તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • States Will Now Get 75% Vaccine From The Center Instead Of 50%, Although More Waste Will Affect Supply

નવી વેક્સિન પોલીસીની જાહેરાત:રાજ્યોને હવે કેન્દ્ર પાસેથી 50%ની જગ્યાએ 75% વેક્સિન મળશે, જોકે વેસ્ટેજ વધુ થયો તો સપ્લાઈ પર અસર પડશે

નવી દિલ્હી2 મહિનો પહેલા
  • ગરીબોને પ્રાઈવેટ હોસ્પિટલમાં ફ્રી વેક્સિન લગાવવા માટે ઈ-વાઉચર ઈસ્યુ કરવામાં આવશે

વડાપ્રધાન નરેન્દ્ર મોદીની જાહેરાતના એક દિવસ પછી સરકારે વેક્સિનેશન પ્રોગ્રામની નવી ગાઈડલાઈન્સ બહાર પાડી છે. તે મુજબ કેન્દ્ર સરકાર વેક્સિન નિર્માતા કંપનીઓ પાસેથી 75 ટકા વેક્સિન ખરીદીને રાજ્યોને ફ્રીમાં આપશે. સાથે જ પ્રાઈવેટ હોસ્પિટલ માટે વેક્સિનની કિંમત મેન્યુફેકચરિંગ કંપનીઓ જાતે જાહેર કરશે.

કેન્દ્ર તરફથી રાજ્યોને વેક્સિનના જેટલા ડોઝ મળશે. તેમાં રાજ્યોએ ુપ્રાથમિકતા નક્કી કરવી પડશે. આ પ્રાયોરિટીમાં હેલ્થકેર વર્કર્સ સૌથી ઉપર રહેશે. તે પછી 45 વર્ષથી વધુ ઉંમરના લોકો અને પછી એવા લોકોને પ્રાથમિકતા આપવી પડશે, જેનો બીજો ડોઝ બાકી છે. તે પછી 18 વર્ષથી વધુ ઉંમરના લોકોનો નંબર આવશે. તેમના વેક્સિનેશન માટે રાજ્ય સરકાર પોતાના હિસાબથી પ્રાયોરિટી નક્કી કરશે.

નવી ગાઈડલાઈન્સમાં આ વાતો પણ સામેલ

  • કેન્દ્ર સરકાર રાજ્યોને તેમની વસ્તી, સંક્રમિતોની સંખ્યા અને વેક્સિનેશન પ્રોગ્રેસ જેવા માપદંડોના આધારે ડોઝ મોકલશે. રાજ્યોએ વેસ્ટેજનુ ધ્યાન રાખવું પડશે, નહિતર તેમને મળનાર વેક્સિનના સપ્લાઈ પર અસર પડશે.
  • કેન્દ્ર સરકાર રાજ્યોને પહેલા જ કહી દેશે કે તેમને કેટલા ડોઝ મળવાના છે. તે હિસાબથી રાજ્ય સરકાર પણ તેમના જિલ્લા અને વેક્સિનેશન સેન્ટર્સને એડવાન્સમાં જ ડોઝ એલોટ કરી દેશે. જિલ્લા અને વેક્સિનેશન સેન્ટર્સ તરફથી આ માહિતી સાર્વજનિક કરવામાં આવશે, જેથી લોકોને મુશ્કેલી ન થાય.
  • સરકાર નાના ગામ અને અંતરિયાળ વિસ્તારોમાં સ્થિત પ્રાઈવેટ હોસ્પિટલોને વેક્સિન સપ્લાઈ વધારવામાં મદદ કરશે, જેથી ભૌગલિક આધાર પર અસમાનતાને ખત્મ કરી શકાય.
  • રાજ્ય સરકાર આવી નાની હોસ્પિટલોનો વેક્સિન ડિમાન્ડનો પ્લાન તૈયાર કરશે અને કેન્દ્ર સરકાર આવી હોસ્પિટલોને વેક્સિન સપ્લાઈ કરવામાં મદદ મળશે. તેના માટે બંને સ્તર પર સાથે-સાથે કામ થશે.
  • તમામ લોકોને વેક્સિન એક સરખી જ આપવામાં આવશે, તેમાં આર્થિક સ્તરને ધ્યાનમાં લેવામાં આવશે નહિ. જોકે સરકારે અપીલ તરીકે કહ્યું કે જે લોકો પૈસા આપવા સક્ષમ છે, તેમણે પ્રાઈવેટ હોસ્પિટલમાં પૈસા આપીને વેક્સિન લેવી જોઈએ. ​​​​​
  • ગરીબોને પ્રાઈવેટ હોસ્પિટલમાં ફ્રી વેક્સિન લગાવવા માટે ઈ-વાઉચર ઈસ્યુ કરવામાં આવશે. તે નોન-ટ્રાન્સફરેબલ હશે. એટલે કે વાઉચરનો ઉપયોગ માત્ર એ જ વ્યક્તિ કરી શકશે જેના નામે તે ઈશ્યુ કરવામાં આવશે.

વેક્સિન ખરીદીની વ્યવસ્થા બદલાશે, રાજ્યોને કેન્દ્ર પાસેથી મળશે પુરા ડોઝ

જુની પોલીસીનવી પોલીસી
કેન્દ્ર સરકાર 50% વેક્સિનેશન ખરીદતી હતી.કેન્દ્ર સરકાર 75 ટકા વેક્સિન ખરીદશે.
25 ટકા રાજ્યોએ ખરીદવાની થતી હતી.રાજ્યોને વેક્સિન ખરીદવાની જરૂર નહિ પડે.
25 ટકા પ્રાઈવેટ હોસ્પિટલ ખરીદી શકે છે.પહેલાની જેમ 25 ટકા વેક્સિન સીધી મેન્યુફેકચરર પાસેથી ખરીદી શકાશે.

હાલ શું હતુ, આગળ શું થશે
કેન્દ્ર સરકારઃ
જેટલા ડોઝ ખરીદતી હતી તેમાંથી 50 ટકા ડોઝ પ્રાયોરિટી ગ્રુપ્સ અને 45+ની ઉંમરના લોકો માટે રાજ્યોને ફ્રી આપતી હતી. હાલ ફ્રી સપ્લાઈને 50 ટકાથી વધારીને 75 ટકા કરવામાં આવશે. આ સીમામાં 18-44 વર્ષ વાળા તમામને સામેલ કરવામાં આવશે.

રાજ્યઃ 1 મે સુધી રાજ્યોને 18-44 વર્ષ સુધીની ઉંમરના લોકો માટે 25 ટકા ડોઝ બજારમાંથી ખરીદવા પડતા હતા.

45+ ઉંમર વાળાઃ ફ્રી વેક્સિનનો સૌથી વધુ ફાયદો મળતો રહેશે, જોકે પ્રાઈવેટ હોસ્પિટલોમાં પહેલાની જેમ જ પૈસા ચુકવવા પડશે.

18-44 વર્ષની ઉંમરવાળાઃ 21 જૂનથી સરકારી કેન્દ્ર પર ફ્રી વેક્સિન લાગશે, જોકે પ્રાઈવેટ હોસ્પિટલમાં પૈસા ચૂકવવા પડશે.

પ્રાઈવેટ હોસ્પિટલઃ કેન્દ્ર સરકારની સાથે-સાથે વેક્સિન મેન્યુફેકચર્સ પણ ડીલ કરી શકે છે. વેક્સિન લગાવવા માટેનો 150 રૂપિયા ચાર્જ લઈ શકે છે.

અન્ય સમાચારો પણ છે...