• Gujarati News
  • National
  • The Supreme Court Said The File Was Cleared Lightning Fast, The Question Is Not On The CEC... On The Process

કેન્દ્રએ CECની એપોઇન્ટમેન્ટની ફાઇલ SCને આપી:સુપ્રીમ કોર્ટે કહ્યું-વીજળીવેગે ઝડપથી ફાઇલ ક્લિયર થઇ, સવાલ CEC પર નહીં...પ્રક્રિયા પર

9 દિવસ પહેલા
  • કૉપી લિંક

ચૂંટણી અધિકારીની નિમણૂકની પ્રક્રિયા પર ગુરુવારે સુપ્રીમ કોર્ટે સવાલ ઉઠાવ્યો. કેન્દ્રએ સંવિધાનિક બેંચની સામે મુખ્ય ચૂંટણી અધિકારી (CEC) અરુણ ગોયલની નિમણૂકની ઓરિજિનલ ફાઇલ આપી.

ફાઇલ સામે આવ્યા બાદ બેંચે કહ્યું- ચૂંટણી અધિકારીની એપોઇન્ટમેન્ટની ફાઇલ વીજળીવેગે ક્લિયર કરવામાં આવી. આ કેવું મૂલ્યાંકન છે. અમારો સવાલ CECની યોગ્યતા પર નથી. અમે એપોઇન્ટમેન્ટ પ્રોસેસ પર સવાલ ઉઠાવી રહ્યા છીએ.

સુપ્રીમ કોર્ટે બુધવારે કેન્દ્ર સરકારને આદેશ આપ્યો કે તેઓ 19 નવેમ્બર નિમણૂક કરેલ ચૂંટણી અધિકારી અરુણ ગોયલની એપોઇન્ટમેન્ટની ફાઇળ સબમીટ કરે. તેના માટે 24 નવેમ્બર સુધીનો સમય આપ્યો છે. એટર્ની જનરલ આર વેંકટરમણિએ ફાઇલ બેંચને આપી.

IAS અરુણ ગોયલે 18 નવેમ્બરે VRS લીધું અને 19 નવેમ્બરે તેમને ચૂંટણી અધિકારી બનાવી દીધા. આ નિમણૂક પર સવાલ ઉઠાવતા સિનિયર એડવોકેટ પ્રશાંત ભૂષણે સુપ્રીમ કોર્ટમાં અરજી દાખલ કરી હતી.

એટર્ની જનરલે એપોઇન્ટમેન્ટ ફાઇલ માંગવા પર વાંધો ઉઠાવ્યો
બુધવારના થયેલી સુનાવણી દરમિયાન ગોયલની નિમણૂક સંબંધિત ફાઇલ જોવાની કોર્ટની ઇચ્છા પર એટર્ની જનરલ આર વેંકટરમણિએ વિરોધ નોંધાવ્યો હતો, પરંતુ સુપ્રીમ કોર્ટે વિરોધને રદ કરી દીધો. વેંકેટરમણિએ કહ્યું કે કોર્ટ ચૂંટણી અધિકારી અને મુખ્ય ચૂંટણી અધિકારી (CEC)ની નિમણૂકના મુખ્ય મુદ્દાઓને સાંભળી રહી છે. એવામાં પ્રશાંત ભૂષણ દ્વારા ઉઠાવેલા વ્યક્તિગત મામલાને જોતી નથી.

સુપ્રીમ કોર્ટે કહ્યું હતું- શેષન જેવું કેરેક્ટર જોઇએ, કાર્યકાળ જ પૂરો નથી થતો
મંગળવારે સુપ્રીમ કોર્ટે દેશના મુખ્ય ચૂંટણી અધિકારી, એટલે કે CECની નિમણૂક પ્રક્રિયાને લઇને સરકારને ફટકાર લગાવી હતી. કોર્ટે કહ્યું કે 1990થી 1996 વચ્ચે CEC રહેલા ટીએન શેષન પછી કોઇ પણ મુખ્ય ચૂંટણી અધિકારીને પોતાનો પૂરો કાર્યકાળનો મોકો નથી મળ્યો. શું આવું એટલા માટે થયું કારણ કે સરકારને CEC બનાવનારી વ્યક્તિની જન્મતારીખની ખબર હોય છે? વર્તમાન સરકારના સમયમાં જ નહીં, UPAની સરકારના સમયથી થતું આવ્યું છે.

આ મામલા પર સુપ્રીમ કોર્ટની 2 મુખ્ય ટિપ્પણીઓ

1. સૌથી કાબેલ માણસ જ આ પદ પર પહોંચ્યા
સુપ્રીમ કોર્ટે કહ્યું કે સંવિધાનમાં ચીફ ઇલેક્શન કમિશનર (CEC) અને બે ઇલેક્શન કમિશનર (ECs)ના ખભા પર મહત્ત્વપૂર્ણ શક્તિઓનો ભાર છે. આ જવાબદાર પદો પર નિમણૂકના સમયે ચૂંટણીમાં નિષ્પક્ષ અને પારદર્શી પ્રક્રિયા અપનાવવી જોઇએ, જેથી બેસ્ટ પર્સન જ પદ પર પહોંચે. તે બહુ અગત્યનું થઇ જાય છે કે છેવટે બેસ્ટ અધિકારીનું સિલેક્શન અને તેની નિમણૂક કેવી રીતે કરવામાં આવે છે.

2. છેલ્લા 70 વર્ષથી CECની નિમણૂકનો કાયદો નથી
બેંચે કહ્યું હતું કે સંવિધાનમાં બતાવેલ પ્રક્રિયા હેઠળ ઇલેક્શન કમિશનરની નિમણૂક નથી ન થવાથી પરિણામ સારું નથી હોતું. સંવિધાનના અનુચ્છેદ 324(2)માં CEC અને ECsની નિમણૂક માટે કાનૂન બનાવવાની વાત કહેવામાં આવી છે. છેલ્લા સાત દશકોમાં નિયમ અનુસાર નિયુક્તિ થઇ નથી.

કોલેજિયમ સિસ્ટમથી CECની નિમણૂક પર સુનાવણી કરતી રહી કોર્ટ
કોર્ટે કોલેજિયમ સિસ્ટમ હેઠળ CEC અને ECની નિમણૂકની પ્રક્રિયા પર 23 ઓક્ટોબર 2018ના કરેલી એક અરજી પર સુનાવણી કરી રહી છે. અરજીમાં કહેવામાં આવ્યું છે કે CBI ડાયરેક્ટર કે લોકપાલની જેમ જ કેન્દ્ર એકતરફી ચૂંટણી આયોગના સદસ્યોની નિમણૂક કરે છે. મંગળવારે જસ્ટિસ અજ, રસ્તોગી, અનિરુદ્ધ બોઝ, હૃષીકેશ રોય અને સીટી રવિકુમારની બેંચ આ મામલાની સનાવણી કરી રહી છે.

અન્ય સમાચારો પણ છે...