• Gujarati News
  • National
  • What Blessings Did Mulayam Singh Give To Aparna Yadav After Joining BJP? What Does The Housewife Think About Akhilesh?

મુલાયમે વહુને કહ્યું- બેટા ખુશ રહો:અપર્ણાએ જાતે જ પોતાની તુલના સુભાષ ચંદ્ર બોઝ સાથે કરી, કહ્યું- હું રાષ્ટ્રસેવા માટે નીકળી છું, તેમના આશીર્વાદ મારી સાથે રહેશે

4 મહિનો પહેલા

યુપી વિધાનસભા ચૂંટણીમાં પ્રચાર માટે ભાજપે મહિલા બ્રિગેડને મેદાનમાં ઉતારી છે. આ મહિલા નેતાઓ સપા અને કોંગ્રેસમાંથી ભાજપમાં આવી છે. ભાજપમાં જોડાયા બાદ ભાસ્કરે રવિવારે મુલાયમ સિંહ યાદવની પુત્રવધૂ અપર્ણા યાદવ સાથે વાત કરી હતી. નેતાજી સુભાષ ચંદ્ર બોઝને યાદ કરીને, અપર્ણા યાદવે પોતાની સરખામણી તેમની સાથે કરતા કહ્યું કે, 'હું દેશની સેવા કરવા આવી છું, ભગવાનની કૃપાથી બોઝજીના આશીર્વાદ મારી સાથે છે.'

અપર્ણા સાથેની વાતચીતના કેટલાક અંશ
સવાલઃ પાર્ટીમાં જોડાયા બાદ ડોર ટુ ડોર પ્રચાર પણ શરૂ કરી દેવામાં આવ્યો છે, આગળ તમારી ભૂમિકા કેવી રહેશે?
જવાબ: હાઈ કમાન્ડ નક્કી કરશે કે મારી ભૂમિકા શું હશે. મેં દેશની સેવા માટે આ નિર્ણય લીધો છે. ચૂંટણી માટે ડોર ટુ ડોર પ્રચાર કરીને ભાજપની નીતિઓને લોકો સુધી પહોંચાડવી પડશે. ચૂંટણી પંચની માર્ગદર્શિકાનું પાલન કરવામાં આવશે.

સવાલઃ ભાજપમાં જોડાતા પહેલા તમે મુલાયમ અને અખિલેશ યાદવનો સંપર્ક કરવાનો પ્રયાસ કર્યો હતો?
જવાબ: જે બન્યું છે તેની ચર્ચા કરવી જરૂરી નથી. રાજકારણ વર્તમાનકાળનું છે. આપણે વર્તમાનમાં છીએ.

સવાલ: આગળની ચૂંટણીમાં તમારી ભૂમિકા શું છે?
જવાબઃ જો હું દરેક બાબતની ચિંતા કરીશ તો અમારી પાર્ટીના વરિષ્ઠ લોકો શું કરશે. આજે સુભાષચંદ્ર બોઝની જન્મજયંતિ છે. જો બોઝજીએ પહેલેથી જ વિચાર્યું હોત કે આપણે આઝાદીની લડાઈ નહીં લડીએ તો દેશ આઝાદ કેવી રીતે થશે. અમે રાષ્ટ્રને સમર્પિત છીએ. અમારું વિઝન મહિલાઓને સુરક્ષિત રાખવાનું છે. તેમને આગળ વધીને સ્વતંત્ર બનાવવા પડશે. એટલા માટે હું વડાપ્રધાન નરેન્દ્ર મોદી, સીએમ યોગીના વિઝનને ધ્યાનમાં રાખીને મહિલાઓની સુરક્ષા કરીશ.

