તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • The Youth Ran 50 Kilometers In 60 Minutes In A Car, Breaking The Blockade In 6 Places; He Kept Running On The Rim If The Tire Burst

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

જયપુરમાં ફાસ્ટ એન્ડ ફ્યુરિયસ:યુવકે 60 મિનિટમાં 50 કિલોમીટર દોડાવી કાર, 6 જગ્યાએ નાકાબંધી તોડી; ટાયર ફાટ્યું તો રિમ પર દોડાવતો રહ્યો

જયપુર18 દિવસ પહેલાલેખક: વિષ્ણુ શર્મા
એમડી રોડ પર પોલીસે કાર રોકવા માટે રસ્તા પરથી પસાર થતી ટેક્સીઓ, ટૂરિસ્ટ બસ અને બીજી ગાડીઓને વચ્ચે લગાવી, પરંતુ કારચાલક નાકાબંધી તોડીને ભાગ્યો. - Divya Bhaskar
એમડી રોડ પર પોલીસે કાર રોકવા માટે રસ્તા પરથી પસાર થતી ટેક્સીઓ, ટૂરિસ્ટ બસ અને બીજી ગાડીઓને વચ્ચે લગાવી, પરંતુ કારચાલક નાકાબંધી તોડીને ભાગ્યો.

શું તમે હોલિવૂડ ફિલ્મ 'ફાસ્ટ એન્ડ ફ્યુરિયસ' જોઈ છે? આશ્ચર્યજનક કાર રેસિંગવાળી. આ ફિલ્મ જેવો નઝારો જયપુરના રસ્તાઓ પર જોવા મળ્યો. શહેરમાં ખતરનાક રીતે દોડતી ડસ્ટર કારને જ્યારે પોલીસે પકડવાનો પ્રયાસ કર્યો તો કારચાલકે સ્પીડ વધારી દીધી અને ભાગતાં ભાગતાં 6 જગ્યાએ પોલીસની નાકાબંધી તોડી નાખી. આ દરમિયાન ડિવાઈડરથી અથડાઈને કારનું ટાયર ફાટ્યું, તો તે રિમના સહારે કાર દોડાવતો રહ્યો.

ફાસ્ટ એન્ડ ફ્યુરિયસ કાર શહેરમાં 1 કલાક સુધી દોડતી રહી. 13 પોલીસ સ્ટેશનના 100થી વધુ પોલીસ કર્મચારીઓ તેને પકડવામાં નિષ્ફળ રહ્યા. અંતે, એક જગ્યાએ રસ્તો બ્લોક કર્યો, એ બાદ તે પકડાયો હતો. જોકે આ દરમિયાન કારમાં બેઠેલા આરોપીના મિત્રો ફરાર થઈ ગયા. વાંચો શું હતી આખી ઘટના...

60 મિનિટમાં શહેરના રસ્તાઓ પર 50 કિલોમીટર દોડી કાર

  • શહેરમાં ગુરુવારે રાત્ર 1 વાગ્યે આ કારની ધમાચકડી શરૂ થઈ.
  • પીછો કરી રહેલી પોલીસને બે ગાડીને ટક્કર મારી
  • મોતીડુંગરી રોડ પર નાકાબંધી માટે લગાડવામાં આવેલાં બેરિકેડ્સ ઉડાવ્યાં
  • ટક્કરથી નાકા પર ડ્યૂટી કરી રહેલા કોન્સ્ટેબલના પગમાં ફ્રેકચર થયું.
  • કારનું આગલું ટાયર રોડ ડિવાઈડર સાથે અથડાઈને ફાટી ગયું, પરંતુ કાર ન રોકાઈ. લોખંડની રિમ રસ્તા પર ઘસડાવવાથી તીખારા નીકળતા રહ્યા.
  • શહેરનાં 13 પોલીસ સ્ટેશનના લગભગ 100 પોલીસકર્મચારીને કાર રોકવા માટે બોલાવવામાં આવ્યા.
  • રાત્રે 2 વાગ્યે એમઆઈ રોડ પર કારે ખાસાકોઠીના સર્કિટ હાઉસમાં ઊભેલી અલવરના ધારાસભ્યની ગાડીને ટક્કર મારી.
  • આગળ રસ્તો બ્લોક થવાથી કાર આગળ ન જઈ શકી. એ બાદ પોલીસે કારચાલકની ધરપકડ કરી.
વિધાયકપુરી પોલીસની પકડમાં આવેલા રોમિકે કહ્યું કે લાઇસન્સ ન હોવાને કારણે તે ગભરાઈ ગયો હતો, એથી બચવા માટે ગાડી દોડાવતો રહ્યો.
વિધાયકપુરી પોલીસની પકડમાં આવેલા રોમિકે કહ્યું કે લાઇસન્સ ન હોવાને કારણે તે ગભરાઈ ગયો હતો, એથી બચવા માટે ગાડી દોડાવતો રહ્યો.

