તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

રાજસ્થાનમાં US-INDIA યુદ્ધ અભ્યાસ:USએ પ્રથમ વાર સ્ટ્રાઈકર ટેન્ક ઉતારી; ભારતની સારથી ટેન્ક આ અભ્યાસમાં સામેલ

બિકાનેરએક મહિનો પહેલાલેખક: અનુરાગ હર્ષ
  • કૉપી લિંક
  • 21 ફેબ્રુઆરી સુધી ચાલશે અભ્યાસ, આતંકવાદ સામે લડવાની નીતિ પર પણ ચર્ચા થશે

રાજસ્થાનના બીકાનેરના મહાજન ફીલ્ડ ફાયરિંગ રેન્જમાં ભારત અને અમેરિકા વચ્ચે યુદ્ધ અભ્યાસ સોમવારે શરૂ થયો છે, જે 21 ફેબ્રુઆરી સુધી ચાલશે. પહેલા દિવસે થાર રણમાં સૌથી મોટી અમેરિકન સ્ટ્રાઇકર ટેન્ક દોડતી જોવા મળી. જો કે આ ટેન્ક ભારતની સારથી ટેન્ક સામે નબળી જોવા મળી છે. સોમવારે આ ટેન્ક સહિતના અનેક શસ્ત્રોનું પ્રદર્શન કરવામાં આવ્યું હતું. કોરોના મહામારી શરૂ થયા પછી પ્રથમ વખત યુએસ આર્મી બીજા દેશમાં અભ્યાસ કરી રહી છે.

કેવી છે સ્ટ્રાઈકર અને સારથી?

  • સ્ટ્રાઈકર ટેન્ક એ US આર્મીનું ચવ્હીલ આર્મ્ડ ફાઇટિંગ વ્હીકલ છે. આઠ પૈડા પર ચાલતી આ ટેન્કની ગતિ અમેરિકન રસ્તાઓ પર દર કલાકે 97 કિ.મી.મી છે. તે ટાયર અને ટ્યુબ પર ટકી રહેલી ટેન્ક છે.
  • ભારતની BMP સારથી ટેન્ક બીજી જનરેશનની ટેન્ક છે, જે લોખંડની ચેનથી ચાલે છે. આ ટેન્કનું પ્રથમ મોડેલ 1960માં આવ્યું હતું, જ્યારે હાલમાં ચાલી રહેલ BMP-2 એ વર્ષ 1980નું મોડેલ છે.
સ્ટ્રાઈકર ટેન્ક સાથે અમેરિકન સૈનિક. આ ટેન્ક મર્યાદિત વિસ્તારમાં ઝડપી હુમલો કરી શકે છે.
સ્ટ્રાઈકર ટેન્ક સાથે અમેરિકન સૈનિક. આ ટેન્ક મર્યાદિત વિસ્તારમાં ઝડપી હુમલો કરી શકે છે.

છેલ્લા 3 દિવસ યુદ્ધ જેવું વાતાવરણ રહેશે
ભારત અને અમેરિકાના સૈનિકો આગામી દિવસોમાં અલગ-અલગ યુદ્ધ ટીમો બનાવીને યુદ્ધની પ્રેક્ટિસ કરતા જોવા મળશે. લશ્કરી પ્રવક્તા અમિતાભ શર્માએ જણાવ્યું હતું કે 19 અને 20 ફેબ્રુઆરીએ યુદ્ધ જેવું વાતાવરણ જોવા મળશે. તે સમયે બંને દેશો તેમના શસ્ત્રો અને સાધનોનો ઉપયોગ કરી શકશે. આ સાથે હેલિકોપ્ટર અને ટેન્કોનું સંકલન પણ બતાવવામાં આવશે.

આ રીતે યુદ્ધ અભ્યાસ કરવામાં આવશે
યુદ્ધ અભ્યાસમાં બંને દેશોની સેનાઓ જામિની હુમલાનો અભ્યાસ કરશે. સૌ પ્રથમ, તે જોવામાં આવશે કે બે અલગ અલગ સૈન્ય કેટલો સમય યુદ્ધવાળા ક્ષેત્રમાં પહોંચી શકે છે. આ પછી, તે જોવામાં આવશે કે કેવી રીતે બે અલગ-અલગ બ્રિગેડના સૈનિકો કેવી રીતે એક સ્થળે એકઠા થઈને એકબીજા સાથે કો-ઓર્ડિનેટ કરે છે. આ બંને પરસ્પર સંકલનથી દુશ્મનની ધરતી પર હુમલો કરીને કબજો કરવાનો પ્રયત્ન કરશે.

દરેક વખતે અલગ ફોર્મેશનમાં સૈન્ય ટુકડીઓ આગળ વધશે. વ્યૂહરચનામાં દરરોજ બદલાવ થતો રહેશે. આ સાથે જ દુશ્મનની ક્ષમતાના આધારે પણ વ્યૂહરચના બદલાશે. યુદ્ધ અભ્યાસ દરમિયાન બંનેના ટ્રેડિશનલ, નોનટ્રેડિશનલ અને બંનેના હાઇબ્રિડ મોડલનો પણ પ્રયાસ કરવામાં આવશે.

અમેરિકાથી 240 જવાનો આવ્યા
યુદ્ધાભ્યાસ માટે અમેરિકાથી 240 સૈનિકો ભારત આવ્યા છે. આ અમેરિકાની સૌથી જૂની બટાલિયનનું દળ છે, જેમાં મહિલા સૈનિકો પણ સામેલ છે. તેને ઇન્ફન્ટ્રી બટાલિયન કહેવામાં આવે છે. આ ઉપરાંત, ઇન્ફન્ટ્રી રેજિમેન્ટની એક કમાન્ડ પણ છે. આ દળમાં જમીનથી દૂર સુધી હુમલો કરનાર સ્ટ્રાઈકર બ્રિગેડ કોમ્બેટ પણ સામેલ છે. આ ટીમ તેમની સાથે ટેન્ક પણ લઈને આવી છે.

