનીષે જણાવ્યું હતું કે શનિવારે જ પરિવારના સભ્યોએ અરવિંદના લગ્નની તૈયારીઓ અંગે ચર્ચા કરી હતી. અરવિંદના પિતા પ્રદીપ કુમાર પાવતા સિનિયર સેકન્ડરી સ્કૂલમાં વરિષ્ઠ શિક્ષક છે. અરવિંદનો સ્નાતક સુધીનો અભ્યાસ પૂરો થયો. તે સ્પર્ધાત્મક પરીક્ષાની તૈયારી કરી રહ્યો હતો. અરવિંદ સામોદમાં જ મેડિકલ સ્ટોરમાં નોકરી કરતો હતો.

એક જ પરિવારના 8 લોકોનાં મોતના સમાચાર ગામમાં પહોંચતાં જ હોબાળો મચી ગયો હતો. સોમવારે અંતિમસંસ્કાર થયા હતા, જેમાં આસપાસનાં ગામોના લોકો પણ જોડાયા
એક જ પરિવારના 8 લોકોનાં મોતના સમાચાર ગામમાં પહોંચતાં જ હોબાળો મચી ગયો હતો. સોમવારે અંતિમસંસ્કાર થયા હતા, જેમાં આસપાસનાં ગામોના લોકો પણ જોડાયા

ભંગારના કામ માટે પિકઅપ ખરીદ્યું હતું
સામોદના બંને સગા ભાઈઓ અજય અને વિજયે સાથે મળીને પિકઅપ વાહન ખરીદ્યું હતું. બંને ભંગારનું કામ કરી પરિવારનું ગુજરાન ચલાવતા હતા. અજય અને વિજયનો એક ભાઈ બાબુલાલ ઘરે જ રોકાયો હતો. તેમણે જણાવ્યું હતું કે શનિવારે સવારે પરિવારના સભ્યો અને પડોશીઓ નવા વર્ષનાં દર્શન માટે જીન માતાના મંદિરે ગયા હતા. અગાઉ જીનમાતાનાં દર્શન કરવાનો કાર્યક્રમ હતો, પરંતુ ત્યાં દર્શન કર્યા બાદ ગણેશજીનાં દર્શન કરવાનો પણ કાર્યક્રમ બનાવવામાં આવ્યો હતો. અજય અને વિજય કોરોના પહેલાં ઈ-ફ્રેન્ડ તરીકે કામ કરતા હતા. જ્યારે કોરોનાને કારણે ધંધો અટકી ગયો ત્યારે તેણે ભંગાર અને જંક ખરીદવાનું કામ શરૂ કર્યું. ખર્ચ બચાવવા માટે ફક્ત પિકઅપ દ્વારા જ ગયા.

અન્ય સમાચારો પણ છે...