• Gujarati News
  • National
  • This Unusual And Dangerous Symptom Of Covid, Also Found In Omicron, Causes Many Problems Even After Recovery.

ચેતજો, ઓમિક્રોન પણ ખતરનાક બને છે:ઓમિક્રોનમાં પણ જોવા મળ્યો કોવિડનો આ અસામાન્ય અને ખતરનાક લક્ષણ, રિકવરી પછી પણ અનેક સમસ્યાઓ પરેશાન કરે છે

4 મહિનો પહેલા
  • કૉપી લિંક
બ્રેન ફોગમાં કોરોનાના સામાન્ય લક્ષણ જેવા કે તાવ, ઠંડી લાગવી, શ્વાસ લેવામાં તકલીફ, ઉધરસને સામેલ કરવામાં આવ્યા ન હતા. - Divya Bhaskar
બ્રેન ફોગમાં કોરોનાના સામાન્ય લક્ષણ જેવા કે તાવ, ઠંડી લાગવી, શ્વાસ લેવામાં તકલીફ, ઉધરસને સામેલ કરવામાં આવ્યા ન હતા.
  • બ્રેન ફોગ છેલ્લાં કેટલાંક સમયથી કોવિડ-19નો કોમન લક્ષણ છે
  • જાણકારી મુજબ બ્રેન ફોગ અંગેની માહિતી ઓક્ટોબર 2020માં જ સામે આવી હતી

ભારત સહતિ વિશ્વના અનેક દેશોમાં કોરોનાના કેસ સતત વધી રહ્યાં છે. ભારતમાં વધતા કેસને જોતા એક્સપર્ટ્સનું માનવું છે કે કોરોનાની ત્રીજી લહેર આવી ગઈ છે અને તેમાં ઓમિક્રોન વેરિયન્ટ અને ડેલ્ટા વેરિયન્ટ ઝડપથી ફેલાઈ રહ્યાં છે. ઓમિક્રોનને લઈને મોટાભાગના એક્સપર્ટ્સનું કહેવું છે કે આ ઘણી જ ગંભીર બીમારી નથી કરી રહ્યું પરંતુ ઓમિક્રોનથી સંક્રમિત કેટલાંક લોકો રિકવરી પછી પણ અનેક સમસ્યાઓનો સામનો કરી રહ્યાં છે. તેમાં લોન્ગ કોવિડના લક્ષણ જોવા મળી રહ્યાં છે.

શું કહે છે નવો રિપોર્ટ
યુનાઈટેડ કિંગડમના રિપોર્ટ મુજબ કોવિડ-19ના દુર્લભ લક્ષણ 'બ્રેન ફોગ' ઓમિક્રોન વેરિયન્ટમાં પણ જોવા મળી રહ્યાં છે. ધ ડેઈલી એક્સપ્રેસ મુજબ કોવિડ-19 સંક્રમિત ZOE COVID સ્ટડી એપમાં પોતાના લક્ષણો અંગે જણાવી રહ્યાં છે. અનેક લોકો બ્રેન ફોગ અંગે પણ જણાવી રહ્યાં છે કે તેઓને આ સમસ્યાનો સામનો કરવો પડી રહ્યો છે. આ એપ પેશન્ટ દ્વારા જણાવવામાં આવતા લક્ષણોનું વિશ્લેષણ કરે છે.

બ્રેન ફોગ છેલ્લાં કેટલાંક સમયથી કોવિડ-19નો કોમન લક્ષણ છે. જાણકારી મુજબ બ્રેન ફોગ અંગેની માહિતી ઓક્ટોબર 2020માં જ સામે આવી હતી, તે સમયે કોરોનાની પહેલી લહેર ચાલતી હતી. બ્રેન ફોગમાં કોરોનાના સામાન્ય લક્ષણ જેવા કે તાવ, ઠંડી લાગવી, શ્વાસ લેવામાં તકલીફ, ઉધરસને સામેલ કરવામાં આવ્યા ન હતા.