પિતાની ગાડી લઈને ફરવા નીકળ્યો હતો યુવક
વિધાયકપુરી પોલીસે કાર ચલાવનાર યુવકની ધરપકડ કરી. એ બાદ મોતીડુંગરી પોલીસે તેના પર કેસ દાખલ કરી ધરપકડ કરી. આરોપી રોમિક ભામુ (25) ઝુંઝનું જિલ્લામાં અલીપુરનો રહેવાસી છે. તે એક ઓનલાઈન એજ્યુકેશન એપ કંપનીમાં જોબ કરે છે. તેણે જણાવ્યું હતું કે ગુરુવારે રાત્રે તે પોતાના પિતાની ગાડી લઈને જયપુર ફરવા નીકળ્યો હતો. તેના મિત્ર હિતેશ અને મનીષ પણ કારમાં સવાર હતા. તે ત્રણેય નાહરગઢ કિલ્લા પર જવા માગતા હતા.

ડ્રાઈવિંગ લાઇસન્સ ન હોવાને કારણે પહેલી જગ્યાએ નાકાબંધી તોડી
જયપુર-સીકર હાઈવે પર રાત્રે 1 વાગ્યે હરમાડા વિસ્તારમાં પોલીસે નાકાબંધી કરી રાખી હતી. આરોપીએ જણાવ્યું હતું કે તેની પાસે ડ્રાઈવિંગ લાઇસન્સ ન હતું, તેથી તેણે નાકાબંધી તોડીને કારને ભગાવી હતી. જોકે સૂત્રોએ જણાવ્યું કે કારમાં બેઠેલા ત્રણેય લોકો નશામાં હતા.

આ વિસ્તારોમાં ફુલ સ્પીડે દોડી કાર
નાકાબંધી તોડવા પર વિશ્વકર્મા પોલીસને કાર રોકવા માટેની સૂચના આપી. વિશ્વકર્મા પોલીસ સ્ટેશનમાં હાજર પોલીસકર્મચારીઓએ કાર રોકવાનો પ્રયાસ કર્યો, પરંતુ કારની સ્પીડ વધુ હોવાથી તેઓ એમાં સફળ ન રહ્યા. એ બાદ સીકર રોડથી વિદ્યાધરનગર, શાસ્ત્રીનગર, પીતલ ફેક્ટરી, પાનીપેચ ચોક, બનીપાર્ક થઈને જયસિંહ હાઈવે પર કાર પહોંચી, જ્યાંથી ક્લેક્ટ્રી સર્કલ, ખાસાકોઠી ચોકથી અશોક નગરમાં અહિંસ સર્કલ પહોંચી હતી.

એ બાદ કાર સ્ટેચ્યૂ સર્કલ, નારાયણ સિંહ સર્કલ, ત્રિમૂર્તિ સર્કલ, મોતી ડુંગરી સર્કલ પહોંચી હતી. ત્યાં એક બેરિકેડને ટક્કર મારીને મોતીડુંગરી પોલીસ સ્ટેશનના કોન્સ્ટેબલ રતનારામને ઘાયલ કરી દીધા. એ બાદ ગુરુદ્વારાના વણાંક, ટ્રાન્સપોર્ટનગર, એમઆઈ રોડ થઈને કાર લગભગ રાત્રે 2 વાગ્યે સર્કિટ હાઉસ પહોંચી. ત્યાં અલવરના ધારાસભ્યની કારને ટક્કર મારી હતી. આગળ રસ્તો બંધ હતો, તેથી પીછો કરી રહેલા એએસઆઈ મુકેશ કુમારે આરોપી રોમિકની ધરપકડ કરી.

તસવીરોમાં જુઓ કારની હાલત

ડિવાઈડરથી ટકરાયા બાદ કારનું એક ટાયર ફાટીને અલગ થઈ ગયું. ત્યારે પણ આરોપીએ કારને 20 કિમી સુધી દોડાવી હતી.
ડિવાઈડરથી ટકરાયા બાદ કારનું એક ટાયર ફાટીને અલગ થઈ ગયું. ત્યારે પણ આરોપીએ કારને 20 કિમી સુધી દોડાવી હતી.
વિધાયકપુરી પોલીસ સ્ટેશનમાં ઊભેલી ક્ષતિગ્રસ્ત કાર. પોલીસે કેસ દાખલ કરીને કારને જપ્ત કરી લીધી છે.
વિધાયકપુરી પોલીસ સ્ટેશનમાં ઊભેલી ક્ષતિગ્રસ્ત કાર. પોલીસે કેસ દાખલ કરીને કારને જપ્ત કરી લીધી છે.
ઘટનાનો સીસીટીવી ફૂટેજઃ રાત્રે દોઢ વાગ્યે કારને પકડવા માટે નાકાબંધી કરતી પોલીસ.
ઘટનાનો સીસીટીવી ફૂટેજઃ રાત્રે દોઢ વાગ્યે કારને પકડવા માટે નાકાબંધી કરતી પોલીસ.
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- તમારા પોઝિટિવ અને સંતુલિત વિચાર દ્વારા થોડા સમયથી ચાલી રહેલી પરેશાનીઓનો ઉકેલ મળી શકશે. તમે એક નવી ઊર્જા સાથે તમારા કાર્યો પ્રત્યે ધ્યાન કેન્દ્રિત કરી શકશો. જો કોઇ કોર્ટ કેસને લગતી કાર્યવાહી ...

    વધુ વાંચો