• Gujarati News
  • National
  • Told Young Lawyers Court System For Common Citizens; The System Is Not Above The People

સુપ્રીમ કોર્ટના ચૂકાદાઓની નકલ હિન્દીમાં પણ મળશે:CJIએ કહ્યું- ટૂંક સમયમાં કોર્ટના નિર્ણયો અન્ય ભાષાઓમાં પણ ઉપલબ્ધ થશે; વડાપ્રધાને વખાણ કર્યા

નવી દિલ્હી7 દિવસ પહેલા
મુખ્ય ન્યાયાધીશ ડીવાય ચંદ્રચુડે કહ્યું કે AI ટ્રાન્સલેશનના ઉપયોગથી ગામડાના લોકો માટે કોર્ટના ચુકાદાને સમજવામાં સરળતા રહેશે.

વડાપ્રધાન નરેન્દ્ર મોદીએ CJI DY ચંદ્રચુડના વખાણ કર્યા છે. CJIએ કહ્યું હતું કે ટૂંક સમયમાં જ સુપ્રીમ કોર્ટના ચૂકાદાઓની નકલો હિન્દી અને દેશની અન્ય ભાષાઓમાં ઉપલબ્ધ થશે. આ અંગે PM મોદીએ કહ્યું હતું કે 'આ ખૂબ જ સારો વિચાર છે, જે ઘણા લોકોને ખાસ કરીને યુવાનોને મદદ કરશે.'

કાઉન્સિલ ઓફ મહારાષ્ટ્ર એન્ડ ગોવા (BCMG)ના કાર્યક્રમમાં હાજરી આપવા શનિવારે મુંબઈ પહોંચેલા CJIએ આર્ટિફિશિયલ ઈન્ટેલિજન્સ (AI) થી કોર્ટના નિર્ણયોને અન્ય ભાષાઓમાં અનુવાદિત કરવાનો સંકેત આપ્યો હતો. તેમણે કહ્યું હતું કે 'આનાથી ગામડાઓમાં રહેતા લોકો સરળતાથી તેમની ભાષામાં નિર્ણયો વિશે માહિતી મેળવી શકશે.' તેણે પહેલા કહ્યું હતું કે 'કોર્ટ પેપરલેસ હોવી જોઈએ, આ મારું મિશન છે.'

સિસ્ટમની ખામીઓને બહાર લાવો
ચીફ જસ્ટિસ ચંદ્રચુડે જણાવ્યું હતુ કે આપણે આપણી ખામીઓને છુપાવવાની જરુર નથી. આપણે આપણી ખામીઓને સામે લાવીને તેને સુધારવા માટેના પ્રયાસ કરવા જોઈએ. તેમણે કોર્ટ સંબંધિત માહિતી મેળવવામાં આવતી મુશ્કેલીઓને દૂર કરવા ટેકનોલોજીના ઉપયોગ પર ભાર મૂક્યો હતો. તેમણે વધુમાં જણાવ્યું હતુ કે ટૂંક સમયમાં જ સુપ્રીમ કોર્ટનાં ચુકાદાની નકલ હિન્દી સહીત દેશની અન્ય ભાષાઓમાં પણ મળી રહેશે.

મુંબઈમાં કાઉન્સિલ ઓફ મહારાષ્ટ્ર એન્ડ ગોવા (BCMG)ના કાર્યક્રમમાં હાજરી આપવા પહોંચેલા CJIએ કહ્યું કે દેશની કોર્ટની વ્યવસ્થા સામાન્ય લોકો માટે બનાવવામાં આવી છે અને સિસ્ટમ વ્યક્તિથી ઉપર ન હોઈ શકે. તેમણે આ કાર્યક્રમમાં પહોંચેલા યુવા વકીલોને સંબોધન કરતા આ વાત જણાવી હતી. તેમણે યુવા વકીલોને શુભકામનાઓ પાઠવતા કહ્યું હતુ કે તમે ખુબ ઉંચી ઉડાન ભરો અને તમારા સપનાને સાકાર કરો.

તકો ખાસ લોકો માટે ન હોવી જોઈએ, બધાને તક આપવી જરૂરી છે
કોર્ટમાં સામાજિક મેળાવડા પર ભાર મૂકતા, CJIએ કહ્યું - યુવા અને નવા વકીલોને જેટલી વધુ તકો આપવામાં આવશે, તેટલો વધુ સમૃદ્ધ કાનૂની વ્યવસાય હશે. આપણે તકને અમુક લોકો સુધી સીમિત ન રાખવી જોઈએ, આ માટે હાંસિયામાં ધકેલાઈ ગયેલા સમુદાયના વકીલોને પણ તક આપવી જરૂરી છે. તેમણે કહ્યું- હું દરરોજ અડધો કલાક સુપ્રીમ કોર્ટમાં યુવા વકીલોને સાંભળું છું, તેનાથી દેશની નાડીને પારખી શકાય છે.

હિન્દી સહીત ભારતીય ભાષાઓમાં SCના ચુકાદાની નકલ મળશે
જસ્ટિસ ચંદ્રચુડે કોર્ટના ચુકાદાઓને આર્ટિફિશિયલ ઈન્ટેલિજેન્સ (AI)દ્વારા બીજી ભાષાઓમાં ટ્રાન્સલેટ કરવાનાં પણ સંકેત આપ્યા હતા. તેનાથી ગામડાઓમાં રહેતા લોકોને તેમની જ ભાષામાં ચુકાદાની જાણકારી સરળતાથી મળી શકશે. તેમણે આ પહેલા પણ કહ્યું હતુ કે કોર્ટના કામકાજ પેપરલેસ થઈને ટેકનિકલ સુસંગત બને, આ મારું મિશન છે.

ચીફ જસ્ટિસે કોર્ટની કાર્યવાહીનું લાઈવ સ્ટ્રીમિંગ પર પણ ભાર મુક્યો હતો. તેમણે કહ્યું કે કાયદામાં રુચિ ધરાવતા ટીચર્સ અને વિદ્યાર્થિઓ લાઈવ- સ્ટ્રીમિંગ દ્વારા કોઈપણ કેસ જોઈ શકે છે, તેને સમજી શકે છે અને તેના પર ચર્ચા પણ કરી શકે છે. જ્યારે તમે લાઈવ કોઈ મુદ્દા પર ચર્ચા કરો છે, ત્યારે ખબર પડે છે કે સમાજમાં કેટલો અન્યાય કરવામાં આવી રહ્યો છે.

CJIએ બારની ન્યૂઝ-વ્યૂઝ ચેનલ શરૂ કરી
જસ્ટિસ ચંદ્રચુડે BCMGની ન્યૂઝ-વ્યૂઝ ચેનલ પણ શરૂ કરી હતી. ન્યૂઝ-વ્યૂઝ એ દેશની પ્રથમ કાઉન્સિલ ન્યૂઝ છે. તેમણે યુવા વકીલો માટે BCMG તરફથી તૈયાર કરાયેલી સિવિલ અને ક્રિમિનલ પ્રેક્ટિસ હેન્ડબુકનું પણ વિમોચન કરવામાં આવ્યું હતું. આ હેન્ડબુકની નકલ 50 હજાર યુવા વકીલોને વિનામૂલ્યે આપવામાં આવશે.

અન્ય સમાચારો પણ છે...