બદલાશે ટ્રેનની મુસાફરી:રેલવેએ પારદર્શક છત અને મોટી બારીવાળો કોચ તૈયાર કર્યો, 180 કિમીની સ્પીડ પર ટ્રાયલ રન કરાયો

પારદર્શક છત અને બહારનું દૃશ્ય જોવા માટે મોટી-મોટી બારીઓ, આરામદાયક સીટોની સાથે 180 કિમી પ્રતિ કલાકની સ્પીડથી ટ્રેનની સફર. રેલવેએ આ સુવિધાઓ સાથેના વિસ્ટાડોમ કોચની મંગળવારે સફળ ટ્રાયલ કરી છે. એને ઈન્ટિગ્રલ કોચ ફેક્ટરીમાં તૈયાર કરવામાં આવ્યો છે.

રેલમંત્રી પીયૂષ ગોયલે સોશિયલ મીડિયા પર એની તસવીર પોસ્ટ કરીને લખ્યું છે કે વર્ષના અંતે આ સારા સમાચાર. ભારતીય રેલવેએ આ નવી ડિઝાઈનવાળા વિસ્ટાડોમ કોચની ટ્રાયલ પૂરી કરી લીધી છે. આ કોચ પેસેન્જર્સની મુસાફરી યાદગાર બનાવી દેશે અને ટૂરિઝમને પ્રોત્સાહન આપશે.

નક્કી કરેલા સમયે ટ્રાયલ પૂરી
રેલવે મિનિસ્ટ્રીના એક સિનિયર ઓફિસરે ન્યૂઝ એજન્સી IANSને જણાવ્યું હતું કે ગયા સપ્તાહે કોટા ડિવિઝનમાં કોચનો ઓસિલેશન ટ્રાયલ રન કરવામાં આવ્યો હતો. આ દરમિયાન એને 180 કિમી પ્રતિ કલાકની સ્પીડે ચલાવવામાં આવી હતી. આ ટ્રાયલ નક્કી કરેલા સમયના એક સપ્તાહ પહેલાં પૂરી કરવામાં આવી છે. તેમણે કહ્યું હતું કે કોચની સ્ક્વિઝ ટ્રાયલ આ મહિનાની શરૂઆતમાં ICFમાં કરવામાં આવી હતી.

ફરતી સીટ અને વાઇફાઇ

10 કોચ બનાવવાના છે, 2 તૈયાર
અધિકારીએ વધુમાં જણાવ્યું હતું કે ICFમાં આવા 10 કોચ બનાવવાના છે, બે કોચ તૈયાર છે. એને સેન્ટ્રલ રેલવેને સોંપી દેવામાં આવ્યા છે. એમાંથી એક કોચની સ્પીડ ટ્રાયલ પૂરી થઈ ગઈ છે, બાકીના કોચ આવતા વર્ષે 31 માર્ચ પહેલાં તૈયાર થઈ જશે.
અત્યારસુધીમાં વિસ્ટાડોમ કોચનો ઉપયોગ મોટા ભાગે ટૂરિસ્ટ પ્લેસ પર ચાલતી ટ્રેનોમાં થાય છે. તેમાં દાદર-મડગાંવ, અરકુ વેલી, કાશ્મીર ઘાટી, દાર્જીલિંગ હિમાલયન રેલવે, કાલકા-શિમલા રેલવે, કાંગડા ઘાટી રેલવે, માથેરાન હિલ રેલવે અને નીલગિરિ માઉન્ટેન રેલવે-ટ્રેક પણ સામેલ છે.