તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • The Second Wave Disrupted The Census, With Corona Likely To Have A Major Impact On The Population.

કોરોના ઇફેક્ટ:બીજી લહેરને પગલે વસતી ગણતરીનું કામ ખોરંભે, કોરોનાને કારણે વસતી પર મોટો ઇફેક્ટ થાય તેવી શક્યતા

નવી દિલ્હી3 મહિનો પહેલાલેખક: મુકેશ કૌશિક
  • કૉપી લિંક
ફાઇલ તસવીર - Divya Bhaskar
ફાઇલ તસવીર

કોરોનાની બીજી લહેરના કારણે દેશવ્યાપી વસતી ગણતરી યોજના હેઠળ હાઉસ લિસ્ટિંગ શરૂ કરવાની પ્રક્રિયા ઘોંચમાં પડી છે. રાજ્યોની ચૂંટણીઓના 2 મેએ પરિણામ આવ્યા પછી 5 મેએ પહેલા તબક્કાનું કામ શરૂ કરવાનો કેન્દ્રનો ઈરાદો હતો. પરંતુ 30 લાખ વસતી ગણતરી કાર્યકરોની તાલીમથી લઈને હાઉસ લિસ્ટિંગ સુધીની શરૂઆતની કાર્યવાહી જ શરૂ થઈ શકી નથી. આ પહેલા સેન્સસ રજિસ્ટ્રાર જનરલ વિવેક જોશીએ 15 એપ્રિલે ડેટા કેપ્ચરિંગ સેન્ટરનું ઉદઘાટન કર્યું હતું. તેનાથી દેશભરમાં વસતી ગણતરી શરૂ થવાનો સંકેત મળ્યો હતો. આ આયોજન પણ વીડિયો કોન્ફરન્સિંગ થકી થયું હતું, પરંતુ ત્યાર પછી સેન્સસ રજિસ્ટ્રાર જનરલની ઓફિસ જ બંધ છે.

બે તબક્કામાં થશે વસતી ગણતરી
સૂત્રોના જણાવ્યાનુસાર, હવે આ વર્ષે કોઈ રોડમેપ તૈયાર નહીં હોવાથી વસતી ગણતરી 2022માં જ શરૂ થઈ શકશે. નેશનલ પોપ્યુલેશન રજિસ્ટર અપડેટ કરવાનું કામ પણ ત્યારે જ થશે. બે આ કામ બે તબક્કામાં થાય છે. તેના માટે રૂ. 8754 કરોડનું બજેટ ફાળવાયું છે. તેમાં રૂ. 3941 કરોડ પોલ્યુલેશન રજિસ્ટર અપડેટ કરવા માટે ખર્ચાશે. હવે પહેલા તબક્કામાં એપ્રિલથી સપ્ટેમ્બર 2022 સુધી વિવિધ ઘરોની યાદી બનાવાશે. કોરોનાના કારણે પહેલો તબક્કો જ શરૂ નથી થયો, જેના કારણે 2021માં તેનું બજેટ રૂ. 755 કરોડ ઘટાડી દેવાયું હતું.

કોરોનાના કારણે વસતી પર પણ અસર દેખાશે
વસતી ગણતરીથી એ વાતના ઠોસ આંકડા સામે આવશે કે, 2020થી લઈને 2022 સુધી કોરોનાની વસતી પર શું અસર થઈ. વસતી ગણતરીના આંકડા સામે આવ્યા પછી 2020નો રિપોર્ટ તૈયાર થશે. તેનાથી પુરાવાના આધારે કહી શકાશે કે, મહામારીએ ભારતના વિવિધ રાજ્યો પર કેવી રીતે અસર કરી તેમજ આ બિમારીથી સરકારી રેકોર્ડમાં કેટલાના મૃત્યુ નોંધાયા.

અન્ય સમાચારો પણ છે...