તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • The NTA Exam Will Be Held From September 6 To October 4, UGC NET From September 16 To 25

શિડ્યુલ:NTAની પરીક્ષા 6 સપ્ટેમ્બરથી 4 ઓક્ટોબર, યુજીસી નેટ 16થી 25 સપ્ટેમ્બર વચ્ચે યોજાશે

નવી દિલ્હી2 મહિનો પહેલા
  • કૉપી લિંક

નેશનલ ટેસ્ટિંગ એજન્સી(એનટીએ)એ યુજીસી-નેટ, ઈગ્નૂ ઓપનમેટ અને પીએચ.ડી., દિલ્હી યુનિવર્સિટી પ્રવેશ પરીક્ષા અને આઈસીએઆર એ આઈઈઈએ સહિત જુદી જુદી પરીક્ષાઓની નવી તારીખો જાહેર કરી દીધી છે. જારી કરાયેલા શિડ્યુલ અનુસાર યુજીસી નેટની પરીક્ષાની 16થી 25 સ્ટેમ્બર વચ્ચે આયોજિત કરાશે. જ્યારે દિલ્હી યુનિવર્સિટીની પ્રવેશ પરીક્ષા 6 સપ્ટેમ્બરથી આયોજિત કરાશે. પરીક્ષામાં સામેલ થવાના ઈચ્છુક ઉમેદવારો એનટીએની વેબસાઈટ પરથી માહિતી મેળવી શકે છે.

આ તમામ પ્રવેશ પરીક્ષાઓનું આયોજન 6 સપ્ટેમ્બરથી 4 ઓક્ટોબર વચ્ચે કરાશે. ઉપરાંત એનટીએએ 29 ઓગસ્ટે યોજાનાર એઆઈએજીપીઈટીની પરીક્ષા સ્થગિત કરી સપ્ટેમ્બરમાં આયોજિત કરવાનો નિર્ણય લીધો છે. આ પરીક્ષાઓના પ્રવેશપત્ર પરીક્ષાઓ શરૂ થવાના 15 દિવસ પહેલાં જારી કરાશે. એનટીએએ શરૂઆતમાં આ પરીક્ષાઓનું મે અને જૂનના મહિનામાં આયોજન કરવાનો નિર્ણય કર્યો હતો પણ કોરોના વાઈરસની મહામારીને લીધે લૉકડાઉન લાગી જતાં તમામ પરીક્ષાઓ સ્થગિત કરાઈ હતી.

એડમિટ કાર્ડ જારી કરાયાં, જેઇઈ અને નીટ નક્કી સમયે યોજાશે
કોરોના મહામારીને ધ્યાનમાં રાખી જેઇઈ અને નીટની પરીક્ષાઓ રદ કરવાની માગ થઇ રહી હતી. જોકે સરકાર સંબંધિત સૂત્રોએ જણાવ્યું કે હવે તે સ્થગિત નહીં થાય. નેશનલ ટેસ્ટિંગ એજન્સી દ્વારા જેઈઈ મેઈન્સના લગભગ 6.5 લાખ એડમિટ કાર્ડ જારી કરી દેવાયાં છે. આ પરીક્ષા 1થી 6 સપ્ટેમ્બર વચ્ચે યોજાવાની છે. જ્યારે નીટ 13 સપ્ટેમ્બરે યોજાશે.

વડાપ્રધાન પરીક્ષા સ્થગિત કરે, વિદ્યાર્થીઓ આપઘાત કરી શકે છે : સ્વામી
દરમિયાન ભાજપ નેતા સુબ્રમણ્યમ સ્વામીએ વડાપ્રધાનને અપીલ કરી હતી કે તે નીટ અને જેઇઈ દિવાળી સુધી સ્થગિત કરે. તેના માટે શિક્ષણ મંત્રાલયને નિર્દેશ આપે. સ્વામીએ કહ્યું કે એવું ન કરાતાં અનેક વિદ્યાર્થીઓ આપઘાત કરવા મજબૂર થઇ શકે છે.

પરીક્ષાની તારીખો

યુજીસી નેટ16-18 અને 21-25 સપ્ટેમ્બર
ઈગ્નૂ ઓપનમેટ15 સપ્ટેમ્બર
ડીયુઈટી6-11 સપ્ટેમ્બર
ICAR એઆઈઈઈએ(યુજી)7-8 સપ્ટેમ્બર
એઆઈએજીપીઈટી28 સપ્ટેમ્બર
ઈગ્નૂ પીએચ.ડી.4 ઓક્ટોબર

​​​​​​

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- પરિસ્થિતિ તમારા પક્ષમાં છે. મોટાભાગના કામ મન પ્રમાણે પૂર્ણ થતાં જશે. કોઇ પ્રિય મિત્ર સાથે મુલાકાત સુખ અને તાજગી આપી શકે છે. પારિવારિક સુખ-સુવિધાને લગતી વસ્તુઓ માટે શોપિંગમાં સમય પસાર થશે. ...

વધુ વાંચો