મહિલા વકીલની દબંગાઈનો VIDEO::પતિ સાથે રજીસ્ટ્રેશન કરાવવા પોસ્ટ ઓફિસ ગઈ, પોતે થપ્પડ વરસાવી અન્ય સાથીદારોને પણ બોલાવ્યા

પ્રયાગરાજમાં એક મહિલા વકીલે કોર્ટ પોસ્ટ ઓફિસમાં કર્મચારીને થપ્પડ મારતાનો વીડિયો સામે આવ્યો છે. જેમાં મહિલા વકીલ પહેલા કાઉન્ટર પર બેઠેલા કર્મચારી પર થપ્પડ વરસાવતી દેખાઈ રહી છે. આટલું જ નહીં, પોતે માર્યા બાદ મહિલા વકીલે તેના સાથીદારોને પણ બોલાવ્યા અને પોસ્ટ ઓફિસ પહોંચેલા વકીલોએ વધુ બે કર્મચારીઓને માર માર્યો હતો. આ દરમિયાન હોબાળો પણ થયો. માહિતી મળતાં જ કર્નલગંજ પોલીસે ઓફિસ પહોંચી અને મામલો થાળે પાડ્યો હતો. આ ઘટના શનિવાર બપોરની છે.

સીઓ કર્નલગંજ રાજેશ કુમારે જણાવ્યું કે બંને પક્ષોની ફરિયાદ પર એફઆઈઆર નોંધવામાં આવી છે. વીડિયોના આધારે તપાસ કરવામાં આવી રહી છે.