અલબામા વિશ્વવિદ્યાલય બર્મિગહામના ન્યૂરોલોજિસ્ટ ડૉ. શ્રુતિ અગ્નિહોત્રીના જણાવ્યા મુજબ બ્રેન ફોગમાં વધુ પડતું માથું દુખવું અને યાદશક્તિ નબળી પડવી જવી સમસ્યાઓ થઈ શકે છે.

ડૉ. શ્રુતિના જણાવ્યા મુજબ, "અનેક વખત કોરોનાના દર્દીઓમાં તાવ અને શ્વાસ લેવામાં તકલીફ જેવી સમસ્યામાંથી રિકવર તો થઈ જાય છે, પરંતુ તેઓ માથાનો દુખાવો અને યાદશક્તિ નબળી પડવી જેવી ફરિયાદો થઈ શકે છે, જેને બ્રેન ફોગ કહેવામાં આવે છે. અનેક દર્દીઓ એવા પણ હોય છે જેમનું કહે છે કે તેઓનું કોઈ પણ કામમાં ફોકસ નથી કરી રહ્યાં કે પછી ફોકસ કરવામાં મુશ્કેલી આવી રહી છે. આ પણ બ્રેન ફોગનું જ કારણ છે. આ લક્ષણ ઓમિક્રોન વેરિયન્ટમાં પણ જોવા મળી રહ્યાં છે. હવે જોવાનું છે કે આ વેરિયન્ટમાં બ્રેન ફોગ કેવા પ્રકારના લોકોને પ્રભાવિત કરશે."

બ્રેન ફોગને આ રીતે સમજો

  • યુનિવર્સિટી કોલેજ લંડનના ડોકટર માઈકલ જૈન્દીના જણાવ્યા મુજબ, બ્રેન ફોગ કોઈ મેડિકલ ટર્મ નથી પરંતુ સામાન્ય લક્ષણને જોતા તેને આ નામ આપવામાં આવ્યું છે. જે દર્દી કોરોનાથી રિકવર થયા હતા તે લોકોમાં ઘણો સમય સુધી મગજની સમસ્યાઓ જોવા મળી હતી, જેમાં યાદશક્તિ નબળી પડવી, ફોકસ ન કરી શકવું અને માઈગ્રેન જેવી સમસ્યાઓ સામેલ હતી.
  • ડૉ જૈન્દીના જણાવ્યા મુજબ, કોરોનાથી રિકવર થયેલા 20 ટકા લોકોમાં આ સમસ્યા જોવા મળી હતી. જો કે આંકડા કેટલા યોગ્ય હતા તે અંગે કહેવું મુશ્કેલ છે. હજુ આ મુદ્દે વધુ સ્ટડીની જરૂરિયાત છે.
  • યુનિવર્સિટી કોલેજ ઓફ લંડનના ન્યૂરોસાયન્ટિસ એથેના અકરામીના અભ્યાસ મુજબ, કોરોનાથી રિકવર થનારાઓ કે જેમના શરીરમાંથી વાયરસ જતો રહ્યો છે પરંતુ રિકવરીના લાંબા સમય બાદ પણ તેમનામાં 200થી વધુ લક્ષણો જોવા મળી શકે છે.
  • રિસર્ચમાં સામેલ થયેલા લોકોએ રિકવરીના 16 મહિના પછી પણ પોતાના શરીરમાં અનેક લક્ષણો જોયા. જેમાં અનિયમિત પીરીયડ્સ, સેક્સ્યુઅલ ડિસ્ફંકશન, ખંજવાળ, માનસિક થાક, ભ્રમ, હાર્ટનું ઝડપથી ધડકવું, શારીરિક થકાવટ જેવાં લોન્ગ કોવિડના સામાન્ય લક્ષણ સામેલ હતા. આ લક્ષણોમાં બ્રેન ફોગ પણ સામેલ હતા.
અન્ય સમાચારો પણ છે...