ભારતીય સૈન્યનું નેતૃત્વ સપ્તશક્તિ કમાન્ડની 11મી બટાલિયન અને જમ્મુ-કાશ્મીર રાઇફલ્સ દ્વારા કરવામાં આવી રહ્યું છે. જ્યારે, યુએસ આર્મીની કમાન્ડ 2 ઇન્ફન્ટ્રી બટાલિયન, 3 જી ઇન્ફન્ટ્રી રેજિમેન્ટ, 1.2 સ્ટ્રાઇકર બ્રિગેડ કોમ્બેટ ટીમના સૈનિકો કરી રહ્યા છે. યુદ્ધાભ્યાસ માટે અમેરિકન સેના પોતાની સાથે સ્ટ્રાઈકર (સશસ્ત્ર વાહન) પણ લાઈવે આવી છે. આ પહેલી વાર છે જ્યારે આ સ્તરના યુદ્ધાભ્યાસમાં અમેરિકન સેના સ્ટ્રાઈકરને કામમાં લેશે.

ભારત અને અમેરિકાની સેનાના અધિકારી યુદ્ધ અભ્યાસની રણનીતિ પર ચર્ચા કરી રહ્યા.
ભારત અને અમેરિકાની સેનાના અધિકારી યુદ્ધ અભ્યાસની રણનીતિ પર ચર્ચા કરી રહ્યા.

અમેરિકન સ્ટ્રાઈકર બ્રિગેડ ઝડપથી હુમલો કરવામાં નિપૂણતા
અમેરિકન સેના પાસે 9 સ્ટ્રાઈકર બ્રિગેડ છે. તેમાંથી 7 એક્ટિવ મોડમાં છે અને બે નેશનલ ગાર્ડ પાસે રહે છે. અમેરિકા આખી દુનિયામાં તેની ટાઈનાતી કરી રહ્યું છે. સ્ટ્રાઇકર બ્રિગેડ ખરેખર હળવા હથિયારો અને મધ્યમ વજનના સશસ્ત્ર વાહનોનું જૂથ છે. તે ઇન્ફેન્ટ્રી અને આર્મ્ડથી સંપૂર્ણ રીતે અલગ હોય છે. તે મર્યાદિત વિસ્તારોમાં ઝડપી હુમલો કરવામાં નિપૂણતા ધરાવે છે.

આ અભ્યાસ 3 કારણોસર મહત્વપૂર્ણ છે

1. ભારતીય સેના હાલમાં આઈબીજી (Integrated Battle Groups)પર કામ કરી રહી છે. તેમાં જુદા જુદા ક્ષેત્રોમાં માસ્ટર્સનું સૈન્ય ટુકડીઓનું એક નાનું ગ્રૂપ બનાવવામાં આવશે. તે સંપૂર્ણ તૈયારી સાથે સંપૂર્ણ સુમેળ બનાવતા દુશ્મન પર હુમલો કરશે. આ યુદ્ધ અભ્યાસ પણ આ જ પ્રકારે થઈ રહ્યો છે.

2. અહીં જુદી જુદી વ્યૂહરચનાના આધારે બંને દેશોની સેનાને હુમલો કરવાની પદ્ધતિઓ દ્વારા એક બીજાથી ઘણું શીખવા મળશે.

3. સાથે સાથે તેનું મહત્વ પણ વધે છે કારણ કે ભારત અને અમેરિકા હિંદ મહાસાગરમાં પોતાનું વર્ચસ્વ જાળવી રાખવા માંગે છે. ત્યાં, પાકિસ્તાન અને ચીની સેનાએ બે મહિના અગાઉ રાજસ્થાનને અડીને આવેલા સિંધમાં યુદ્ધ અભ્યાસ કર્યો હતો.

આતંકવાદ સામે લડવા માટેની વ્યૂહરચના પર ધ્યાન કેન્દ્રિત
આ યુદ્ધાભ્યાસ દરમિયાન આતંકવાદ સામે લડવાની નીતિ પર પણ ચર્ચા કરવામાં આવશે. આતંકીઓ પાસેથી જે પ્રકારના હથિયાર મળી રહ્યા છે, તેથી અનેક ગણા વધુ ટેકનિકલ રીતે મજબૂત શસ્ત્રોનો આ અભ્યાસમાં ઉપયોગ કરવામાં આવશે. ભવિષ્યમાં જે સૈનિકોને એક બીજાના દેશની સહાય માટે મોકલવામાં આવી શકે છે, કદાચ, તેઓને આ ટીમમાં સામેલ કરવામાં આવ્યા છે. આ કારણોસર ભારતીય સૈનિકોને અમેરિકન શસ્ત્રોનો ઉપયોગ કરવાનું શીખવવામાં આવી રહ્યું છે. એ જ રીતે અમેરિકન સેનાને પણ ભારતીય શસ્ત્રોની પ્રેક્ટિસ કરાવવામાં આવી રહી છે.

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આજે આર્થિક યોજનાઓને ફળીભૂત કરવાનો યોગ્ય સમય છે. સંપૂર્ણ આત્મવિશ્વાસ સાથે તમારી ક્ષમતા પ્રમાણે કામ કરો. જમીનને લગતી ખરીદદારી કે વેચાણનું કામ પૂર્ણ થઇ શકે છે. વિદ્યાર્થીઓને કરિયરને લગતી કોઇ સમ...

વધુ વાંચો