• Gujarati News
  • National
  • The Report Submitted To The Court Said That The Remains Of Gods And Goddesses And The Temple Were Found In The Mosque.

જ્ઞાનવાપી સર્વેમાંથી કમિશ્નરનો દાવો દુર કરાયો:કોર્ટમાં રજૂ કરાયેલા રિપોર્ટમાં લખ્યું હતું- મસ્જિદમાંથી દેવી-દેવતાઓ અને મંદિરનાં અવશેષો મળી આવ્યા

વારાણસી2 મહિનો પહેલાલેખક: પુષ્પેન્દ્ર કુમાર ત્રિપાઠી

વારાણસીમાં 14 થી 16 મે વચ્ચે શૃંગાર ગૌરી-જ્ઞાનવાપીમાં કરાયેલા સર્વેનો રિપોર્ટ આજે સિવિલ જજ સિનિયર ડિવિઝનની કોર્ટમાં દાખલ કરવામાં આવશે. એડવોકેટ કમિશનર વિશાલ સિંહ દ્વારા રિપોર્ટ રજૂ કરવામાં આવશે. જ્યારે, પંચની વચ્ચે દૂર કરાયેલા પૂર્વ એડવોકેટ કમિશનર અજય મિશ્રાએ તેમના 2 પાનાનો રિપોર્ટ કોર્ટમાં રજુ કરી દીધો છે. તે રિપોરેટ ભાસ્કર પાસે પણ છે. તેમાં લખેલું છે કે મસ્જિદની અંદર શેષનાગની આકૃતિ ઉપરાંત ખંડિત દેવી-દેવતાઓ, મંદિરના અવશેષ, હિંદુ દેવી-દેવતાઓ અને કમળની આકૃતિઓ, ખડકોની પ્લેટો મળી આવી છે.

અજય કુમાર મિશ્રાની આગેવાની હેઠળ 6 અને 7 મેના રોજ સર્વેની કાર્યવાહી હાથ ધરવામાં આવી હતી. આ પછી 14 થી 16 મે સુધી ત્રણ એડવોકેટ કમિશનરની ઉપસ્થિતિમાં જ્ઞાનવાપી કેમ્પસનો સર્વે કરવામાં આવ્યો હતો. અજય મિશ્રાએ જણાવ્યું કે વીડિયોગ્રાફી સંબંધિત ચિપ રાજ્યની તિજોરીના લોકરમાં સુરક્ષિત રાખવામાં આવી છે.

આ જ્ઞાનવાપીની પાછળની દિવાલ છે. એવો દાવો કરવામાં આવે છે કે આ દિવાલોમાં દેવતાઓની કલાકૃતિઓ છે.
આ જ્ઞાનવાપીની પાછળની દિવાલ છે. એવો દાવો કરવામાં આવે છે કે આ દિવાલોમાં દેવતાઓની કલાકૃતિઓ છે.

પથ્થર પર ચાર મૂર્તિઓનો આકાર, બધા પર સિંદૂરનો રંગ મળ્યો, જાણો રિપોર્ટના 7 મોટા દાવા

  • મસ્જિદમાં બેરિકેડિંગની બહાર, ઉત્તરથી પશ્ચિમ દિવાલના ખૂણામાં દેવી-દેવતાઓની કલાકૃતિઓ સાથે જૂના મંદિરોના અવશેષ છે. પથ્થર પર કમળનો આકાર દેખાયો છે.
  • પત્થરોની અંદરની બાજુએ કેટલીક કલાકૃતિઓ સ્પષ્ટપણે કમળ અને અન્ય આકારની કલાકૃતિઓ હતી.
  • ઉત્તર-પશ્ચિમ ખૂણા પર, રેતી- સિમેન્ટથી ચબુતરાનું નવું બાંધકામ કરવામાં આવ્યું છે.
  • ઉત્તરથી પશ્ચિમની તરફ જતા મધ્ય શિલા પર શેષનાગની કલાકૃતિ મળી છે.
  • શિલા પર સિંદુરનાં રંગમાં રંગાયેલી કલાકૃતિ મળી છે. શિલા પર દેવ વિગ્રહ જેમાં ચાર મૂર્તિઓનો આકાર જોઈ શકાય છે. તેના પર સિંદુરનો રંગ લાગેલો છે.
  • ચોથી આકૃતિ, જે મૂર્તિ જેવી લાગે છે, તે સિંદૂરના લેપથી ઢંકાયેલી છે.
  • જમીન પર મળેલી પથ્થરની તકતીઓ જોઈને એવું લાગતું હતું કે જાણે તે ઘણા સમયથી ત્યાં પડેલા હોય. તેઓ એક મોટી ઈમારતના ખંડિત ભાગો તરીકે દેખાયા હતા.