સવાલ: એવી ચર્ચા છે કે તમને 2017માં કેન્ટમાંથી ટિકિટ ન મળી એટલે તમે ભાજપમાં જોડાયા?
જવાબઃ 2017અપર્ણા યાદવે એ સીટ પરથી ચૂંટણી લડી હતી જ્યાં સપા પાસે 7 હજાર વોટ બેંક ન હતી. ત્યાં જ્ઞાતિ સમીકરણ નહોતું. 27 વર્ષમાં સૌથી વધુ મત મેળવનાર હું હતી. ટિકિટની લડાઈ ક્યારેય નહોતી અને હજુ પણ નથી. હું દેશની સેવા કરવા આવી છું. વડાપ્રધાન અને મુખ્યમંત્રીની કાર્યશૈલી રાષ્ટ્રવાદની પ્રેરણા આપે છે.

ખુશ રહો બેટા...
અપર્ણા યાદવે જણાવ્યું હતું કે બીજેપીમાં સામેલ થયા પછી તેમણે મુલાયમ સિંહ સાથે મુલાકાત કરી હતી. આ દરમિયાન પારિવારિક વાતચીત થઈ હતી. બધા સાથે બેસીને જમ્યા હતા. મુલાયમ સિંહ યાદવે કહ્યું હતું, ખુશ રહો બેટા. એટલું જ નહીં, અપર્ણાએ જણાવ્યું હતું કે મુલાયમ સિંહ યાદવે તેમને અમુક પોલિટિકલ ટિપ્સ પણ આપી હતી. બીજેપીમાં સામેલ થવા વિશે તેમણે કહ્યું હતું, આનંદ લો, આપણે આ વિશે વાત કરીશું.

અમિત શાહ અને અખિલેશ યાદવ વિશે શું કહ્યું અપર્ણાએ
અમિત શાહ સાથે મુલાકાત વિશે અપર્ણા યાદવે કહ્યું હતું કે અમુક મુદ્દાઓ પર વાત થઈ છે, જેને હું અહીં જણાવી શકું એમ નથી. તેઓ મારા સિનિયર છે. તેમણે મને શુભેચ્છા પાઠવી છે.
જ્યારે અપર્ણાને પૂછવામાં આવ્યું કે અખિલેશ યાદવે પૂછ્યુ હતું કે તમને મુલાયમ સિંહ યાદવે સમજાવવાનો ઘણો પ્રયત્ન કર્યો હતો. આ વિશે અપર્ણાએ કહ્યું હતું કે તેઓ મારા પતિના મોટા ભાઈ છે. મેં તેમની પાસેથી ઘણી રાજકીય સમજણ કેળવી છે. મેં તેમનો આભાર માનતાં તેમણે કહ્યું હતું કે હું પહેલાં પણ વહુ હતી, આજે પણ છું અને કાલે પણ રહીશ.

અખિલેશે કહ્યું હતું કે તમે સપાની વિચારધારા બીજેપીમાં લઈ જશો? આ વિશે અપર્ણાએ કહ્યું હતું કે આવું તેમનું માનવું છે. મારો વિચાર છે કે હું રાષ્ટ્રવાદી વિચારધારાના કારણે બીજેપીમાં સામેલ થઈ છું. બીજેપી જે પણ નિર્ણય કરશે, મને જે પણ જવાબદારી સોંપશે એ નિભાવવા માટે હું તૈયાર છું.

બીજેપીએ દેશને બચાવ્યો
આજે અપર્ણા યાદવ બીજેપી ઓફિસ પહોંચ્યાં હતાં. અહીં તેમણે ભારત માતાની જય અને વંદે માતરમની સાથે સંબોધન શરૂ કર્યું હતું. તેમણે કહ્યું હતું કે હું એક જ વાત કહીશ કે વડાપ્રધાન નરેન્દ્ર મોદી અને મુખ્યમંત્રી યોગી આદિત્યનાથે મને પાર્ટીમાં સામેલ થવાનો મોકો આપ્યો. મેં રાષ્ટ્રવાદને કારણે પાર્ટી જોઈન કરી છે. ભાજપ એ પાર્ટી છે જેણે દેશને બચાવ્યો છે.

અન્ય સમાચારો પણ છે...