• Gujarati News
  • National
  • The Work Of Taking Suggestions For Amendment In The Birth Death Registration Act Has Been Completed

વન નેશન-વન ડેટા:બર્થ-ડેથ રજિસ્ટ્રેશન એક્ટમાં સુધારા અંગે સૂચનો લેવાનું કામ પૂર્ણ

નવી દિલ્હી11 દિવસ પહેલાલેખક: મુકેશ કૌશિક
  • કૉપી લિંક

ડિજિટાઇઝેશનના યુગમાં દેશ હવે ‘વન નેશન-વન ડેટા’ માટે તૈયાર થઇ રહ્યો છે. કેન્દ્ર સરકાર જન્મ-મૃત્યુ નોંધણી કાયદા 1969માં સુધારાની પ્રક્રિયા લગભગ પૂરી કરી ચૂકી છે. સરકારે કાયદામાં સુધારાનો મુસદ્દો જનતાનાં સૂચનો માટે પબ્લિક ડોમેનમાં શૅર કર્યો હતો.

17 નવેમ્બરે સૂચનો કરવાની છેલ્લી તારીખ હતી. હવે બિલ કેબિનેટ સમક્ષ જશે. સંકેત છે કે 2022માં વસતીગણતરી શરૂ થાય તે પહેલાં નવો કાયદો અમલમાં આવી જશે. સુધારા બાદ એક જ તારીખથી દરેક રાજ્યમાં આ કાયદો અમલી બની જશે.

નવો કાયદો લાગુ થયા બાદ જન્મ, મૃત્યુનો પૂરો ડેટા કેન્દ્રીય સ્તરે જમા થવા ઉપરાંત આ ડેટાના આધારે એનપીઆર, આધાર, ડ્રાઇવિંગ લાઇસન્સ તથા પાસપોર્ટ સહિત અન્ય ડેટાબેઝ પણ અપડેટ થઇ જશે. નવા કાયદા બાદ આખા દેશમાં જન્મ, મૃત્યુ નોંધણીનું ફોર્મેટ એકસરખું થઇ જશે.

હાલ દરેક રાજ્યમાં આ ડેટા અને સર્ટિફિકેટ અલગ હોય છે. સાથે જ રાજ્યકક્ષાએ જ આ ડેટાને ડિજિટલ ફોર્મમાં લાવવાનું કામ પણ શરૂ કરાશે. સરકાર આ ડેટા દ્વારા તેનો અન્ય ડેટાબેઝ અપડેટ કરશે. તેનો સીધો ફાયદો એ થશે કે કેન્દ્રીય યોજનાઓ માટે યોગ્યતા ધરાવતા લોકોનું કેન્દ્રીય કક્ષાએ મોનિટરિંગ થઇ શકશે.
નવા કાયદાથી કયા ફેરફારો થશે?

  • જન્મ-મૃત્યુ નોંધણીના કાયદામાં સુધારાથી શું થશે?

પૂરો ડેટાબેઝ ડિજિટલ બનાવવાની દિશામાં આ મોટું પગલું છે. હાલ રાજ્યો મેન્યુઅલી આંકડા રાખે છે જે તેમણે હવે ડિજિટલ કરવા પડશે. તેનાથી સમગ્ર પ્રક્રિયા ટૂંક સમયમાં ઓનલાઇન થઇ જશે. હાલ રાજ્યો પાસેથી વાર્ષિક અહેવાલ તરીકે આ આંકડા કેન્દ્ર પાસે જાય છે. ઓછામાં ઓછા એક વર્ષ બાદ તસવીર સામે આવે છે. નવો કાયદો અમલી બન્યા બાદ એક સમય એવો આવશે કે રાજ્યોમાં જન્મ-મૃત્યુના આંકડા નોંધાતાં જ કેન્દ્ર પાસેનો ડેટા પણ ઓટોમેટિકલી અપડેટ થઇ જશે.

  • કેન્દ્રમાં ડેટાબેઝ બનવાથી શું ફાયદો થશે?

હાલ આધાર, લાઇસન્સ, પાસપોર્ટ, રેશનકાર્ડ, મતદાર ઓળખપત્ર સહિત ઘણા પ્રકારનાં કાર્ડ છે. આ ડેટાબેઝ સતત વધી રહ્યો છે પણ કોઇના મૃત્યુ પછી પણ કાર્ડ એક્ટિવ રહે છે, જેના કારણે દુરુપયોગની આશંકા પણ વધે છે. કેન્દ્રીય સ્તરે લેટેસ્ટ ડેટા હોવાથી મૃતકોનો ડેટા હટાવી શકાશે.

  • સરકાર કયો મોટો ફેરફાર ઇચ્છે છે?

નાગરિકોનો કેન્દ્રીય સ્તરે ડેટાબેઝ હોવાથી સરકાર કોઇ પણ યોજના માટે યોગ્યતા ધરાવતા લોકોનું મોનિટરિંગ કરી શકશે. દા.ત. જન્મનો ડેટા હોવાથી કોઇ કિશોરને 18 વર્ષ પૂરા થવાના હશે ત્યારે તેને મોબાઇલ પર એલર્ટ મળવા લાગશે કે તેણે હવે મતદારયાદીમાં નામ ઉમેરાવી લેવું જોઇએ.

અન્ય સમાચારો પણ છે...