શ્રૃંગાર ગૌરી મંદિરના દરવાજાના અવશેષો મળ્યા
રિપોર્ટમાં લખવામાં આવ્યું છે કે બેરિકેડિંગની બહાર સિંદૂર લાગેલ 3-4 કલાકૃતિઓ અને દરવાજા જેવી શિલા છે. હિન્દુ પક્ષ તરફથી એવું કહેવામાં આવ્યું હતું કે શ્રૃંગાર ગૌરી મંદિરના દરવાજાની ફ્રેમના અવશેષો છે. અત્યારે તેમની કલાકૃતિઓનું પ્રતીકને જો કે શ્રૃંગાર ગૌરી માનતા પૂજા કરે છે.

કમીશનનો સમગ્ર રિપોર્ટ વાંચી શકાય છે.

બીજા દિવસનાં સર્વેમાં DM-પોલીસ કમિશ્નર પર સહકાર ન આપવાના આરોપ
એડવોકેટ કમિશ્નર અજયે પોતાના રિપેર્ટમાં કહ્યું છે કે કોર્ટના આદેશ પર તમામ પક્ષકારોની સાથે 6 મેના રોજ બપોરે 3.30 વાગે સર્વે શરુ કરવામાં આવ્યો હતો. જ્ઞાનવાપી બેરિકેડિંગની બહારથી શરૂ થયેલી કાર્યવાહી પ્રથમ દિવસે સવારે 5:45 સુધી ચાલી હતી. 7મી મેના રોજ બપોરે 3 વાગ્યે કમિશનની કાર્યવાહીમાં મુસ્લિમ પક્ષની અંજુમન ઈંતઝામિયા મસ્જિદ કમિટી હાજર રહી ન હતી. તે દિવસે પ્રતિવાદી રાજ્ય સરકાર, ડીએમ, પોલીસ કમિશનરે સહકાર આપ્યો નથી અને તેમની જવાબદારીઓ યોગ્ય રીતે નિભાવી નથી.

એકબીજા પર આક્ષેપો અને પ્રતિઆક્ષેપોને કારણે અને વિવાદિત સ્થળે મુસ્લિમ સમાજના 100 જેટલા લોકોની હાજરીને કારણે પોલીસ અને પ્રશાસને અસમર્થતા દર્શાવી હતી. પરિણામે, સર્વે પૂર્ણ થઈ શક્યો નથી.

આ તસવીર પણ જ્ઞાનવાપી કેમ્પસની પાછળની બાજુની છે. સર્વે દરમિયાન તેની ફોટોગ્રાફી અને વીડિયોગ્રાફી પણ કરવામાં આવી હતી.
આ તસવીર પણ જ્ઞાનવાપી કેમ્પસની પાછળની બાજુની છે. સર્વે દરમિયાન તેની ફોટોગ્રાફી અને વીડિયોગ્રાફી પણ કરવામાં આવી હતી.

આજે કોર્ટમાં વિશાલ સિંહ 14-16 મેનો રિપોર્ટ રજૂ કરશે
કાર્યમુકત કરાયેલા એડવોકેટ કમિશનર અજય કુમાર મિશ્રાનો રિપોર્ટ ફાઈલ થયા બાદ હવે 19 મેને ગુરુવારે સ્પેશિયલ એડવોકેટ કમિશનર વિશાલ સિંઘ પોતાનો રિપોર્ટ આપશે. 14 મેથી શરૂ થયેલા ત્રણ દિવસીય સર્વેના અંતિમ દિવસે 16 મેના રોજ જ્ઞાનવાપી મસ્જિદના વઝુખાનામાં શિવલિંગની પુનઃપ્રાપ્તિનો દાવો હિન્દુ પક્ષ દ્વારા કરવામાં આવ્યો હતો. આ પછી આ જગ્યાને સીલ કરી દેવામાં આવી છે.

અજય કુમાર મિશ્રાએ કહ્યું હતું- વિશાલની ફરિયાદ પર હટાવવામાં આવ્યા
કોર્ટમાંથી હટાવ્યા બાદ અજય કુમાર મિશ્રાએ કહ્યું હતું કે, 'મેં કંઈ ખોટું કર્યું નથી. મેં વિશ્વાસ કર્યો અને મારી સાથે છેતરપિંડી થઈ. એમાં હું શું કરી શકું...? મેં ફોટોગ્રાફરને રાખ્યો, તેણે છેતરપિંડી કરી. એડવોકેટ વિશાલ સિંહ પાસેથી આવી કોઈ અપેક્ષા નહોતી. વિશાલ સિંહની ફરિયાદના આધારે મને દૂર કરવામાં આવ્યો છે. તેણે મારી સાથે પણ છેતરપિંડી કરી. મારા વિશ્વાસપાત્ર સ્વભાવનો ફાયદો ઉઠાવ્યો.

અન્ય સમાચારો પણ છે...